Kasta
142 Nayra Testamenton Warminakat parlir jiskʼa tʼaqanaka
Jumajj nayar uñt’apjjetätawa, qhiphar sipansa, munasiñampi, allin irnaqañampi, Diosar serviñampi uñt’atajatätawa. Awkinakasan, qhipatxa chachanakapasan, markapakïkaspas ukhama uñjatäpjjänwa. Utan irnaqañäki, wawanak nayraqatañäki ukhamaraki uywañatakiw uñjatäpjjänwa. Israel markan qillqatanakapansa janiw uñstapkänti. Ukampis Diosax mayjt’ayawayistu, wali valoraniwa, irnaqañatakis wal kusisitaw uñjistu.
Nayra Testamentojj walja warminkiruw qillqan qillqatawayi, Diosan luratanakapampiw uñt’atäpjje, jaqenakan amuyunakapampis janiw ukhamäkänti. Diosax jupanakampiw ch’aman luratanaka uñacht’ayäna. Ester, Rut, Débora, Noemí, Rahab, María, Sara, Raquel, Rebeca ukat yaqhanakampis Diosan luratanakap qillqatawayi. Jupanakat yatxatañamatakiw ch’amañchistxa, jupanakan sarnaqäwipampi kusisit chuymampiw Jesúsar katuyasiñamataki, Diosan irnaqañapatakejj wakiskirïñamataki ch’amañcht’apjjetätawa.
Sansón chachasti, Dalila sat warmiruw sinti munäna. Aca warmisti Sorec sat vallenwa jacänjja.
Cunapachatejj Esauojj pusi tunca maranëjjän ucqhasti Judit sat warmimpiw casarasi, ucasti Beeri sat mä hitita jakena phuchapänwa. Uqhamaraquiw Basemat sat warmimpi casarasiraquïna, ucasti Elón sata yakha hitita jaken phuchaparaquïnwa.
Diosasti Abrahamarojj saraquïnwa: —Sarai warmimajj janiw uqham sutinïcjjaniti. Jichhat ucsarojj Sara satäjjaniwa.
Ucatsti Sarai warmejj Egiptonquir Agar esclavaparusti Abramaruw irpcatäna warmipäñapataqui, ucasti lurasïnwa cunapachatejj jupanacajj Canaán oraken niya tunca mara jacjjapjjän ucapacha.
Acajj Rebecajj juman nayrakatamancasquiwa, irpjjaruwayam ucatsti sarjjam. Uywiriman yokapan warmiparaquïpan, cunjämtejj Tatitojj sisqui uqhamarjama.
Faraonasti Josearojj egipcio sutimpiw sutichjjänjja Zafnat-panea sasa, ucatsti Asenat warmimpiw casarjjaraquïnjja, jupasti Potifera sat jaken phuchapänwa, On marcan sacerdotepäcän uca. Uqhamaw Joseajj Egipto marca nayrakatan utt'ayatäna.
Uqhamatwa Moisesajj uca tawakonacan awquipan utapan jacjjäna, ucatsti uca Reuel sat sacerdotejja Séfora sat phuchapampiw casarjjäna.
Davidan wawapa, Absalonasti mä suma cullacanïnwa, wali suma uñnakt'ani, Tamar sat sutini. Uqhamïpansti Amnón sat jakejj, cawquïritejj Davidan yokapäcaraquïna ucajja, uca Tamar tawakorojj walpun munapayatayna,
Uqhamaraquiw jumata sarakeri yakhep jakenacaru Babiloniaru apasjjapjjani, jupanacarojj capsusinwa reyin palacioparu uywatanacat uchapjjani’ —sasa.
Micaías profetajj sänwa: —¡Nayajj juramentwa Tatit laycu lurta, cuntï Tatitojj sisquitani parlañajja ucacwa parläjja! —sasa.
Leajj Jacobotaqui wawachcäna uca Dina tawakosti, uca chekanquir tawakonacar visitt'iriw saräna,
Uqhamasti Judäjj Tamar yojjch'aparojj sänwa: —Jumajj jichhajj viudätawa, ucatsti awquiman utapar sarjjam, ucan jacaraquim Sela yokajjan jilsuñapcama. Mä toketjja Judäjj amuyaraquïnwa, inampis Selajj jilanacapjam jiwjjaraquispa uca. Uqhamwa Tamar warmejj awquipan ucar sarjjäna.
Ucat Aaronan María sat profetisa cullacapampi, uqhamarac mayni warminacampejj panderetanac tocasisaw thokhopjjäna.
Salmonasti Boozan awquipänwa, taycapasti Rahab satänwa. Boozasti Obedan awquipänwa, taycapasti Rut satänwa; Obedasti Isaian awquiparaquïnwa.
Anasti aca oración luraraqui: “Tatitu, nayasti take chuymaw juman cusista, jumajj nayar ch'ama churatamata. Jichhacuchapï uñisirinacajjatjja arsusïjja, jumaw nayarojj yanapt'ista uca laycu. ¡Wali cusisitätwa!
Ucatsti uca suma isipa ch'iyanokasisinsti p'ekepjjaru khellampi willjatasisinsti jacht'asisaw sarjjäna thaquinjama amparapampi p'ekep catt'asa.
Ucampis Moisesan Séfora sat warmipajja kalata lurat mä cuchillompiwa wawaparojj chhojjorasiñapan punta lip'ichi qharekäna, ucatsti uca lip'ichimpi Moisesan chara taypiparu apcatasinwa säna: “Chekpachansa nayataquejj jumaw wila toke chachajjätajja” sasa.
Micaías profetasti juparojj sänwa: —¡Nayajj Tatit laycuw juramento lurta, cuntï Diosajj nayan sañajja muncani ucacwa säjja! —sasa.
Qhä urunacasti israelitanacajja mä Diosat parliri warmina apnakatäpjjänwa, uca warmejja Débora satänwa, chachapasti Lapidot sataraquïnwa.
