1 КАРЫНФЯНАЎ 13:13 - Кнігі Святога Пісання - Біблія - Біблія — пераклад Чарняўскага (выданне 2017 года)

Дык цяпер трываюць гэтыя тры: вера, надзея і любоў; але большая з іх – любоў.

Біблія (пераклад А.Бокуна)

А цяпер застаюцца вера, надзея, любоў — гэтыя тры; але большая з іх — любоў.

Біблія (пераклад В. Сёмухі)

А тым часам жывуць вось гэтыя тры: вера, надзея, любоў; але любоў зь іх найбольшая.

1 КАРЫНФЯНАЎ 13:13 Крыжаваныя спасылкі

ПСАЛТЫР 146:5

Шчасны той, каму Бог Якубаў успаможца, чыя надзея ў Госпадзе Богу сваім,

ПСАЛТЫР 42:11

Уздрыгваюць косці мае, а тыя, што прыцясняюць мяне, зняважылі мяне і кажуць мне штодзень: «Дзе Бог твой?»

ПСАЛТЫР 43:5

Чаму ты смутная, душа мая, і чаго трывожышся ўва мне? Май надзею ў Богу, бо я ўсё роўна буду вызнаваць Яго: «Збаўленне аблічча майго» і «Бог мой».

ЛУКАША 10:27

Той, адказваючы, сказаў: «Любі Госпада, Бога твайго, усім сэрцам тваім, і ўсёй душой тваёй, і ўсёй моцай тваёй, і ўсім розумам тваім, і блізкага твайго, як сябе самога».

ЛУКАША 22:32

але Я маліўся за цябе, каб не заняпала вера твая. І ты, з часам навярнуўшыся, умацоўвай братоў тваіх».

РЫМЛЯНАЎ 15:13

А Бог надзеі хай напоўніць вас усякаю радасцю і супакоем у веры, каб праз моц Духа Святога вы ўзбагаціліся надзеяй.

1 КАРЫНФЯНАЎ 14:1

Імкніцеся да любові, рупцеся пра духоўнае, асабліва пра тое, каб праракаваць.

1 КАРЫНФЯНАЎ 16:14

Хай усё ў вас дзеецца ў любові.

1 КАРЫНФЯНАЎ 3:14

Той, чыя праца, якую ён пабудаваў, выстаіць, той атрымае ўзнагароду,

1 КАРЫНФЯНАЎ 8:1

Што да ідалам складаных ахвяр, мы ведаем, бо маем усе веданне. Але веданне надзімае, а любоў будуе.

1 КАРЫНФЯНАЎ 8:3

А калі хто любіць Бога, той вядомы Яму.

2 КАРЫНФЯНАЎ 5:10

Бо ўсе мы мусім з’явіцца перад судом Хрыста, каб кожны атрымаў належную яму плату за тое, што зрабіў ён у целе, – ці добрае, ці ліхое.

2 КАРЫНФЯНАЎ 5:15

І Ён памёр за ўсіх, каб тыя, што жывуць, ужо не для сябе жылі, але для Таго, Хто за іх памёр і ўваскрос.

ГАЛЯТАЎ 5:6

Бо ў Хрысце Ісусе ані абразанне, ані неабразанне не маюць сілы, а толькі вера, што дзейнічае праз любоў.

ПІЛІПЯНАЎ 1:9

І аб тым малюся, каб любоў ваша ўсё больш і больш узрастала ў веданні і ўсякім адчуванні,

КАЛАСЯНАЎ 1:27

якім захацеў Бог выявіць, якое багацце славы гэтай таямніцы сярод паганаў. Гэта ёсць Хрыстос у вас, надзея хвалы.

КАЛАСЯНАЎ 1:5

дзеля надзеі, якая прыгатавана для вас у небе, аб якой чулі вы раней у слове праўды Евангелля,

КАЛАСЯНАЎ 3:14

А па-над усё апраніцеся ў любоў, якая ёсць сукупнасць дасканаласці.

1 ФЕСАЛОНІКІЙЦАЎ 1:3

памятаючы дзейнасць веры вашай, працу любові і трываласць надзеі ў Госпадзе нашым Ісусе Хрысце перад Богам і Айцом нашым,

1 ФЕСАЛОНІКІЙЦАЎ 5:8

Мы ж, якія належым дню, будзем цвярозымі, адзетымі ў панцыр веры і любові і ў шлем надзеі збаўлення.

1 ЦІМАФЕЯ 1:5

Мэтай жа прыказання ёсць любоў з чыстага сэрца, і добрага сумлення, і няўяўнай веры,

2 ЦІМАФЕЯ 1:7

Бо не даў нам Бог духа страху, але сілы, любові і цвярозага мыслення.

ГАБРЭЯЎ 10:35

Дык не пакідайце мужнасці вашай, якая мае вялікую ўзнагароду.

ГАБРЭЯЎ 10:39

Мы ж не з’яўляемся адступнікамі на загубу, але веруючымі на збаўленне душы.

ГАБРЭЯЎ 6:11

Жадаем, каб кожны з вас выявіў такую ж руплівасць ва ўдасканаленні надзеі аж да канца,

ГАБРЭЯЎ 6:19

якую маем як якар душы, бяспечны і пэўны, які пранікае ва ўнутранае аж за заслону,

1 ПЯТРА 1:21

якія праз Яго ўверылі ў Бога, Які ўваскрасіў Яго з мёртвых і даў Яму славу, каб вера ваша і надзея былі скіраваны да Бога.

1 ЯНА 2:10

Хто любіць брата свайго, той застаецца ў святле, ды няма ў ім згаршэння.

1 ЯНА 2:14

Напісаў вам, дзеці: вы ведаеце Айца. Напісаў вам, айцы: пазналі вы Таго, Хто ад пачатку. Напісаў вам, юнакі: вы дужыя, і слова Божае трывае ў вас, і вы перамаглі ліхога.

1 ЯНА 2:24

Няхай захаваецца ў вас тое, што вы чулі ад пачатку. Калі тое, што вы чулі ад пачатку, захаваецца ў вас, дык вы будзеце трываць у Сыне і ў Айцу.

1 ЯНА 3:3

І кожны, хто мае такую надзею ў Ім, ачышчае сябе падобна таму, як Ён чысты.

1 ЯНА 3:9

Кожны, хто нарадзіўся ад Бога, не ўчыняе граху, бо застаецца ў ім семя Яго; і не можа ён грашыць, бо нарадзіўся ад Бога.