ПСАЛТЫР 146 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Алілуя. Хвалі, душа мая, Госпада,

² буду хваліць Госпада пры жыцці маім, буду спяваць псальмы Богу майму, колькі жыць буду.

³ Не ўскладайце надзею на князёў, на сына чалавечага, у якіх няма збаўлення.

⁴ Выйдзе дух яго і вернецца ён у сваю зямлю, у гэты дзень загінуць усе намеры яго.

⁵ Шчасны той, каму Бог Якубаў успаможца, чыя надзея ў Госпадзе Богу сваім,

⁶ Які стварыў неба і зямлю, і мора ды ўсё, што ў іх ёсць; Які пільнуецца праўды вечна,

⁷ чыніць суд прыгнечаным, дае ежу тым, што прагнуць. Госпад вызваляе вязняў.

⁸ Госпад прасвятляе сляпых, Госпад выпрастоўвае сагнутых, Госпад любіць справядлівых.

⁹ Госпад апякуецца прыхаднямі, падтрымлівае сірату і ўдаву і знішчае дарогу грэшнікаў.

¹⁰ Госпад валадарыць вечна, Бог твой, Сіёне, з пакалення ў пакаленне.