Ucampis Sisarajja wali karjata purisasti icjawayjjänwa jan sartquiri. Uqham uñjasinsti Jael sat warmejj mä martillompi, utap caturi mä ch'acuru aptasinjja, Sisarajj cawqhantejj icqui ucqharojj jan toljjtayasa c'achata jac'achasisajj uca ch'acurumpiw p'ekepata lek'entäna orakcam puriyasa. Uqhamaw Sisarajj jiwäna.
Ucatwa israelitanac taypinjja mä costumbrejj utji sapa mara tawakonacajja Jefté chachan phuchapata pusi uru jachir sarapjjañapajja.
Ucatsti Dalilajj, Sansón chacharojj sänwa: —Nayasti achict'ssmawa yatiyita cawqhatsa uca ch'amamajj juti. ¿Cunjämatsa ñach'antapjjerisma jan jararasiñamataquejja? —sasa.
Uca khepatsti, Mahlonampi Quelionampisti moabita warminacampiw casarasipjjäna, jupanacan sutinacapasti, maynejja Orfa satänwa, maynisti Rut sataraqui. Ucatsti tunca mara pasatatjja,
Davidasti ucatjja qhitaraquïnwa, qhitïtaynas uca warmejja uca yatjjatanipjjañapataqui; ucatsti yatiyjjapjjaraquïnwa uca warmejj Betsabé sat sutinïtapa, Eliam jaken phuchapa, uqhamaraqui hitita Urías sat jaken warmiparaqui.
Cunapachatejj Egiptor puripcän ucqhasti Abramajj Sarai warmiparojj aqham sänwa: “Jumajj mä suma uñnakt'an warmïtawa,
Uca jakesti Nabal satänwa. Caleb chachat jutiriraquïnwa. Khoru jan wali jakeraquïnwa. Ucampisa Abigail warmipajja, wali suma uñnact'ani warmïnwa, wali ch'iqhiraqui.
Ucampisa Rizpa sisqui uca jaken pani yokaparusti catuntayaraquïnwa, Aja sisqui uca warmin phuchapa, cawquïritejj Saúl reyitac wawachcatayna uca, ucasti Armoni uqhamaraqui Mefi-boset satäpjjänwa. Uqhamaraqui, Merab, sata Saúl reyin phuchapajj Adriel sat jaketaqui wawachcatayna uca pheska yokanacapampi cunwa catuntayatayna, uca Adriel sat jakesti Mehola chekan jaquiri Barzilai sat jaken yokaparaquïnwa.
Josué chachasti Sitim chekatjja pä jakenacaruw jan qhitinsa uñjcata qhitäna aqham sasa: “Sarapjjam, uñjanipjjaraquim cunjamätaynas uca orakejja uqhamaraqui Jericó marcasa” sasa. Uqhamaw jupanacajj Jericó marcaru puripjjäna mä jan wali sarnaquir warmin utaparu, jupasti Rahab sutinïnwa, ucanaracwa uca arumajj jupanacajj korpachasipjjäna.
Lamecasti pä warminïnwa. Maynïri warmipasti Ada satänwa, maynïristi Zila sataraqui. Ucjjarusti Evajj wawachasiraquïnwa Abel sat wawaparu, jupasti Cainan jilapänwa. Abelasti ovej uywirïnwa, Cainasti yapu yapuchiriraqui. Ada warmin wawapasti Jabal sataraquïnwa, jupasti carpanacan jaquirinacan awquipawa, uqhamaraqui uywanac uywirinacan awquiparaqui. Jabal sat jakesti mä sullcaniraquïnwa Jubal sutini, jupasti arpanaca, uqhamarac phusanaca toct'asirinacan awquiparaquïnwa. Zila warmisti, Tubal-caín sat wawaparuw wawachasiraqui, jupasti herrero jakënwa, bronceta, hierrota yänac luririraqui. Tubal-caín jakesti mä cullacanïnwa, ucasti Naama sataraquïnwa.
Cunapachatï Joaquín chachajj tunca quimsakallkoni maranïna ucqhawa apnakañ kalltäna, ucatsti Jerusalenanjja quimsa phajjsiwa apnakäna. Taycapasti Nehusta sat sutinïnwa, jupasti Elnatán sat chachan phuchapänwa, Jerusalén marcanquiriraqui.
Asaf chachan wawanacapasti acanacänwa: Jacur, José, Netanías, Asarela ucanaca. Jupanacarusti sarayänwa Asaf awquipa, juparaquiw jutir urunacatjja Diosan arunacapa yatiyaraquïna, reyin mayitaparjama.
Ucampisa Anarojj cunatejj sumäqui ucpun churirïnjja, jupar sinti munatap laycu, Tatitojj janis wawanac apaycchïna ucasa.
Saúl reyin warmipasti Ahinoam sataraquïnwa, Ahimaas jaken phuchapa. Ejercitopan generalapasti Abner sataraquïnwa, Ner sat jaken yokapa, ucasti pachpa Saúl reyin tioparaquïnwa.
Ucampisa Saúl reyin maynïri Mical sata phuchapajja Davidarojj walpun munäna. Ucatsti uqham munatapa Saúl reyirojj yatiyapjjän ucqhajja, Saúl reyejj wal cusisïna.
Ucampisa Nabal jaken mä uywatapaw Abigail warmiru yatiyiri saräna. Jupasti Nabal jaken warmipänwa: “Wasaratpachwa Davidajj mä yatiyirinacaru qhitani, aruntañataqui nanacan uywirejjaru. Ucampisa jupajj wali colerasiraquïna.
Ucatsti mä suma tawako takpach Israel orakena thakapjjäna, ucatsti jicjjatapjjänwa Abisag sat sutini tawako, jupasti Sunem marcatänwa, juparusti reyin ucaruw irpanipjjäna.
Ucatsti maynïrejj saraquïnwa: —Mara aca horasaw visitt'iri cutt'aniraquï, ucqhataquisti Sara warmimajj mä yokall wawanïniwa —sasa. Ucañcamasti Sarajj Abrahaman khepäjjapanwa, carpa mantañäwjan take uca parlatanac isch'uquiscäna.
