1 ЦІМАФЕЯ 4:10 - Кнігі Святога Пісання - Біблія - Біблія — пераклад Чарняўскага (выданне 2017 года)

Бо дзеля гэтага мы працуем і ганьбаванне церпім, што спадзяёмся на Бога жывога, Які ёсць Збаўца ўсіх людзей, а ў першую чаргу верных.

Біблія (пераклад А.Бокуна)

Бо мы дзеля гэтага і працуем, і зьнявагі церпім, што спадзяемся на Бога Жывога, Які ёсьць Збаўца ўсіх людзей, а найбольш — верных.

Біблія (пераклад В. Сёмухі)

Бо мы на тое і працуем і паганьбеньне церпім, што надзею маем на Бога жывога, Які ёсьць Збаўца ўсіх людзей, а найперш веруючых.

1 ЦІМАФЕЯ 4:10 Крыжаваныя спасылкі

ПСАЛТЫР 107:2

Хай скажуць тыя, якія былі адкуплены Госпадам, якіх Ён адкупіў з рукі праціўніка.

ПСАЛТЫР 118:8

Лепш бегчы да Госпада, чым спадзявацца на чалавека.

ПСАЛТЫР 36:6

Госпадзе, да неба міласэрнасць Твая і праўда Твая — да аблокаў;

ПСАЛТЫР 37:40

І ўспамагае ім Госпад, і вызваляе іх, і вырывае іх ад бязбожных, і збаўляе іх, бо яны хінуцца да Яго.

ПСАЛТЫР 52:8

Убачаць справядлівыя і спалохаюцца, і будуць смяяцца з яго:

ПСАЛТЫР 84:12

Бо Госпад Бог ёсць сонца і шчыт; ласку і славу дасць Госпад; Ён не забярэ дабра ў тых, што жывуць у бязвіннасці.

ІСАІ 12:2

Вось жа, Бог збаўлення майго! Буду мець давер і не буду баяцца, мужнасць бо мая і хвала мая — Госпад, і стаўся для мяне збаўленнем!»

ІСАІ 50:10

Хто з вас баіцца Госпада, слухаючы голас паслугача Яго, хто ходзіць у цемры і няма яму святла — хай спадзяецца на імя Госпада і хай абапіраецца на Бога свайго.

ЕРАМІІ 17:7

Дабраславёны чалавек, які спадзяецца на Госпада; і Госпад будзе надзеяй яго;

ДАНІІЛА 3:28

Бо выдаў Ты праўдзівыя прысуды ва ўсім, што Ты навёў на нас і на Ерузалім, святы горад нашых бацькоў, бо ў праўдзе і ў законнасці навёў Ты ўсё гэта на нас з прычыны нашых грахоў.

НАВУМА 1:7

Добры ёсць Госпад — прытулак у дзень бяды і спагадны тым, што на Яго спадзяюцца;

МАЦЬВЕЯ 16:16

Адказваючы, Сімон Пётра сказаў: «Ты – Хрыстос, Сын Бога жывога».

МАЦЬВЕЯ 27:43

Спадзяваўся Ён на Бога, хай жа вызваліць Яго цяпер, калі Ён спагадны да Яго. Бо Ён казаў: “Я – Сын Божы”».

ЯНА 1:29

Назаўтра ўбачыў Ян Ісуса, што ішоў да яго, і гаворыць: «Вось, Ягня Божае, Той, Хто бярэ на Сябе грэх свету.

ЯНА 4:42

Жанчыне ж казалі: «Ужо не дзеля твайго аповеду верым; але дзеля таго, што пачулі і ведаем, што Ён – сапраўды Збаўца свету, Хрыстос».

ЯНА 5:24

Сапраўды, сапраўды кажу вам: хто слухае Маё слова ды верыць Таму, Хто Мяне паслаў, мае жыццё вечнае, ды не ідзе на суд, але ад смерці перайшоў да жыцця.

1 КАРЫНФЯНАЎ 15:10

Але з ласкі Бога ёсць тым, кім ёсць, ды дадзеная мне ласка Яго не была дарэмнай. Наадварот, працаваў я больш ад іх усіх, дый не я, аднак, але ласка Божая са мною.

2 КАРЫНФЯНАЎ 1:10

Ён і выбавіў нас ад такой смерці, і выбаўляе, і мы маем у Ім надзею, што і далей будзе выбаўляць,

1 ЦІМАФЕЯ 2:3

Бо гэта добра і міла Збаўцу нашаму Богу,

1 ЦІМАФЕЯ 2:4

Які хоча збавіць усіх людзей і давесці іх да пазнання праўды.

1 ЦІМАФЕЯ 2:6

Які Самога Сябе выдаў дзеля адкуплення за ўсіх, як сведчанне ў свой час,

1 ЦІМАФЕЯ 3:15

Калі ж замаруджу, каб ведаў ты, як маеш трымацца ў доме Божым, які ёсць Царква Бога жывога, стоўп і ўмацаванне праўды.

1 ЦІМАФЕЯ 6:17

Багатым гэтага веку загадвай, каб лішне высока пра сябе не думалі і не пакладалі надзеі на няпэўнасць багацця, але спадзяваліся на Бога жывога, Які шчодра дае нам усё патрэбнае для асалоды,

ГАБРЭЯЎ 11:26

Бо лічыў за большае багацце знявагі Хрыстовы, чым скарбы егіпецкія, бо глядзеў на ўзнагароду.

ГАБРЭЯЎ 13:13

Дык выйдзем жа і мы да Яго за лагер, пераносячы разам з Ім зганьбаванне,

1 ПЯТРА 1:21

якія праз Яго ўверылі ў Бога, Які ўваскрасіў Яго з мёртвых і даў Яму славу, каб вера ваша і надзея былі скіраваны да Бога.

1 ЯНА 2:2

Ён ёсць уміласціўленне за грахі нашы, ды не толькі за грахі нашы, але і ўсяго свету.

1 ЯНА 4:14

Мы, вось, бачылі і сведчым, што Айцец паслаў Сына Збаўцам свету.