Génesis 21:14 - Qullan Arunaca

¹⁴ Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

Aymar Bibliia 1986

¹⁴ Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

Qullan Arunaka DC

¹⁴ Qhipärmanthi willjtasti, Abrahamax Agar warmirux t'ant'ampi, mä uman lip'ichi wayaqampi churäna, ukanak q'ipxaruyasasti, Ismael wawapar irpxaruyasaw khithanukxäna. Agarasti sarawayxänwa, Beerseba wasara tuqinarak khuy aka sarnaqäna.

Génesis 21:14 Jak'a apnaqawi uñst'ayäwi

Génesis 16:7

Ucampisa Tatitun mä angelapaw wasaranjja jupar jicjjatäna, Shur sisqui ucar sarañäquis uca thaqui jac'ana mä uma jalsu thiyana,

Génesis 19:27

Khepärmanthi alwasti, Abrahamajj cawqhantejj Tatitumpi parlcatayna ucqharuw saräna,

Génesis 21:13

Esclavaman wawaparusti mä jach'a marca tucuyaraquï, juman wawamaraquïtap laycu” sasa.

Génesis 21:15

Cunapachatejj uca lip'ichi wayakan umapajj tucusjjän ucqhajj wawaparojj mä koka c'uchuruw kont'ayawayi,

Génesis 21:31

Ucatwa uca chekajj Beerseba sas sutichatajja, uca chekan panpachani juramento lurapjjatap laycu.

Génesis 21:33

Uca Beerseba chekansti Abrahamajj mä koka ayruntaraquïna, tamarisco sat mä koka, Tatituruw art'asiraquïna, wiñay jaquiri Diosaru.

Génesis 22:19

Abrahamasti, cawqhanccäntejj sirvirinacapajj ucqharuw cuttanjjäna. Ucatsti takpachaniw Beerseba chekat cuttanjjapjjäna, cawqhantejj Abrahamajj jaccäna ucaru.

Génesis 22:3

Khepärmanthisti wali alwatwa Abrahamajj sartasïna, asnopa caront'asi, sacrificiotaquisti lawa ch'iyjaraqui, ucatsti cawqharutejj Diosajj “Saram” siscatayna uca chekaruw sari, Isaac wawap irpjjarusisina, pani sirvirinacapampi cuna.

Génesis 24:54

Ucatsti jupampi compañanacapampejj mank'apjjäna, umapjjäna uqhamwa lurapjjäna, ucärmasti ucanwa khantatipjjaraquïna. Khepärmanthi alwasti, cunapachatejj sartjjapjjän ucqhasti sirvirejj sänwa: —Uywirejjan utapar cuttjjä, qhitjjapjjeta —sasa.

Génesis 25:6

Khepa warminacapan wawanacaparusti Abrahamajj regalonacacwa churäna, jaccasinsti uca wawanacjja Isaac wawapatjja yakhacharaquïnwa, inti jalsu tokenacar qhitasa.

Génesis 26:31

Khepärmanthi alwasti sartasinjja purapatwa juramento lurasipjjäna. Ucatsti Isaacajj qhitanucjjänwa, jupanacasti sumaquiraquiw sarjjapjjäna.

Génesis 26:33

Isaacasti uca phuch'urojj “Seba” sasaw sutichäna. Ucatwa uca marcajj jichhacama Beerseba satäsquejja.

Génesis 28:18

Khepärmanthi alwasti Jacobojj wali alwat sartasi, ucatsti cawquïri kaltejj ch'ijmt'ascatayna ucwa sayt'ayi mä pilaräcaspas uqhama, ucatsti aceitempi warjjatasinwa Diosar loktata tucuyaraquïna.

Génesis 37:15

uca pampanwa chhakjjäna. Ucat mä jakew jicjjatasin jisct'äna: —¿Cuns thakta? —sasa.

Génesis 46:1

Israelasti take cunatejj jupan utjcän ucanacampiw sarjjarunjje. Beerseba chekar purinisasti Isaac awquipan Diosaparuw mä sacrificio loktäna.

1 Reyes 19:3

Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

2 Crónicas 29:20

Ucatsti Ezequías reyejj wali alwata sartasisinjja marcanquiri take autoridadanacaruw tantachäna, ucatjja temploruw saräna.

Salmos 107:4

Jupanacajj ch'usa ch'alla wasaran muyupjjäna, janiw marcar irpir thac jicjjatapcänti;

Salmos 119:60

Janc'aquiw sartasta, jan suyasaraquiw arsutanacam phokta.

Proverbios 27:14

Qhititejj amigopar willjtata jach'at aruntqui ucajja, amigopataquejja tokenokcaspasa ucamp sasiwa.

Proverbios 27:8

Cunjämatï mä jamach'ejj tapapata jayana sarnakejja, uqhamawa qhititï nacïwipat jayana sarnakqui ucajja.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Isaías 16:8

Hesbón, uqhamaraqui Sibma sisqui uca chekan utjir uva yapunacas k'ala ancuntatawa, marcanacan jilïrinacapaw ucanacjja k'al tucjawayi. Layminacapasti Jazer chekcamaw puripjjänjja, wasarcamaraquiw puripjjänjja, jach'a kotat qhursarus purisipcaquïnwa.

Juan 8:35

Mä esclavojj janiw mä familia taypinccapuniti, ucampis mä wawajj familia taypinquiriwa.

Josué 3:1

Josué chachajj khepärmanthejj wali alwat sartasïna, ucatsti take israelit jakenacampiw Sitim sat chekat mistuwayapjjäna Jordán jawirar purisina, ucanwa samarapjjaraquïna janïr jawir maqhatcasina.

1 Samuel 15:12

Khepärmanthi alwasti Samuelojj Saúl reyimpi jiquisir sarañataquiw wali alwata sartasïna, ucampis Saúl reyin Carmel sisqui ucsaru sarjjatapwa yatiyapjjaraquïna, ucan mä jach'a pilar sayt'ayatapa, ucat ucsa toke muytasinsti, Gilgal tokeru sarascaquitapa.