Davidasti saraquïnwa: —Israelan Tatitu Diosapasti kollanäpan. Jupaw jumaru nayampi jiquisiñataqui qhitantam. Uqhamaraqui jumas kollanaraquïman suma amuyt'ani warmïtamata. Chekpachansa jumaw nayarojj jake jiwayañata khespiyaraquista, uqhamaraqui pachpa amparajjampi cheka cancaña lurasiñajjatsa.
Cunapachatejj Davidaru yatiyapjjäna Rizpa warmin uqham luratapjja, uca Rizpasti Saúl reyin warmipänwa. Davidasti sarasinjja Saúl reyina, uqhamaraqui Jonatán yokapampina jilt'a ch'aqhanacapwa aptanjjäna, cawquïrinacatejj Jabes de Galaad sisqui uca chekan utjiri jakenacan amparanacapanccän uca. Uca jakenacasti Saúl reyin amayapjja Bet-sán sisqui uca plazatwa lunthatawayapjjatayna, cunürutejj filisteonacajj Saúl reyirojj Gilboa chekan atipjasin warccatapcataynasa uca uru. Davidasti janc'aquiraquiw ordenaraquïna Saúl reyin amayapa, uqhamaraqui Jonatanan amayapsa aptanjjapjjañapataqui, uqhamaraqui uca warccatata jakenacan amayanacapsa aptanjjapjjañapataquiraqui. Saúl reyin amayapsa, uqhamarac Jonatanan amayapsa Cis sisqui uca jaken sepulturaparuw imjjapjjäna, uca jakesti Saúl reyin awquipänwa, Zela sisqui uca chicana, Benjamín tribun orakepana. Take cunasa reyin ordenaparjamaraquiw phokhasïna. Take ucanaca khepatsti Diosajj marca laycu mayisitanacsti ist'jjaraquïnwa.
Josué chachasti Rahab warmirojj jacañapjja khespiyänwa uqhamarac familiaparusa, uca warmejj pani uñaker sarir jakenacaru utaparu imantatap laycu. Uca urut jichhürcamaw Rahab warmin wawanacapajj israelit jakenacampi chica jacasipqui.
Suma sayt'at Susa sat marcanjja mä judío jakew jacasïna Mardoqueo sata, jupasti Jair sat chachan yokapänwa, Simei, Cis uca familiata sarakeri Benjaminan tribupata.
Ucatsti Natán profetajj Salomonan Betsabé sat taycapampiwa parläna, aqham sasa: —¿Janit yatctajja Haguit warmina, Adonías yokapana reyit utt'asjjatapjja, David reyisan uc jan yatquipanjja? Jichhasti jutam, mä ewjja churäma, uqhamata jumajj jacañamsa, Salomón yokaman jacañapsa khespiyañamataqui.
Salomón reyejj faraonan phuchapjjarusti, yakha walja warminacaruwa munäna: moabitanacaru, amonitanacaru, edomitanacaru, sidoniasanacaru, uqhamarac hititanacaru;
Salomón reyisti Sabá chekanquir reinarojj churänwa cuntï jupajj mayiña muncäna ucanaca, Salomonasti chuymapatjama yakhwa juparojj wajjt'ascäna. Ucatsti reinajja orakeparuwa cutt'awayjjäna sirvirinacapampi chict'ata.
Ucampis Diosajj janiw Eliasarojj take uca marcan utjiri ijma warminacarojj qhitcänti, jan ucasti Sareptan utjiri mä ijman ucaruquiw qhitäna, uca marcasti Sidón marca jac'anquiwa.
Acab reyejj yatiyänwa Jezabel warmiru take cuntï Eliasajj lurcäna ucanaca, uqhamarac cunjämtï qharinucuycatayna Baal diosan take profetanacaparu ucanacaraqui.
Mä urusti Eliseojj Sunem chekanjamwa pasascäna. Ucansti mä wali kamiri warmiwa jacäna, ucatsti jupajj wali achict'asawa jawsäna utapan mank'er mantañapataqui. Sapa cuti Eliseojj ucanjama pascäna ucqhawa mank'eri mantäna.
Ocozías reyin Atalía sat taycapajj cunapachatï yokapan jiwjjatapa yatïna ucqhasti, sarasinjja take reyin familiapa jiwarayäna.
Ucat warmipasti saraquïnwa: —Jumajj uqhampachasa suma asquïñjja munascactawa, ¡ñankhacham Diosaru, ucatsti jiwjjam! —sasa.
Uca marcan jaccasinsti, Sara warmipatjja: “Cullacajjaw” saraquïnwa. Ucatwa Gerar marcan Abimelec reyipajj Sara warmiru irptayani warmipäñapataqui;
Cunapachatï Josías wawajj quimsakallko maranïna ucqhawa reyïña kalltäna, ucatsti Jerusalén marcanjja quimsa tunca mayan maraw apnakäna. Taycapasti Jedida sat sutinïnwa, jupasti Boscat chekanquir Adaía chachan phuchapänwa.
Absalonasti quimsa yokall wawanacanïnwa, uqhamaraqui mä phuchani, uca phuchapasti Tamar sataraqui, wali suma uñnakt'ani tawakoraquïnwa.
Vasti reinaru, reyin nayrakataparu irpapjjañapataqui suma coronani uqham isthapita, uqhamata take marcanquir jakenacasa, jach'a jilïr jakenacasa reinaru jiwaquïtap uñjasinjja muspharapjjañapataqui, jupasti wali jiwaquïnwa uca laycu.
Oseasasti sarasinjja Gomer sat warmi irptasi, jupasti Diblaiman phuchapänwa. Usur jakeptasinsti mä yokall wawa wawachasïna.
Ucatwa Abramarojj saraquïna: —Uñjam, Tatitojj janiw wawa apayquituti, ucampisa achict'asmawa Agar esclavasampi mayachasiñamataqui, inach uqhamat jupa toke wawanacanïrista —sasa. Abramasti cuntejj Sarai warmipajj siscatayna ucjja phokhänwa,
Cunapachatejj Natán profetajj utaparu cuttanjjän ucqhasti Tatitojj usuntayänwa Uriasan warmipajj Davidataqui wawachascän uca wawarojja, niya jiwt'irpachjama usuntataraquïnwa uca wawajja.
