ПСАЛТЫР 43:1 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Судзі мяне, Божа, і аддзялі справу маю ад народа несвятога; вырві мяне ад чалавека несправядлівага і хітрага.

Біблія (пераклад А.Бокуна)

¹ Судзі мяне, Божа, і барані мяне ў справе маёй супраць народу небагабойнага! Ад чалавека крывадушнага і беззаконнага збаў Ты мяне!

Біблія (пераклад В. Сёмухі)

¹ Кіроўцу хору. Вучэньне. Сыноў Карэевых.

ПСАЛТЫР 43:1 Крыжаваныя спасылкі

2 ЦАРСТВАЎ 15:31

І паведамілі Давіду, што і Ахітатэл быў у змове з Абсаломам; і сказаў Давід: «Госпадзе, прашу, пазбаў сілы параду Ахітатэла».

2 ЦАРСТВАЎ 16:20

І сказаў Абсалом Ахітатэлу: «Дайце параду: што маем рабіць?»

2 ЦАРСТВАЎ 18:8

А бой там пашырыўся на ўсю ваколіцу; і лес у той дзень загубіў народу значна больш, чым меч.

ПСАЛТЫР 140:5

Усцеражы мяне, Госпадзе, ад рукі грэшніка, ухавай мяне ад гвалтаўніка.

ПСАЛТЫР 26:1

Давідаў. Прызнай мне, Госпадзе, справядлівасць, бо пачаў я хадзіць у бязвіннасці сваёй і не саслабею, спадзеючыся на Госпада.

ПСАЛТЫР 35:1

Давідаў. Асудзі, Госпадзе, тых, што асуджаюць мяне; выйдзі супраць тых, што ідуць супраць мяне.

ПСАЛТЫР 35:24

Судзі мяне па Сваёй справядлівасці, Госпадзе, Божа мой, хай не пацяшаюцца з мяне.

ПСАЛТЫР 5:6

і несправядлівыя не застаюцца перад вачамі Тваімі. Ненавідзіш Ты ўсіх, што чыняць беззаконнасць,

ПСАЛТЫР 54:3

Божа, збаў мяне ў імя Тваё і ў магуцці Тваім судзі мяне.

ПСАЛТЫР 7:7

Паўстань, Госпадзе, у гневе Тваім і ўзнясіся супраць лютасці непрыяцеляў маіх, і паўстань, Божа мой, на судзе, які Ты запавядаў.

ПСАЛТЫР 7:8

І хай сход народаў акружыць Цябе, і над ёю вярніся ізноў на вышыню:

ПСАЛТЫР 7:9

Госпад судзіць народы. Судзі мяне, Госпадзе, паводле справядлівасці маёй і паводле незласлівасці маёй, якая ёсць ўва мне.

ПСАЛТЫР 71:4

Божа мой, вырві мяне з рукі грэшніка і з рукі беззаконнага і несправядлівага.

ПСАЛТЫР 75:7

Бо пыха — ані з усходу, ані з захаду, ані з пустыні.

ВЫСЛОЎІ 22:23

бо Госпад будзе разбіраць справу іх і пазбавіць Ён жыцця рабаўнікоў.

ВЫСЛОЎІ 23:11

бо ў іх ёсць магутны Збавіцель, і Ён Сам будзе супраць цябе разбіраць справу іх.

МІХЕЯ 7:9

Мушу цярпець гнеў Госпада, бо зграшыў я супраць Яго, аж пакуль Ён не вырашыць справу маю і не правядзе суда нада мной; выведзе Ён мяне на святло, і ўбачу я справядлівасць Яго.

1 КАРЫНФЯНАЎ 4:4

Бо хоць я не пачуваюся ні ў чым вінаватым, гэтым яшчэ не апраўданы. Госпад – Той, Хто судзіць мяне.

1 ПЯТРА 2:23

Ён, зняважаны, не зневажаў, церпячы, не пагражаў, але ўсё перадаў справядліваму Суддзі.

1 ЦАРСТВАЎ 24:15

Каго гоніць цар Ізраэля? Каго ты пераследуеш? Сабаку здохлага і адну блыху.