ПСАЛТЫР 25 - Кнігі Святога Пісання - Біблія - Біблія — пераклад Чарняўскага (выданне 2017 года)

1 АЛЕФ. Давідаў.

¹ АЛЕФ. Давідаў. Да Цябе, Госпадзе, узняў я душу маю.

² БЭТ. Божа мой, на Цябе спадзяюся; хай не сумеюся! Хай не кпяць з мяне непрыяцелі мае.

³ ГІМЭЛЬ. Бо ўсе тыя, што трымаюцца Цябе, не будуць засаромлены. Засаромлены будуць тыя, што чыняць бязвер’е дзеля марнасці.

⁴ ДАЛЕТ. Пакажы мне, Госпадзе, Свае дарогі і навучы мяне Сваім сцежкам.

⁵ ГЭ. Вядзі мяне праўдай Тваёй і вучы мяне, бо Ты Бог збавення майго. ВАЎ. На Цябе спадзяюся штодня.

⁶ ДЗАЙН. Помні, Госпадзе, пра міласці Твае і пра міласэрнасць Тваю, бо яны спрадвечныя!

⁷ ГЭТ. Не прыпамінай грахоў маладосці маёй і злачынстваў маіх, але помні пра мяне Ты паводле міласэрнасці Тваёй, згодна дабраце Тваёй, Госпадзе.

⁸ ТЭТ. Спагадны і праведны Госпад, таму наставіць грэшнікаў на шлях;

⁹ ЁД. пакорлівых накіруе па справядлівасці, наставіць сціплых на шляхі іх.

¹⁰ КАФ. Усе шляхі Божыя — міласэрнасць і праўда для тых, што трымаюцца запавету Яго і сведчанняў Яго.

¹¹ ЛЯМЭД. Дзеля імя Твайго, Госпадзе, злітуешся над грахом маім: бо ён так вялікі.

¹² Госпада? Ён наставіць такога на шлях, які [той] выбірае.

¹³ НУН. Душа яго ў дабротах прабудзе, а семя яго ўспадкаеміць зямлю.

¹⁴ САМЭК. Спагадае Госпад тым, што баяцца Яго, каб адкрыць ім Свой запавет.

¹⁵ АЙН. Мае вочы заўсёды да Бога, бо Ён вырве ногі мае з пасткі.

¹⁶ ФЭ. Глянь на мяне і пашкадуй мяне, бо самотны я і няшчасны.

¹⁷ САДЭ. Пашыр цясніны сэрца майго і вырві мяне з засмучэнняў маіх.

¹⁸ Прыглядзіся да пакорлівасці маёй і да цяжару працы маёй і адпусці ўсе правіны мае.

¹⁹ РЭС. Глянь на ворагаў маіх, бо яны размножыліся, і лютай нянавісцю зненавідзелі мяне.

²⁰ СІН. Пільнуй душу маю і вырві мяне; не пасаромлюся, бо я ўсклаў надзею на Цябе.

²¹ ТАЎ. Хай бязвіннасць і справядлівасць пільнуюць мяне, бо я трымаўся Цябе.

²² ФЭ. Збаў, Божа, Ізраэль ад усіх няшчасцяў яго.