Ucatsti take jilanacapawa jupar uñjirejj sarapjjäna, uqhamaraqui cullacanacapasa, amigonacapasa, nayra tiempo uñt'ata jakenacasa, ucatsti utapanjja mä jach'a mank'äwi lurapjjaraquïna. Job chachan take t'akhesitanacapatsti chuymachapjjänwa, cuna t'akhesiñanactejj Tatitojj jupjjaru apayancatayna take ucanacata; jupanacatsti sapa mayniraquiwa mä kawkha kollke churapjjäna, uqhamaraqui mä kori anillompi cuna.
Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”. Oseasasti sarasinjja Gomer sat warmi irptasi, jupasti Diblaiman phuchapänwa. Usur jakeptasinsti mä yokall wawa wawachasïna.
Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.
Mä uru Israelajj uca chekan jaccäna ucqhajja, Rubenajj Bilha warmin ucaruw saratayna, ucatsti ucampiw iquintatayna, uca warmisti awquipan uñt'atapänwa. Uc yatisinsti Jacob awquipajj walpun colerasïna. Jacobon wawanacapajj tunca payanïnwa.
Giezi sat uywataparusti sänwa: —Jawsanim sunamita utani warmiru —sasa. Cunapachatï uywatajj jawsanïna ucqhasti uca warmejj jupan nayrakataparuw jutäna.
Jilïrinacasti Jehudí sat jakeruw qhitapjjaraquïna, cawquïritejj Netanías jaken yokapäcäna, Selemiasan allchhiparaqui, Cusi sat jaken allchhipan allchhiparaqui. Uca Jehudí jakesti sarasinjja Baruc chacharojj saraquïnwa: “Uca rollo cawquïrtejj leet'qui ucjja jilïrinacan nayrakataparu apanim” sasa. Baruc chachasti rollo catusinjja uca jilïrinacan nayrakataparuw uñstäna.
Sirvirejj janïraw Diosat mayisiñsa tucuycänti ucqhaw mä tawakor callachipjjar uma waculla apt'at jutasquir uñji. Ucasti Betuel chachan Rebeca phuchapänwa. Betuelasti Milcampina, Abrahaman jilapa, Nacorampin wawapänwa.
Cunapachatï Ocozías ucan Atalía taycapajj yokapan jiwjjatapa yatïna ucqhajja, jupasti sarasinjja Judá orakenquiri take rey casta familianacwa jiwarayäna.
Ucatjja Eliseojj sänwa: —Jutir marataquejja aca pachpa urunacataquisti mä wawa amparamana icht'atäyätawa —sasa. Uca warmisti sänwa: —Janiw, Diosan chhijllat jakepa, jan naya sirvirimarojj sallkjistati —sasa. Ucatsti cunjämatï Eliseojj yatiycäna, uqhamapuniwa uca warmejj usur jakëjjäna, ucat mararojja mä wawa wawachasïna.
Ucatsti cunapachatï Judá orakenquir ejerciton jilïrinacapasa, uqhamarac jakenacasa yatipjjäna Babilonianquiri reyejj Gedalías chacharu apnakeripata utt'ayatapata ucqhajja, jupanacasti jupar uñjiriw sarapjjäna Mizpa chekana. Jupanacasti acanacäpjjänwa: Netanías chachan Ismael yokapa; Carea chachan Johanán yokapa; Tanhumet chachan Seraías yokapa, Netofa chekanquiri; Maaca marcanquiri mä chachan Jaazanías yokaparaqui. Jupanacasti sarapjjänwa jakenacapamp chict'ata.
Israelitanacajj jakenacwa qhitapjjäna amorreonacan Sehón sat reyiparu aqham sañapataqui:
Isaacasti pusi tunca maranïnwa cunapachatejj Rebecampi casarascän ucapachajja, ucasti Betuelan phuchapänwa, Labanan cullacaparaqui, cawquïri arameo jakenacatï Padan-aram sisqui ucsa tokenacan jaccäna ucanaca.
Ucatsti sarapjjänwa Hilcías, Ahicam, Acbor, Safán, Asaías ucanacajja, Salum chachan profetisa Hulda warmipan ucaru; Salum chachasti Ticva chachan yokapänwa, uqhamarac Harhas chachan allchhiparaquïnwa, qhititï templo isinac uñjañapataqui utt'ayatäcäna uca. Hulda profetisasti Jerusalén marcana machak marcäquis ucanwa jacäna, cunapachatï jupar parlapjjäna ucqhajja,
Ucatsti Natán profetajj Salomonan Betsabé sat taycapampiwa parläna, aqham sasa: —¿Janit yatctajja Haguit warmina, Adonías yokapana reyit utt'asjjatapjja, David reyisan uc jan yatquipanjja?
Ucampis jupajj sarnakänwa cunjämtï Israelan reyinacapajj sarnakapcäna uqhamaraqui, ucatsti Acab reyita sarakapqui ucanacan sarnakatapjamaraqui, warmipajj Acab castätap laycu, uqhamasti luratanacapajj jan walinacänwa Tatitun nayrakatapana.
Hilcías sumo sacerdotempi, uqhamarac qhitinacarutejj reyejj qhitcäna ucanacasti sarapjjänwa, khepa urunacat khanañchiri Hulda sat warmimpi jiquisiri, jupasti Ticva chachan Salum yokapan warmipänwa, uqhamarac jupajj templon isinaca uñjiri Harhas chachan allchhiparaquïnwa. Hulda sat warmisti Jerusalenana payïri tama utanac taypinwa jacäna, cunapachatï jupar parlapjjäna ucqhasti,
Betsabé warmisti uqhamwa Salomón reyimpi parlir saräna Adonías laycu. Reyisti taycaparu catokañataquisti sayt'asïnwa, uqhamarac jupataquejj alt'asiraquïnwa. Ucatsti wastataw tronoparu kont'asiri cuttäna, ucatjja aptayanïnwa mä konüña taycapataqui; ucatsti taycapajj cupëjjaparuwa kont'asïna,
David reyejj sinti ch'ama karita awquëjjänwa. Walja isinacampi janjjatapcchïna ucasa janiw junt'thapcjjänti.
