Esdras 5:2 - Qullan Arunaca

² Ucatsti Salatiel chachan Zorobabel yokapampi, uqhamarac Josadac chachan Josué yokapampejj wasitataw lurañ kalltapjjäna Jerusalenan Diosan templopa, ucatsti Diosan profetanacapajj jupanacampïscänwa yanapañataqui.

Aymar Bibliia 1986

² Ucatsti Salatiel chachan Zorobabel yokapampi, uqhamarac Josadac chachan Josué yokapampejj wasitataw lurañ kalltapjjäna Jerusalenan Diosan templopa, ucatsti Diosan profetanacapajj jupanacampïscänwa yanapañataqui.

Qullan Arunaka DC

² Uka yatiyäwinak ist'asasti, Zorobabel chachampi, Josué chachampix Tatitun utap wasitat lurañ qalltapxäna, profetanakasti jupanakarux yanapapxarakïnwa.

Esdras 5:2 Jak'a apnaqawi uñst'ayäwi

Esdras 1:8

Ciro reyejj cutt'ayjjänwa Mitrídates sat kollke caturi chacha toke, ucatsti jupajj jacthapisinjja catuyjjaraquïnwa Judá oraken Sesbasar sat marca apnakeriru.

Esdras 10:18

Sacerdotenacat qhitinacatejj yakha marcanacanquir warminacampi casarasipcäna ucanacasti, acanacäpjjänwa: Josadac chachan Josué yokapan wawanacapa, uqhamarac familianacapatsa: Maasías, Eliezer, Jarib, uqhamarac Gidalías ucaraqui,

Esdras 3:2

Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Esdras 3:8

Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Esdras 6:14

Uqhamatwa judionacan sarayirinacapajj lurañanacjja sarayasipcaquïna asquichapcäna uca lurañampejja, ucasti Hageo, Ido sat chachan Zacarías yokap uca profetanacan arsutanacaparuw lurasiscäna. Templo lurañasti tucuyasïnwa Israelanquiri Diosan arsutaparjama, uqhamarac Persia marcanquiri Ciro, Darío, Artajerjes uca reyinacan arsutanacaparjamaraqui.

Hageo 2:18

Jichhüru llätunca phajjsina pä tunca pusini uru sarakataruw templojjataquejj cimientojj uchantatänjja.

Zacarías 4:14

Jupasti saraquituwa: —Aca paninisti Tatitur serviñatac take acapachan loktatäquis ucanacawa —sasa.

Zacarías 4:4

Jisct'aractwa nayamp parlcäna uca angelaru: —Tata, ¿cun sañs muni acajja? —sasa.

Zacarías 6:11

Kollkempi korimpi apthapisajja luram coronanaca, mayïrsti uchätawa Josué, Josadacan yokapa jilïr sacerdoten p'ekepjjaru.

Zacarías 8:9

Acsti take ch'amani Tatituw, sejja: “Ch'amañchasipjjam, jumanacajja aca urunacanwa ist'apjjtajja profetanacajj arsuwaycän uca arunaca, take ch'amani Tatitun templopa wasitat sayt'ayjjañataqui cimiento uchantapcäna uca uruta.

2 Corintios 1:24

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.