2 Reyes 24:8 - Qullan Arunaca

⁸ Cunapachatï Joaquín chachajj tunca quimsakallkoni maranïna ucqhawa apnakañ kalltäna, ucatsti Jerusalenanjja quimsa phajjsiwa apnakäna. Taycapasti Nehusta sat sutinïnwa, jupasti Elnatán sat chachan phuchapänwa, Jerusalén marcanquiriraqui.

Aymar Bibliia 1986

⁸ Cunapachatï Joaquín chachajj tunca quimsakallkoni maranïna ucqhawa apnakañ kalltäna, ucatsti Jerusalenanjja quimsa phajjsiwa apnakäna. Taycapasti Nehusta sat sutinïnwa, jupasti Elnatán sat chachan phuchapänwa, Jerusalén marcanquiriraqui.

Qullan Arunaka DC

⁸ Joaquín waynax tunka kimsaqallqun maranïkän ukkhaw, Judá marka apnaqañ qalltäna, jupasti kimsa phaxsiw Jerusalenan marka apnaqäna. Taykapax Nehustá sutinïnwa, jupasti Elnatán chachan phuchhapänwa, Jerusalén markankirirakïnwa.

2 Reyes 24:8 Jak'a apnaqawi uñst'ayäwi

1 Crónicas 3:16

Joacim chachan wawanacapasti acanacänwa: Jeconías, uqhamarac Sedequías ucanaca.

2 Crónicas 36:9

Joaquín reyejj cunapachatï tunca quimsakallkoni maranïna ucqhawa apnakañ kalltäna, ucatsti Jerusalenanjja apnakänwa quimsa phajjsi tunca uruni. Ucampis jupan luräwinacapajja jan walinacänwa Tatitun nayrakatapana.

Jeremías 22:24

Tatitusti Jeconías chacharojj siwa, ucasti Judá orakenquiri Joacim reyin yokapänwa, juparusti aqham sasa: “Juramentompiw arsta: Cupi amparajjanjja sellaña anillöcasma ucasa, amparajjatjja apanucupunirismawa,

Jeremías 22:26

Ucatsti jumarusa uqhamaraqui taycamarusa cawquïri oraketejj jumanacaru nacirjja jan uñjapctamti uca orakeruw apanucupjjäma, ucanwa panpacha jiwarapjjaraquïta.

Jeremías 22:28

“¿Jeconiasajj mä p'acjata chatumpi sasiti, jan cunataqui inamaya jan qhitin munata jaktatati? ¿Cunatraqui jupasa, wawanacapasa jan uñt'ata jaya orakeru apanucuta uñjasipjjesti?

Jeremías 24:1

Babilonianquiri Nabucodonosor reyejj, Judá orakenquiri Joacim reyin Jeconías yokaparu apasjjatapatsti, uqhamaraqui take jilïrinacampi, irnakerinacampi cerrojo luririnacampi apascäna ucapachasti Tatitojj pä higo canastanaca uñjayitu, templo nayräjjana waynokata.

Jeremías 37:1

Babilonianquiri Nabucodonosor reyisti, Josiasan yokapa Sedequiasaruraquiw utt'ayäna, Judá orakena, Joacim jaken Jeconías yokapa lanti reyïñapataqui.