Salomón reyejj faraonan phuchapjjarusti, yakha walja warminacaruwa munäna: moabitanacaru, amonitanacaru, edomitanacaru, sidoniasanacaru, uqhamarac hititanacaru; siscäna jan yakha diosanacar yupaychañapataqui. Ucampis jupajj janiw ist'cänti cuntejj Tatitojj siscäna ucjja. Ucatsti Tatitojj Salomonarojj sänwa: “Jumajj uqhamjjay sarnakstajja, janiraquiw phokcaractati suma amtäwïqui ucsa, ni leyinacajja churcsma lurañataqui ucsa, jichhasti reyïñamjja apakjjämawa, ucatsti maynïri uywatamaruwa churäjja. Ucampis David awquimaru qhuyapayasitajja laycojja janiw lurcäti juman jacañamcama, ucampisa wawamatjja apakäwa. Janis takpacha reino apakcä ucqhajja, mä tribucwa jaytarapëjja awquimaru qhuyapayasitajj laycu, uqhamarac Jerusalén marca ajllisitajja laycuraqui” sasa. Ucatsti Tatitojj mä uñisiripwa sayt'ayi Salomón reyitaqui: Hadad sat chacha, ucasti edomitänwa, Edom rey castänwa. Cunapachatï Davidajj Edom ucar atipjcäna ucqhajja, ejerciton Joab sat generalapajj nuwasïwin jiwatanacar imt'ir sarcäna ucqhajja, jiwayanïnwa Edom marcanquir take chachanacaru; ucansti sojjta phajjsiwa kheparäna take israelita jakenacamp chica, Edom marcanquir take chachanacaru jiwarayañcama. Ucqhajj Hadad chachasti wawäscänwa, jupasti Egiptoruwa jaltjjäna awquiparu sirvipcäna uca yakhep marca masinacapampi. Madián chekat mistusinjja Parán ucaruwa puripjjäna, ucansti sirviyasipjjänwa uca chekanquir yakhep jakenacampi. Ucatjja Egiptoru purisinjja faraón reyin nayrakataparuwa uñstapjjäna, faraonasti jupanacarojj churänwa uta, mank'a, uqhamarac orakenacsa wajjt'araquïna. Hadad chachasti faraonan wali munatänwa, ucatsti faraonajj juparojj warmipataquijj churänwa Tahpenes sat reinan warmipan cullacapa. cawquïr marcanacanquir warminacampitejj Diosajj jan muncänjja, israelitanacana casarasipjjañanacapa, jupanacan chuymanacapasti jan yakha diosar apatäpjjañapataqui. Ucampis Salomonajj uca warminacaru munasinwa jupanacampi mayachasïna.
Ucampis Tatituwa jupar yatiyäna Jeroboam ucan warmipan jutañapata usut wawapata jisct'asiri. Uqhamaraquiw yatiyaraquïna cunjämatï sañapäqui uca, ucatjja yatiyaraquïnwa yakhata isthapisita jutañapata.
Tatitusti Jacobon Lea warmipar jisc'achatapjja uñjänwa, ucat Lea warmirojj wawa churäna, ucampis Raquelarojj janiw wawa churcaraquïnti.
Eliasasti sartasisinjja Sarepta marcaruwa saräna. Marcaru mantañawjaru purisinjja Eliasajj uñjänwa mä ijma warmiru lawanaca apthapisisquiri. Ucatsti uca warmiru jawsasinjja sänwa: —Achict'assmawa, mä juc'a umamay umt'añataqui wajjt'ita —sasa. Uca warmejj niyawa uma aptiri sarascäna, ucqharaquiw Eliasajj wastata jupar jawsäna: —Mä jisc'a t'ant'ampiy wajjt'ita —sasa. Warmisti ucjjarojj sänwa: —Nayajj juramentompiw arsta Tatit Diosam laycu, janiw khathit t'ant'ajj utjquituti. Uqhamarus mä jach'i jac'uquiw tinajana utjitu, uqhamarac chatojjan mä juc'a aceitequiraqui, jichhasti nayajj mä juc'a lawanacwa apthapisiscäyäta phayir sarañataqui nayan wawajjataqui, uqhamarac nayataqui. Ucwa mank't'asiwayapjjäjja, ucatjja jiwjjapjjäwa mank'atjama —sasa. Ucjjarusti Eliasajj sänwa: —Jan ajjsaramti, saram cuntï sisctajj uca waquicht'iri. Ucampis nayrakatjja nayataqui mä jisc'a torta lurt'anirapita uca jac'umata, ucatsti apanirapita, ucatjja jumataqui, wawamataqui ucjjarojj lurt'asiniraquim. Israelan Tatit Diosapasti aqham siwa: ‘Janiw tucuscaniti tinajana jac'umajj utjqui ucajja, ni chatuman aceites utjqui ucasa, cunürutejj Tatitojj aca orakeru jallu puriycani ucürcama’ sasa. Ijma warmisti sarasinjja luränwa cuntï Eliasajj siscäna uca. Jupasa, wawapas, uqhamarac Eliasas mank'añanïpjjänwa walja urunacataqui. Janiw tinajänccäna uca jac'ojja tucuscänti, ni chatuncqui uca aceitesa, cuntï Tatitojj siscäna Elías toke uqhamapunïnwa.
Uccañcamasti Davidampina, Haguit warmipampina Adonías sat yokapasti, jupa toke sayt'asisinjja sänwa: “Nayaw reyëjjajja” sasa. Ucatsti waquicht'asïnwa nuwasiñ carronaca, caballería carronacsa, uqhamarac pheska tunca guardia jakenacaraqui jupar imapjjañapataqui.
Jacobosti Raquelarojj warmipataquiw wal munäna, ucatsti Labanarojj sänwa: —Raquel, sullca phucham laycu, pakallko maraw irnakarapïma —sasa.
Cunapachatejj Tatitun arcapajj Davidan Marcaparu purjjän ucapachasti, Saúl reyin phuchapa Mical warmejj ventanatwa uñtasinïna, rey Davidaru cusisitapata, uqhamarac thokhotapatsa Tatitun nayrakatapana, Davidarojj wali chuymapanjja jisc'achäna.
