2 Samuel 12:15 - Qullan Arunaca

¹⁵ Cunapachatejj Natán profetajj utaparu cuttanjjän ucqhasti Tatitojj usuntayänwa Uriasan warmipajj Davidataqui wawachascän uca wawarojja, niya jiwt'irpachjama usuntataraquïnwa uca wawajja.

Aymar Bibliia 1986

¹⁵ Cunapachatejj Natán profetajj utaparu cuttanjjän ucqhasti Tatitojj usuntayänwa Uriasan warmipajj Davidataqui wawachascän uca wawarojja, niya jiwt'irpachjama usuntataraquïnwa uca wawajja.

Qullan Arunaka DC

¹⁵ Uka arunak sasin Natán profetax utapar kuttawayxäna. Tatitusti Uriasan warmipax Davidatak wawacharapkatayna uka wawar niya jiwt'irpachjam usuntayäna.

2 Samuel 12:15 Jak'a apnaqawi uñst'ayäwi

2 Samuel 12:14

Ucampisa cunjämtejj Tatiturojj chuymapjja walpun ust'aytajja cawquïri wawamatejj nascani ucaw jiwani —sasa.

2 Samuel 12:16

Ucapachaw Davidajj Diosarojj wali achict'asïna, ayunasina orakeru iquisina.

2 Reyes 15:5

Tatitusti reyirojj lepra usumpiwa mutuyäna jiwañapa urucama, uqhamawa reyejja yakhachata utapan jacäna lurañanacap jaytasa. Ucatsti Jotam sat yokapawa sarayäna uqhamarac marcarus apnakaraquïna.

2 Crónicas 13:20

Jeroboam reyisti janiw jach'a ch'amapa wastat jicjjatcjjänti, Abiam reyin jacañapcamajja. Tucuyarusti Tatituw juparu usuchjäna, ucatsti jupajj jiwjjänwa.

Salmos 104:29

ajanum imantascta ucapachajj mulljasipjjewa; samanap apakcta ucapachasti jiwjjapjjewa, lak'aruw tucjjapjjaraqui.

Hechos 12:23

Ucspachaw Tatitun angelapajj Herodesar usuntayäna, Diosan sutip jan jach'achatap laycu. Ucatsti jisc'a lak'onacan mank'antataw Herodesajj jiwjjäna.

Deuteronomio 32:39

Naya sapaquïtwa Diosajja. Janiw yakha diosanacajj nayat sipan utjquiti. Nayaw jacañ churta, uqhamaraqui apakaractsa, nayaw usuchjaracta, uqhamaraqui kollaractsa. ¡Janiraquiw qhitis ch'amajjat khespiyirejj utjquiti!

1 Samuel 25:38

Tunca uru pasatatsti, Tatitojj Nabal jakerojj wasitatwa castigäna, ucampiw Nabalajj jiwjjäna.

1 Samuel 26:10

Nayajj juramentompiw arsta. Pachpa Tatituquiw juparojj jacañapjja apakjjani, jiwañapajj purinjjani ucapacha, jan ucajj cunapachatejj guerran nuwasïwiru mantani ucapachasa.