Oseas 3:1 - Qullan Arunaca

¹ Tatitojj wasitatwa saraquitu: “Saram ucatsti maynin munat warmiru munaraquim wachoka jucha lurirïcchi ucasa; uqhamaracwa Tatitojj israelit jakenacarojj muni, jupanacajj yakha jan uñt'at diosanacar cuttapcchi ucasa, ucatsti cuna waña uvat lurat tortanactejj loktapqui uc mank'apcchi ucasa.”

Aymar Bibliia 1986

¹ Tatitojj wasitatwa saraquitu: “Saram ucatsti maynin munat warmiru munaraquim wachoka jucha lurirïcchi ucasa; uqhamaracwa Tatitojj israelit jakenacarojj muni, jupanacajj yakha jan uñt'at diosanacar cuttapcchi ucasa, ucatsti cuna waña uvat lurat tortanactejj loktapqui uc mank'apcchi ucasa.”

Qullan Arunaka DC

¹ Tatitux wasitat sarakitu: “Oseas, warmimax janiw jumatakjamäkiti, jupan mayni munatapaw utji. Uka kipkarakiw israelitanakax jan nayatakjamäpkiti, k'ari diosanakaruw yupaychapxi, luqtäwi churatanakat manq'apxi. Ukampis saram, warmimarux munasim, kunjämtï nayax israelitanakar munastxa ukhama.”

Oseas 3:1 Jak'a apnaqawi uñst'ayäwi

2 Samuel 6:19

Ucana take israelitanacajj tantacht'atäpcän ucanacaru, chacharu, warmiru, t'ant'a churaraquïna, dátiles sata ucat lurat tortampi, maynïri tortasti waña uvanacat lurataraquïnwa. Take ucanaca pasatatsti utanacaparuw cuttawayjjapjjäna.

2 Reyes 13:23

Ucampis Tatitojj jupanacatjja qhuyapayasïnwa, uqhamarac Abraham, Isaac, Jacob jupanacampi suma parlt'äwiru mantatapatwa amtasïna, ucatsti janiw tucjañsa, ni jakonucuñsa muncänti jupan nayrakatapatjja. Jichhacamasa janiw uqhamjja lurquiti.

1 Crónicas 16:3

uqhamarac take israelita chachanacarusa, warminacarusa churänwa mä t'ant'a, mä jisc'a aychanacan torta, uqhamarac pasasat lurat tortsa.

Nehemías 9:31

Ucampis jach'a qhuyapayasiñama laycusti janiw take tucjctati, ni jaytanuccaractasa; jumajja suma qhuyapayasiri Diosätam laycu.

Salmos 123:2

Achict'asiñ chuymampiw Tatit Diosajjarojj uñtapjjta, qhuyapayasiñap suyasa; uywatanacajj uywiripat suyapqui uqhama, uywat warmejj uywiripat suyqui uqhama. Nanacajj Tatitun qhuyapayasiñap suyasipcaracta.

Éxodo 32:6

Ucat khepa arumarjisti sartasinjja sacrificionac nact'ayasinwa loktapjjäna sumancthapiñataqui. Ucatsti jakenacajj wal mank'apjjäna, umapjjäna; uqhamarac wali cusisipjjaraquïna.

Cantar de los cantares 2:5

¡Pasasat lurat tortanac churapjjeta, uqhamarac manzananacampi ch'amañchapjjeta, munasiñat jiwirjamätwa uca laycu!

Isaías 45:22

“Nayan ucar jutapjjam, nayaw khespiyapjjäma, orake tucusin utjir marcanaca, nayaquïtpï Diosajja, janiw yakhajj utjquiti.

Jeremías 3:20

Ucampisa cunjämatejj mä yakha chachampi sarnaker warmejj chachaparojj sallkjejja, uqhamaraquiw jumanacajj nayarojj sallkjapjjesta. Naya Tatituw ucjja arsta, sasa.

Jeremías 31:20

“Efraín marcajj nayataquejj munat wawajjawa; takenit sipansa sinti munat wawajjawa. Juparu tokenokcä ucasa, janipuniw nayajj jupatjja armascti; chuymajjajj ch'alljjtituwa, jupatsti walpun qhuyapayasiractjja. Naya Tatituw ucjja arsta.

Oseas 11:8

“¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Oseas 4:11

“Wachoka juchanacan sarnakañampi, vino machañanacampejja, jakerojj jan amuyun tucuyi.

Oseas 7:5

Reyisajj corona catokcän uca urojja, jilïrinacajj vino umantayasaw usjayapjjaraqui. ¡Jupasti amparapjja loktaraquiwa qhitinacatejj jupat larusipcän ucanacarojja!

Amós 2:8

Prenda jaytat isinacjjaru wincjjatasaw altaranacan yakha diosanacar yupaychasa mank'apjje; multanacat vino apsusasti diosanacapan utaparuw uca umirejj sarapjje.

Amós 6:6

jach'a copanacatwa vinsa umapjjaraqui, suma k'apquiri kollampiraquiw jawisipjje, ¡ucatsti marcan tucjatäñapatjja janiw llact'asipquisa!

Miqueas 7:7

Ucampis nayajj Tatituruquiw suyt'ä, khespiyiri Diosajjaruquiw take confiansajja uscusiraquï, jupasti nayarojj ist'itaniwa uca laycu.

Zacarías 1:16

Ucatwa, naya Tatitojja sistjja: Jichhajj qhuyapayasiñampiw cutt'antjja; Jerusalenaru wasitatwa lurayaraquï Tatitun utapsa, uqhamaraqui take marcpacha’ ” sasa.

Mateo 26:50

Jesusasti Judasarojj saraquïnwa: —Amigo, cunarutejj juttajja ucjja lurascaquim —sasa. Ucapachaw jakenacajj Jesusarojj catuntapjjäna, ucatsti preso apjjapjjäna.

1 Corintios 10:21

Janiw Tatitun copapampita ñankha ajayunacan copapampitjja umapcasmati, janiraquiw Tatitun mesapampita ñankha ajayunacan mesapampitsa mank'apcaraquismati.

1 Corintios 10:7

Ucatpï jilatanaca, jumanacajj janipun yakha diosanacar yupaychapjjañamäquitejja, cunjämatï jupanacat mä kawkhanejj lurapjjäna uqhama, cunjämatejj Kellkatan sejja: “Jakenacajj mank'añataqui umañataquiw konurapjjäna, ucatsti fiesta lurañataquiraquiw sayt'asipjjäna” sasa.

1 Pedro 4:3

Jumanacajj waljwa luranjjapjjtajja cunatejj Diosar jan uñt'ir jakenacarojj cusisiyqui ucjja. Uca urunacanjja jumanacajj vicionacana, jan wali amtañanacana, machañanacana, wali mank'añanacana, jila umjasiñanacana, yakha diosanacar yupaychañanacanwa sarnakasipcäyätajja.

Jueces 10:16

Israelitanacajja uca c'ari diosanacjja apanucjjapjjänwa, Diosaru cutt'asa yupaychañataqui. Ucatsti Diosajja janiw muncänti israelitanacan t'akhesiscañapjja.

Jueces 9:27

Ucampis jupanacajj yapunacaru sarasinjja uva achunaca aptanisajja vino lurapjjäna; fiesta lurasinjja mank'apjjäna, umapjjäna diosanacapan templopana, uqhamarac Abimelec chacharus maldicipjjaraquïna.