ПСАЛТЫР 26:1 - Кнігі Святога Пісання - Біблія - Біблія — пераклад Чарняўскага (выданне 2017 года)

Давідаў. Прызнай мне, Госпадзе, справядлівасць, бо пачаў я хадзіць у бязвіннасці сваёй і не саслабею, спадзеючыся на Госпада.

Біблія (пераклад А.Бокуна)

Давіда. Судзі мяне, ГОСПАДЗЕ, бо хадзіў я ў беззаганнасьці маёй і на ГОСПАДА спадзяваўся, не хістаючыся.

Біблія (пераклад В. Сёмухі)

Псальма Давідава. Перад памазаньнем. Гасподзь - сьвятло маё і ратунак мой: каго мне баяцца? Гасподзь - цьвярдыня жыцьця майго: каго мне палохацца?

ПСАЛТЫР 26:1 Крыжаваныя спасылкі

4 ЦАРСТВАЎ 20:3

«О Госпадзе! Узгадай, як я хадзіў перад Табою верна і са шчырым сэрцам, і рабіў тое, што міла Табе». І заплакаў Эзэкія ўголас.

ЁВА 2:3

І сказаў Госпад шатану: «А ці звярнуў ты ўвагу на паслугача Майго, Ёва, што на зямлі няма падобнага да яго. Чалавек ён шчыры і праўдзівы, шануе Бога і пазбягае зла, і да таго ж захоўвае бязгрэшнасць сваю. А ты Мяне намаўляў супраць яго, каб пакараў Я яго ні за што».

ЁВА 4:6

Страх твой перад Богам — хіба не надзея твая, дасканаласць шляхоў тваіх — хіба не спадзяванне тваё?

ПСАЛТЫР 121:3

Не дасць Ён пахіснуцца тваёй назе, не задрэмле Той, Хто пільнуе цябе.

ПСАЛТЫР 15:2

Той, хто ходзіць беззаганна і робіць справядлівасць; той, хто гаворыць праўду ў сэрцы сваім;

ПСАЛТЫР 21:7

бо дадасі Ты яму дабраславенне на векі вечныя, усцешыш яго радасцю перад абліччам Сваім.

ПСАЛТЫР 25:2

БЭТ. Божа мой, на Цябе спадзяюся; хай не сумеюся! Хай не кпяць з мяне непрыяцелі мае.

ПСАЛТЫР 25:21

ТАЎ. Хай бязвіннасць і справядлівасць пільнуюць мяне, бо я трымаўся Цябе.

ПСАЛТЫР 26:11

Я ж пачаў хадзіць у нявіннасці сваёй, збаў мяне і пашкадуй мяне.

ПСАЛТЫР 28:7

Госпад — памочнік мой і абаронца мой, у Ім знайшло надзею сэрца маё, і ў песні маёй адкрыюся Яму.

ПСАЛТЫР 31:14

Бо я чуў нараканне ад многіх, жудасць наўкола — калі яны сышліся там разам супраць мяне, змовіліся вырваць душу маю.

ПСАЛТЫР 35:24

Судзі мяне па Сваёй справядлівасці, Госпадзе, Божа мой, хай не пацяшаюцца з мяне.

ПСАЛТЫР 37:31

Закон Бога яго ў сэрцы яго, і не хістаюцца яго ногі.

ПСАЛТЫР 4:5

Калі гневаецеся, не грашыце; разважце ў сэрцах вашых на ложках вашых і супакойцеся!

ПСАЛТЫР 43:1

Судзі мяне, Божа, і аддзялі справу маю ад народа несвятога; вырві мяне ад чалавека несправядлівага і хітрага.

ПСАЛТЫР 54:1

Кіраўніку хору. На струнах. Маскіль. Давідаў.

ПСАЛТЫР 62:2

Толькі ў Богу спачні, душа мая, бо ад Яго — збаўленне маё.

ПСАЛТЫР 62:6

Толькі ў Богу спачывае душа мая, бо ад Яго — цярплівасць мая.

ПСАЛТЫР 7:8

І хай сход народаў акружыць Цябе, і над ёю вярніся ізноў на вышыню:

ПСАЛТЫР 94:18

Калі гавару я: «Нага мая хістаецца», міласэрнасць Твая, Госпадзе, падтрымлівае мяне.

ВЫСЛОЎІ 20:7

Справядлівы чалавек, які ходзіць у чыстасардэчнасці сваёй, пакіне па сабе шчаслівых дзяцей.

ВЫСЛОЎІ 29:25

Страх перад чалавекам ставіць пастку, а хто ўскладае надзею на Госпада — будзе падтрыманы.

2 КАРЫНФЯНАЎ 1:12

Бо пахвала наша – гэта сведчанне сумлення нашага, што ў прастаце ды ў шчырасці Божай, і не ў цялеснай мудрасці, але ў ласцы Божай жылі мы на свеце, асабліва ў вас.

ГАБРЭЯЎ 10:23

Трымаймася непарушна вызнання надзеі, бо верны ёсць Той, Які даў абяцанне;

1 ПЯТРА 1:5

якія магутнасцю Божай праз веру захоўваецеся дзеля збаўлення, прыгатаванага аб’явіцца ў апошні час.

2 ПЯТРА 1:10

Дык тым больш, браты, старайцеся ўгрунтаваць сваё пакліканне і выбранне. Гэтак бо робячы, ніколі не спатыкнецеся.

1 ЦАРСТВАЎ 2:9

Зберажэ Ён ногі святых Сваіх, бязбожнікі ж у цемры сціхаюць, бо не сваёю сілаю чалавек дужы.

1 ЦАРСТВАЎ 24:15

Каго гоніць цар Ізраэля? Каго ты пераследуеш? Сабаку здохлага і адну блыху.