2 Samuel 13:19 - Qullan Arunaca

¹⁹ Ucatsti uca suma isipa ch'iyanokasisinsti p'ekepjjaru khellampi willjatasisinsti jacht'asisaw sarjjäna thaquinjama amparapampi p'ekep catt'asa.

Aymar Bibliia 1986

¹⁹ Ucatsti uca suma isipa ch'iyanokasisinsti p'ekepjjaru khellampi willjatasisinsti jacht'asisaw sarjjäna thaquinjama amparapampi p'ekep catt'asa.

Qullan Arunaka DC

¹⁹ jaqunukut uñjasisasti, qhillampiw p'iqipxar willxatasïna, uka suma isip ch'iyanuqasirakïna, amparanakapampi p'iqip katt'asisaw jacht'asis thakhinjam sarxäna.

2 Samuel 13:19 Jak'a apnaqawi uñst'ayäwi

Génesis 37:29

Rubenajj phuch'ur cuttanjjän ucqhasti janiw Josearojj ucan jicjjatcjjänti, ucat isipa ch'iyanokasïna llaquisitap uñacht'ayañataqui.

2 Samuel 1:11

Uqhamasti Davidajj, jupampïpcäna uca jakenacasa isinacapwa llaquisiñatjja ch'iyanokasipjjäna.

2 Samuel 1:2

Ucampis quimsa uru pasatatsti, Saúl reyin campamentopatjja mä jakew puriniraquïna, isinacapas ch'iyanokata, p'ekepas lak'ampi jach'jjatata, llaquipa uñacht'ayañataqui. Cunapachatejj purinïna ucapachasti, Davidan nayrakataparuw alt'asiraqui take ajjsartañ chuymampi.

2 Samuel 13:20

Ucatwa Absalón jilapajj jisct'äna: —¿Amnón jilamat aqhamjja lurtam? Uqhamächi ucapachasti, jan cunsa parlamti, munat cullaca, jupajj jilamawa. Jan aca toketjja sinti llaquisimti —sasa. Tamarasti uqham apanucuta uñjasisajj Absalón jilapan utapanwa jicjjatasïna.

Ester (hebreo) 4:1

Mardoqueosti take cunanacatejj lurasiñapäcäna uc yatisinjja, llaquisitapa uñacht'ayañataquisti isipa ch'iyanokasisaw luto chhanqha isi isintasïna, uqhamarac p'ekepatsa khellampiraquiw warjjatasïna. Ucatsti wali llact'ataw marcanjja arnakasisa ucsa acsa sarnakäna.

Job 2:12

Purisinsti Job chacharojj jan uñt'caya jicjjatapjjäna; uqham jan wali uñjasinsti wararipjjänwa, jachapjjaraquïnwa, uqhamaraqui isinacapsa ch'iyanokasipjjäna, p'ekenacaparusa lak'ampiw willjjatasipjjaraquïna.

Job 42:6

Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”

Jeremías 2:37

Ucatsti Egiptotjja mä p'enka cuttaniraquïta, nayasti qhitinacatejj jumar arjjatirjamäqui ucanacarojj apanuctwa, sumancatamampisti janiw cunsa jicjjatcaraquïtati.”

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

1 Samuel 4:12

Ucampisa Benjamín tribunquiri mä soldadow uca nuwasïwitjja jaltjjäna, ucatsti jalasinjja uca urpachaw Silo sat uca chekaru purïna. Isinacapas ch'iyanokataraquïnwa, p'ekepas lak'acamaquiraquïnwa.