Raquelasti Jacobotac jan wawanïñ puedisasti, cullacapatjja envidiasïnwa, chachaparusti saraquïnwa: —Wawaniptayita, jan ucasti nayajj jiwjjäwa —sasa.
Ucatsti uca wawan cullacapampiw jaya chekat uñch'uquiyäna, cunatejj wawaru pascaspa uca uñjañapataqui.
Ucatsti Abigail warmejj janc'aquiw pä pataca t'ant'a catüna, pä lip'ichi wayaka vinompi, pheska oveja cancatampi, pusi tunca kilo grano jamp'itampi, pataca uva pasasampi torta luratampi, higo pasasampi torta luratasti pä patacaraqui; ucatsti take ucanacjja janc'aquiw asnonacaru qhumjjatawayi.
Ucampisa jupajj jiwirjamäjjänwa, niya jiwañampëjjasinsti Benoni sasaw wawarojj sutichäna, ucampis awquipajj Benjamín sasaraquiw sutichäna.
Jerobaal satan Abimelec yokapasti, Siquem sat marcaruw saräna taycapan familianacapampi parliri aqham sasa:
Awquipasti janipuniwa take jacañapana jupa toke sayt'cänti, ni jisct'irïcänsa: “¿Cunatsa uqham lurtajja?” sasa. Adoniasasti suma uñnakt'anïnwa, jupasti Absalonjjaruw naciraquïna.
Cunapachatï apnakaña kalltcäna ucqhasti pä tunca maranïnwa, ucatsti Jerusalén marcanjja tunca sojjtan maraw apnakäna. Ucampis jupan luratanacapajj jan walinacänwa Tatit Diosapan nayrakatapanjja, janiw David nayra awquipan asqui luräwinacapjamäcänti,
Ucatjja cunapachatï Roboamajj jiwjjäna ucqhasti, nayra awquinacapamp chicaw imt'atäjjäna Davidana marcapana. Taycapasti Naama sat sutinïnwa, Amón sat ucanquiriraquïnwa. Ucatsti jupa lantejja Abiam sat yokapawa reyëjjäna.
Israelitanacan utanacapasti take apanucutaw uñjasïna. Ucampis ¡naya Deborajja sayt'twa, israelitanacan mä taycapjama!
Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”.
Salomonajj Egiptonquir reyimpiw familiaru tucüna, jupasti phuchapampiwa casarasïna, ucatsti Davidan marcaparuwa irpäna, cunapachatï palaciopasa, Tatitun templopasa, uqhamarac muytpacha Jerusalén perkasa luraña tucuyasiscäna ucapacha.
Hazor sat marca apnaker Jabín sat reyimpi, Heber sat quenitan familiapampisti sumancapjjänwa, uqhamïpansti Sisarajja cayuqui jaltjjasinsti Heber sat quenitan Jael sat warmipan utaparuw purïna.
Tatitojj wasitatwa saraquitu: “Saram ucatsti maynin munat warmiru munaraquim wachoka jucha lurirïcchi ucasa; uqhamaracwa Tatitojj israelit jakenacarojj muni, jupanacajj yakha jan uñt'at diosanacar cuttapcchi ucasa, ucatsti cuna waña uvat lurat tortanactejj loktapqui uc mank'apcchi ucasa.”
“Heber sat quenitan Jael sat warmipasti, ¡bendicitäpan take warminac taypinjja! Uqhamaraqui, ¡bendicitäpan campamento utanacanquir warminac taypinsa!
Elí sacerdotesti wali chuymanëjjänwa, ucampisa cuna jan walinactejj wawanacapajj israelitanacar lurapcän ucanacjja sum yatiraquïna, uqhamarus aca waynanacajj cawquïri warminacatejj Tatitun Jiquisiñ Carpapan mantañapawjana sirvisipcän uca warminacampis iquintapjjaraquirïnwa.
Ucapachaw reyejj Itai sat jakeru, cawquïritejj Gat marcat jutcatayna ucarojj saraquïna: —¿Cunatsa jumajj nanacampi chica jutaracta? Walïspawa juman cuttjjañama, ucatsti machak reyimpi kheparjjañama, jumasti yakha marcat jutiri apanucut jakeraquïtawa.
Ucampisa Lot chachan warmipajja khepatwa jutascäna, ucatsti jupajj khepa uñtäna, ucatsti uca pachparuw jayu kala tucjjaraquïna.
Tiemponacajj pasjjänwa, jupasti uca chekanwa kheparjjaraquïna. Ucampisa mä urojj filisteonacan Abimelec reyipajj ventanatwa uñch'uquiscäna, ucatsti Isaacarojj warmipar munart'asisquirwa uñjäna.
Acawa Nehemías chachan luräwinacapajja, jupasti Hacalías chachan yokapänwa. Artajerjes sat reyis pä tunca mara marcar apnakcäna ucqha, Quisleu phajjsina, naya Nehemiasasti Susa marcancascäyätwa.
Ucatsti Jezabel warmipajj sänwa: —¡Israel marcanjja jumajjaya munañanïstajja! Jichhasti saram mank'eri, uqhamarac chuymachasim. ¡Nayawa Nabot chachan uva yapupa jicjjatayäma! —sasa.
Cunapachatejj Moisesajj Séfora sat warmiparu qhithanuccäna ucqhajja, Moisesan Jetro sat awcch'ipajj warmiparu, uqhamarac pani wawanacaparojj catokänwa.
Zora sat marcanjja, Dan tribunsti mä chachawa utjäna Manoa sat sutini. Warmipasti jan wawachasirïnwa.
Cunapachatï Joacaz chachan Joás yokapa, Israelan reyipajj pä mara apnakascäna ucqhawa Joás chachan Amasías yokapajj reyïña kalltäna Judá orakena.
Ucata urunaca phokhasjjepansti warmejja mä yokall wawa wawachasjjäna, ucatsti Sansón sasaraquiw suticharaqui. Uca wawasti jilsünwa, Diosasti juparojj bendiciraquïnwa.
