Éxodo 2:21 - Qullan Arunaca

²¹ Uqhamatwa Moisesajj uca tawakonacan awquipan utapan jacjjäna, ucatsti uca Reuel sat sacerdotejja Séfora sat phuchapampiw casarjjäna.

Aymar Bibliia 1986

²¹ Uqhamatwa Moisesajj uca tawakonacan awquipan utapan jacjjäna, ucatsti uca Reuel sat sacerdotejja Séfora sat phuchapampiw casarjjäna.

Qullan Arunaka DC

²¹ Moisesasti iyaw sasaw uka tawaqunakan awkipan utapan jakxäna. Uka qhipatsti Jetró sacerdotex Séfora sat phuchhapampiw Moisesar jaqichxäna.

Éxodo 2:21 Jak'a apnaqawi uñst'ayäwi

Éxodo 2:10

Niya jach'äjjepansti faraonan phuchapan ucaruw uca wawjja irparapjjäna. Ucatsti faraonan phuchapajj wawapat uñt'asjjasinjja Moisés sasaw suticharaquïna; saraquïnwa: —Nayajja umatwa aca wawa apsusta —sasa.

Éxodo 2:20

Ucatsti awquejj phuchanacaparojj sänwa: —Jichhasti, ¿cawquincasquis uca jakejja? ¿Cunatsa sapaqui jaytanucuniwayapjjta? ¡Jawsanipjjam jiwasampi chica mank'asiñapataqui! —sasa.

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Éxodo 4:18

Moisesasti, Jetro sat awcch'ipan utapar cutt'asinjja sanwa: —Nayajja Egipto marcar cutt'añajjawa cawqhancapquitejj marca masi jilanacajjajj ucaru. Nayajja uñjaniñwa jupanacarojj munta jacasipcpachati janicha uca —sasa. Ucatsti Jetro awcch'ipajj saraquïnwa: —Uqhamajj saramaya, waliqui —sasa.

Números 10:29

Moisesasti mä urojj warmipan jilaparuw jawsäna, ucasti Hobab satänwa, Reuel sat madianita chachan wawaparaqui, ucatsti sänwa: —Nanacajj sarasipctwa cawquïri oraktejj Tatitojj churämaw sapquitu ucaru. Jutam, nanacampi chica sarañäni, sum uñjapjjaraquïma, Tatitojj arupampiw arsu Israel marcar munasiñampi uñjañataquejja —sasa.

Números 12:1

Mariampi Aaronampejj Moisés contraw parlapjjäna jupan mä etiope warmimpi casarasitapata.

Hechos 7:29

Uc ist'asinsti, Moisesajj jaltjjewa, ucatsti Madián sat chekaruw sarjje. Ucansti yakha marcanquir jakjamaw jacäna, pä wawaniraquïnwa.

1 Timoteo 6:6

Ucampis take cunäniñajj Dios chuymäñanacwa utji, cunatejj utjarapquistu ucampiqui cusisitästan ucapacha.

Hebreos 11:25

Jan ucasti Diosan marcapan uñisitäñwa munäna, mä juc'a tiempo juchanacan cusisiñat sipansa.

Hebreos 13:5

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.

Santiago 1:10

Cunapachatejj kamirejj aynacht'ata uñjasi ucqhajja, cusisitaquïñaparaquiwa, kamirïñasti kora pankaramp sasiwa, janiraquiw wiñayäquiti.