ПСАЛТЫР 52 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Кіраўніку хору. Маскіль. Давідаў.

2 Пасля таго, як Даэг эдаміт прыйшоў да Саўла і паведаміў яму, кажучы: «Давід увайшоў у дом Ахімэлеха».

² Пасля таго, як Даэг эдаміт прыйшоў да Саўла і паведаміў яму, кажучы: «Давід увайшоў у дом Ахімэлеха».

³ Чаго фанабэрышся злосцю, ты, магутны [сваёй] несправядлівасцю?

⁴ Увесь дзень думаеш пра загубу; язык твой, як вострая брытва, ты, крывадушнік.

⁵ Любіш ты ліхое больш за добрае, хлусню больш, чым казаць справядлівае.

⁶ Любіш ты розныя пагібельныя словы, хітры язык!

⁷ Таму знішчыць цябе Бог да канца, адпіхне цябе, і выкіне цябе з палаткі, а корань твой — з зямлі жывых.

⁸ Убачаць справядлівыя і спалохаюцца, і будуць смяяцца з яго:

⁹ «Вось жа чалавек, які не прызнаў Бога сваім прыстанішчам, але надзею сваю паклаў у вялікім багацці сваім, і ўздужэў у злачынствах сваіх».

¹⁰ А я вось, як аліўка зялёная ў доме Божым. Я паклаў надзею ў міласэрнасці Божай навечна і на векі вечныя. ўчыніў Ты, і буду чакаць імя Твайго, бо яно добрае, перад святымі Тваімі.