Sabá tokenquir reinajja ist'änwa Salomonan jach'a cancaña jicjjatatapata Tatitur jach'achañataqui, ucatsti jupajj yant'iriw Jerusalenaru saräna wali ch'ama jisct'anacampi. Jupasti wali c'achachatawa purinïna, suma k'apquiri perfumenacampi, qhumuntat camellonacampi, uqhamarac wali korinacampi, wali muncaña kalanacampiraqui. Salomonan nayrakataparu purisinjja, jisct'änwa cunanactejj amtcatayna jisct'añataqui ucanaca.
Cunapachatï Manasés waynajj tunca payan maranïna ucqhawa reyïña kalltäna. Ucatsti Jerusalén marcanjja pheska tunca pheskan maraw reyïna. Taycapasti Hepsiba sat sutinïnwa.
Sabá marcanquir reinasti yatïnwa Salomonan jach'a cancañapata, ucatsti jupajj Jerusalén marcaruw saräna wali ch'ama jisct'anacampi yant'añataqui. Jupasti purïnwa wali jach'a cancañampi, caballonacapanjja perfumenaca qhumt'ata, uqhamarac walja korinaca, muncañ kalanacasa qhumt'ataraqui. Cunapachatï Salomonan nayrakataparu purïna ucqhajja, take cuntï amtatäcäna ucanac jisct'äna.
Ucjjarusti Babilonianquiri reyejj Matanías chacharuwa reyita utt'ayäna Joaquín sobrinop lanti, sutipsa yakha sutimpiw uchäna Sedequías sasaraqui.
Cunapachatejj Herodesajj Judean reyïcänjja ucqhasti mä sacerdotew utjäna, Zacarías sata. Jupasti Abdías castaraquïnwa. Warmipasti Elisabet satänwa, ucasti Aarón sacerdoten familiapat jutiriraquïnwa.
Janiraquiw wawanïpcänti, Elisabetasti janiw wawachasirïcänti. Uqhamarus jupanacajj wali chuymanëjjapjjänwa.
Ucanacamp chicasti ucancaraquïnwa María Magdalena, Joseanpin Jacobompin taycap Mariasa, Zebedeon yokanacapan taycapasa.
Uca chekansti, Judá chachajj Súa sat cananeo jaken phuchaparuw uñjäna, ucatsti jupampiw casarasjjäna.
Mä kawkha warminacaraquiw jayat uñch'uquisipcäna. Uca taypincaraquïnwa Magdalanquiri María, Joseampin sullquïri Jacobompin taycapäquis uca Mariampi, Salomé sutin warmimpi.
Acab reyejj Samaria marcanjja pakallk tunca yokanacanïnwa; ucatsti Jehú reyejj cartana kellkasinwa apayäna uca marcan jilïrinacaru, chuyman awquinacaru, Acab reyin wawanacapar uywir chachanacaru, aqham sasa:
Leasti usur jakeptasinjja mä yokall wawa wawachasïna, ucarusti Rubén sasaw suticharaquïna, saraquïnwa: “Tatitojj llaquisitajj-jja yatïnwa. Jichhasti chachajjajj munasjjaraquitaniwa” sasa.
Abigail warmisti Davidar uñjasajj asnopat sarakasinjja, Davidan nayrakataparuw ajjsartañ chuymampi orakcama alt'asïna.
Ucjjarusti Jeter sat jilïr yokaparuw saraquïna: —¡Sartasin jiwarayam! —sasa. Ucampis Jeter satajj waynäscatap laycojja janiw espadapa aysuña muncänti.
Ucatsti Salatiel chachan Zorobabel yokapampi, uqhamarac Josadac chachan Josué yokapampejj wasitataw lurañ kalltapjjäna Jerusalenan Diosan templopa, ucatsti Diosan profetanacapajj jupanacampïscänwa yanapañataqui.
“Qhitirutejj jumajj muncta ucarusti mayacwa apakäma. Ucampisa jan jachamti, janiraqui jaqhusimsa; jan jachanacamjja inamaya wartamti.
Alwasti jakenacampiw parlascäyäta, jayp'urusti warmejjaw jiwaraqui; khepärmanthi alwasti cuntejj Tatitojj sisquitu ucwa luraracta.
Jupasti ucqhajj pä tunca pheskan maranïnwa, jupajj Jerusalén marcanjja pä tunca llätuncani maraw apnakaraquïna. Taycapasti Abi sat sutinïnwa, jupasti Zacariasan phuchaparaquïnwa.
Ucampisa Nabal jaken mä uywatapaw Abigail warmiru yatiyiri saräna. Jupasti Nabal jaken warmipänwa: “Wasaratpachwa Davidajj mä yatiyirinacaru qhitani, aruntañataqui nanacan uywirejjaru. Ucampisa jupajj wali colerasiraquïna. Uca jakenacajj nanacampejj sumaquiw sarnakapjjaraquïna. Cunapachatejj nanacajj pampana sarnakasipcäyät ucqhajja, janipuniw cuna ñankhsa lurapquituti, ni cunsa apakapquituti. Ucampisa nanacarojj uruy arumawa, uñjapjjetänjja, uqhamarac uywanacarusa.
Ucqharuw Hilcias chachan Eliaquim yokapajj mistsunïna, jupasti palacionjja yänac uñjirïnwa, Sebna kellkeri uqhamarac Joa chacha, jupasti Asaf chachan yokapänwa, reyin kellkeriparaqui, jupanacaw jicjjatiri mistunipjjäna.
Leajj ucjjarus yakha wawampjja wawachasiscaquïnwa, ucarusti Judá sasaw suticharaquïna, saraquïnwa: “Jichhajj Tatituruw yupaychä” sasa. Ucatsti janiw juc'ampi wawanëcjjänti.
Ucat kheparusti mayni profetisa warmimpiw chicta, jupasti warmejjäjjänwa. Usur jakeptjjaraquïnwa, mä yokall wawa wawachasiraquïna. Tatitusti saraquituwa: “Jichhajj Maher-salal-hasbaz sasa suticham.
Nayampi, uqhamarac Tatitojj churquitu uca wawanacajjampisti, Israel marcataquejj mä muspharcañ unañchjamäpjjtwa, take ch'amani Tatitun usct'ata, Sión kollun jaquiriraqui.
