1 Reyes 11:1 - Qullan Arunaca

¹ Salomón reyejj faraonan phuchapjjarusti, yakha walja warminacaruwa munäna: moabitanacaru, amonitanacaru, edomitanacaru, sidoniasanacaru, uqhamarac hititanacaru;

Aymar Bibliia 1986

¹ Salomón reyejj faraonan phuchapjjarusti, yakha walja warminacaruwa munäna: moabitanacaru, amonitanacaru, edomitanacaru, sidoniasanacaru, uqhamarac hititanacaru;

Qullan Arunaka DC

¹ Salomón reyix faraonan phuchhapat, yaqha markankir walja warminakaruw munarakïna: moabita, amonita, edomita, sidonia, hitita, warminakaru;

1 Reyes 11:1 Jak'a apnaqawi uñst'ayäwi

1 Reyes 11:8

Uca pachparaquiw lurarapïna jaya marcanquir warminacapataqui, jupanacasti diosanacaparuwa loktapjjerïna incienso, uqhamarac sacrificionaca.

1 Reyes 14:21

Judá orakensti Salomonan Roboam yokapaw reyïna. Jupasti pusi tunca mayan maraniwa reyïña kalltäna, ucatsti tunca pakallkoni marawa apnakäna Jerusalén marcana, cawquïr marctejj Tatitojj ajlliscän Israel tribunacata take marcanacapata, jupan sutipajj ucancañapataqui. Roboaman taycapasti Naama sutinïnwa, jupasti amonita warmïnwa.

1 Reyes 14:31

Ucatjja cunapachatï Roboamajj jiwjjäna ucqhasti, nayra awquinacapamp chicaw imt'atäjjäna Davidana marcapana. Taycapasti Naama sat sutinïnwa, Amón sat ucanquiriraquïnwa. Ucatsti jupa lantejja Abiam sat yokapawa reyëjjäna.

1 Reyes 16:31

jupajj mäquiw Nabat chachan Jeroboam yokapan pachpa juchanacapjja luräna. Jupasti casarasïnwa Sidón chekanquir Et-baal reyin Jezabel sat phuchapampi, ucatsti Baal sat diosaruw alt'asïna yupaycharaquïna.

1 Reyes 3:1

Salomonajj Egiptonquir reyimpiw familiaru tucüna, jupasti phuchapampiwa casarasïna, ucatsti Davidan marcaparuwa irpäna, cunapachatï palaciopasa, Tatitun templopasa, uqhamarac muytpacha Jerusalén perkasa luraña tucuyasiscäna ucapacha.

Esdras 10:44

Take aca chachanacawa yakha marcanquir warminacampi casarasipjjäna, ucampisa warminacaparusa, wawanacaparusa qhitanucjjapjjänwa.

Esdras 9:1

Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.

Esdras 9:2

Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Éxodo 34:16

Uqhamarac phuchanacapasa inas jumanacan yokanacamampi casarasipjjaspa, jan ucajj diosanacaparu yupaychasinsa juchanacsa lurapjjaspa uqhamata jumanacan yokanacamaru diosanacapar yupaychayañataqui.

Proverbios 2:16

“Yatiñ cancañaw jan wali sarnaker warmitsa khespiyätam, koña arunacampi iyawsayir warmita.

Proverbios 22:14

Wali mankha phuch'ur uñtatawa jan wali sarnaker warmin arunacapajja; qhitirutejj Tatitojj mutuyañ munqui ucarojja uca warmin ucaruraquiw puriyi.

Proverbios 23:33

ucatsti jan uñjañanacwa uñjayaractam, uqhamarac lup'iyaractam, jan parlañanaca parlayaractam.

Proverbios 31:3

Ch'amamjja warminacaru jan tucjasimti; warminacampi sarnakañawa reyinacarojj tucji.

Proverbios 6:24

Jan wali sarnaker ñankha warmitsa imätamwa, uqhamarac suma koña arunacapatsa.

Proverbios 7:5

Uca yatiñampi, ch'iqhi cancañampiwa jake masiman warmipatjja khespiyätam, uqhamarac iyawsayiri suma arunacapatsa.

Levítico 18:18

“Jan warmiman cullacaparojj warmisimti, janiraqui jupampejj wachoka juchsa luramti warmima jacasquipanjja, jan ucasti cullacpurwa jan walt'añaru puriyäta.

Deuteronomio 17:17

Janiraquiwa uca reyejj walja warminacanïñapäquiti, jan jupan Tatitu Diosat jithektañapataqui, ni walja kollkenïñapäquisa ni walja korinïñapäquisa.