Génesis 24:15 - Qullan Arunaca

¹⁵ Sirvirejj janïraw Diosat mayisiñsa tucuycänti ucqhaw mä tawakor callachipjjar uma waculla apt'at jutasquir uñji. Ucasti Betuel chachan Rebeca phuchapänwa. Betuelasti Milcampina, Abrahaman jilapa, Nacorampin wawapänwa.

Aymar Bibliia 1986

¹⁵ Sirvirejj janïraw Diosat mayisiñsa tucuycänti ucqhaw mä tawakor callachipjjar uma waculla apt'at jutasquir uñji. Ucasti Betuel chachan Rebeca phuchapänwa. Betuelasti Milcampina, Abrahaman jilapa, Nacorampin wawapänwa.

Qullan Arunaka DC

¹⁵ Uywatax janïraw Tatitut mayisiñ tukuykänti, ukkhaw mä tawaqur kallachipxar uma wakullas apt'at jutaskir uñjäna. Uka tawaqusti Betuel chachan Rebeca sat phuchhapänwa. Betuel chachasti Milcá warmimpina, Abrahaman jilapa Nahor chachampin wawapänwa.

Génesis 24:15 Jak'a apnaqawi uñst'ayäwi

Génesis 11:27

Acanacaw Taré chachan wawanacapajja, jupasti Abram, Nacor, uqhamarac Harán ucanacan awquipänwa. Lot chachan Harán awquipasti,

Génesis 11:29

Abramasti Sarai sat warmimpiw casarasiraquïna, Nacorasti Milcampiw casarasiraquïna, ucasti Haranan phuchapänwa, Iscana cullacapa.

Génesis 21:14

Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

Génesis 24:14

Cawquïr tawakorutejj nayajj siscä: ‘Wacullamat umay umt'ayita’ sasa, ucatsti jupajj saraquitani: ‘Acajj umt'ascaquim, camellonacamarus umart'ayaraquï’ siscani, ucäniw jumajj Isaac sirvirimataqui ajllcta uca warmejja. Uqhamatwa nayajj yatëjja uywirejjar jumajj qhuyapayatamjja” sasa.

Génesis 24:24

Tawakosti saraquïnwa: —Betuelan phuchapätwa, ucasti Milcampina Nacorampin wawaparaquiwa.

Génesis 24:45

Ucampis janiw tucuycäyätti chuymajjan uqhama Diosat mayisiñjja, ucapachaw Rebecarojj uñjta callachipjjaru wacullas apt'ata jutasquiri. Jupasti phuch'uruw mantäna uma apsuñataqui, ucatsti saractwa: ‘Umay wajjt'ita’ sasa.

Génesis 25:20

Isaacasti pusi tunca maranïnwa cunapachatejj Rebecampi casarascän ucapachajja, ucasti Betuelan phuchapänwa, Labanan cullacaparaqui, cawquïri arameo jakenacatï Padan-aram sisqui ucsa tokenacan jaccäna ucanaca.

Génesis 29:5

—¿Jumanacajj uñt'apjjtati Nacor chachan Labán yokaparojja? —sasaw Jacobojj jisct'araquïna. —Jïsa, uñt'apjjtwa —sasaw awatirinacajj sapjjaraquïna.

Génesis 29:9

Jacobon jupanacampi parlañcamasti, Raquelajj awquipan ovejanacapas ant'ataw puriniraqui, jupaw uca ovejanacjja awatiraquirïna.

Salmos 34:15

Tatitojj asqui jakenacaruw imasqui, arnakasitanacaparusti ist'araquiwa.

Salmos 65:2

jumajj mayisitanacar ist'irïtawa. Take jakenacaw jumarojj maqhatapjjtam.

Éxodo 2:16

Uca Madián sat chekansti mä sacerdotew utjäna pakallko phuchani. Ucampis uca chekar purisinjja mä phuch'u jac'aruw kont'asïna. Ucatsti uca urojja uca sacerdotena phuchanacapaw jutapjjäna phuch'ut uma apsusa ovej umañanacaru phokharañataqui, ucata awquipan ovejanacapar umarayañataqui.

Proverbios 31:27

Ucatsti jupajj sumwa uñjasiraqui utapajj cunjamäsquisa ucjja, janipuniw ina ch'usata jicjjatata mank'jja mank'quiti.

Isaías 58:9

Ucapachajj jawsität ucqhajj nayajj ist'ämawa, yanapa mayisisatejj arnakasïtajja, nayasti: ‘Acancasctwa’ saraquïmawa. Take t'akhesiyañanac tucusiyjjätajja, mayninacarus janiraqui jisc'achcätajja, janiraqui cuna c'ari arunacsa aptätajja,

Isaías 65:24

Janïraw jupanacajj jawsapquitaniti, ucapachaw nayajj jupanacar jaysä; janïraw parlañsa tucuyapcaniti ucapachaw nayajj jupanacar ist'ä.

Rut 2:17

Rut warmejj arumt'añcamaw cebada puyanaca apthapisïna, Booz chachan yapupana. Ucatsti jupan apthapitapajj pä arrobaw lek'stäna.

Rut 2:2

Mä urusti Rut warmejj Noemí taycch'iparojj sänwa: —Pampar sarä, inach qhitis ‘Khepajj arcanita cebada apthapisa’ sasa sitani. —Ucatsti taycch'ipajj —Saramay, wawa —saraquïnwa.

1 Samuel 9:11

Cunapachatejj uca amstanjam marcaru maqhatasipcän ucqhasti, mä tawakonacampiw jiquisipjjäna, ucanacasti uma aptiriw sarasipcatayna, ucat uca tawakonacar jisct'apjjäna: —¿Acanti uñjiri jakerojj jicjjatapjjeristjja? —sasa.