“Suma warmejj janiw jicjjatañjamäquiti; ¡jupajj suma c'ajquir kalanacat sipansa juc'amp valoranïtap laycu! Chachapajj juparojj takpach chuymaw catuyasi; jupasti janipuniw cunapachas pist'añanacan sarnakquiti. Jupasti chachaparojj yanapiwa suma asquinac lurasa, take jacäwipa urunacana. Jupajj t'awra, lino ucanac thakeriw sari, ucatsti cusisiñampiwa amparamp lurañanacjja luri. Jupajj mank'anac apanir barcor uñtatawa; mank'añanacjja wali jayata utapar apani. Ucatsti wali alwata sartasisinaracwa wawanacaparojj mank'a churi, uqhamarac uywatanacaparusa. Oraksti suma uñjasinwa alasi, ucatsti jicjjatatanacapampiwa uvas alinacjja ayrusi. Jupajj ch'amañchasiwa, ucatsti take chuymampiwa irnakañatac waquichasi. Jupajj aljasiñanacapjja sumaruwa sarayi, arumcamawa irnake, janiw ch'am jiwt'ayasquiti. Amparapampiwa t'awra kapu, sawuraqui. “Nayat yuriri munat wawajjay, Diosan churat wawajjay, ¿cunampirac jichhasti säma? Pobrenacarusa, uqhamarac pist'ayasiñan jicjjatasqui ucanacarusa qhuyapt'ayasipuniraquiwa. Janiw familiapatjja llaquiscaraquiti, cunapachatï qhununti ucqhajja, familiapan suma thuru isinacampi isthapita sarnakapjjatap laycu. Jupa pachpawa iquïñanacjja sawusiraqui, ucatsti suma telat lurat isinacampiw isisiraqui. Chachapasti marcanjja suma uñt'atawa, marcana wali aytata jilïri chachanac taypinquirïtap laycu. Jupajj isinaca, wac'anaca lurasinjja, alirinacaruwa alji. Jupajj ch'amañchasiwa, asquin sarnakañampi, ucatsti janiw ajjsarquiti jutir jan walt'añ urunacarojja. Jupajj yatiñampiwa parli, ucatsti munasiñampiw yaticharaqui. Ucatsti jupajj sumwa uñjasiraqui utapajj cunjamäsquisa ucjja, janipuniw ina ch'usata jicjjatata mank'jja mank'quiti. Wawanacapasa, chachapasa juparojj jach'añchapjjewa, aqham sasa: “Walja suma warminacaw utjapjje, ucampis jumajj take uca warminacat sipansa juc'amp sumätawa” sasa. Ch'amamjja warminacaru jan tucjasimti; warminacampi sarnakañawa reyinacarojj tucji. C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja. ¡Take jakenac nayrakatana juparojj jach'añchapjjam! ¡Take luratanacaparu jach'añchapjjaraquim!
Nayasti aca wawjja Tatituruw catuyta, take jacañapcamasti juparu catuyatapunïniwa —sasa. Ucatsti Elí sacerdotejj oraker ajanup puriyañcamaw Tatitu nayrakatan alt'asïna.
Benjamín tribunsti mä jakew utjäna Cis sat sutini, jupasti Abiel jaken yokapänwa, Zeror sat jaken allchhiparaqui. Nayra achachilapasti Becorat sat jakeraquïnwa, Afía sat jaken yokapa. Uca Cis sat chachajj wali aytata jakënwa, —Waliquiwa, uqhamajj sarañäniya —sasaw Saúl waynajj saraquïna. Ucatsti panpachaniw cawqhantejj profetajj jaccän uca marcar sarapjjäna. Cunapachatejj uca amstanjam marcaru maqhatasipcän ucqhasti, mä tawakonacampiw jiquisipjjäna, ucanacasti uma aptiriw sarasipcatayna, ucat uca tawakonacar jisct'apjjäna: —¿Acanti uñjiri jakerojj jicjjatapjjeristjja? —sasa. Tawakonacasti sapjjaraquïnwa: —Jïsa, ucancasquiwa uñjirejja, janc'aqui sarapjjam. Jichhürojj jupajj marcaruw juti, santuarion sacrificiojj loktasitap laycu. Marcaru purisinsti janc'aquiw juparojj thaktapjjäta, janïra santuarior mank'eri sarquipana. Jakenacasti janïraw mank'apcaniti jupan puriniñapcamajja, juparaquiw sacrificio loktatarojj bendiciñapa, uca khepatwa jawsayata jakenacajj mank'asipcani. Ucatpï jichhajj janc'aqui sarapjjam, anchhitajj jicjjatasipcätawa —sasaw tawakonacajj sapjjäna. Jupanacasti marca tokerojj maqhatasipcaquïnwa. Puripcäna uca horasaraquiw Samuelojj mistusincäna, jupanac tokeru jutasa, santuarior maqhatañataqui. Saúl waynan puriniñapa nayräjja urusti, Tatitojj Samuelorojj mä uñacht'äwi churäna aqham sasa: “Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa. Cunapachatejj Samuelojj Saúl waynar uñjcän ucqhajj Tatitojj sänwa: “Acajjay cawquïri jakettejj parlcäyäsma ucajja. Jupaw jichhajj marcajjarojj apnakani.” Marcar mantañ puncuru jac'achcasinsti Saúl waynajj Samueloruw jicjjati, ucatsti saraquïnwa: —Tata, avist'ita, ¿cawqhas uñjirin utapajja? —sasa. —Nayätwa uñjirejja. Jichhajj nayan nayrakatajja santuarior maqhatam, ucan nayampi chica mank'araquim. Arumanthi alwataw cuntejj jisct'asiñ muncta ucjja yatiyäma, ucat qhitjjaraquïma. uqhamasti jupanjja mä wayna yokapaw utjäna, wali suma uñnakt'aniraquïnwa, jupasti Saúl satänwa. Janiw maynis israelitanac taypinjja utjcänti uqham wali suma waynajja, uqhamarus wali jach'a tansänwa, janiw qhitis jupar jicjjatirejj utjcänti.