Oseas 2:23 - Qullan Arunaca

²³ Marcajjarusti orakeruw uscusiraquï, nayataquiquipuniw uscusï; Lo-ruhamatsti qhuyapayasiraquïwa, Lo-amirusti ‘Marcajjätawa’ saraquïwa, Jupasti: ‘¡Diosajjätawa!’ saraquitaniwa.”

Aymar Bibliia 1986

²³ Marcajjarusti orakeruw uscusiraquï, nayataquiquipuniw uscusï; Lo-ruhamatsti qhuyapayasiraquïwa, Lo-amirusti ‘Marcajjätawa’ saraquïwa, Jupasti: ‘¡Diosajjätawa!’ saraquitaniwa.”

Qullan Arunaka DC

²³ 23 (25) Markaxarusti nayatakikipuniw uraqir uskusï, Lo-ruhamatsti khuyapt'ayasïwa, Lo-amirusti ‘Markaxätawa’ sarakïwa, jupasti: ‘¡Diosaxätawa!’ sarakitaniwa.”

Oseas 2:23 Jak'a apnaqawi uñst'ayäwi

Salmos 118:28

Tatay, yuspagarsmawa, jumaruw jach'ar aptsma, jumaw nayan Diosajjätajja.

Salmos 22:27

Takpach jakenaca, takpach marcanaca, acapach tucuscam jaquir jakenaca: Tatitut amtasipjjam, jupar maqhatjjapjjam; nayrakatapar konkort'asipjjam.

Salmos 68:31

Munañan jakenacajj Egiptot purinipjjani, Etiopía marcajj Diosataquiw amparanacap loktapjjani.

Salmos 72:16

Trigojj yapunacan jilarquir utjpan, kollu patanacansti jilantaracpan; Líbano orakenjam granojj achuntpan, pampa alinacjam puyanacajj pokorpan.

Cantar de los cantares 2:16

Munatajjajj nayanquiwa, nayasti jupancaractwa. Jupajj lirio pankaranac taypiruw tamanacapjja awatisi.

Isaías 44:5

Maynisti saniwa: ‘Nayajj Tatitunctwa’, maynisti: ‘Jacobon wawapa sataraquïniwa’, maynisti amparaparojj kellkasiraquiniwa: ‘Tatitunctwa’ sasa, jupan sutipjjarusti Israel sutimpwa yapt'asiraquini.”

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 31:27

Tatitusti siwa: “Mä uruw purinini, cunapachatejj Judá orakena uqhamaraqui Israel orakensa, jakenacasa, uywanacasa walipuni utjani uca urojja.

Jeremías 32:38

Jupanacasti nayan marcajjäniwa, nayasti jupanacan Diosaparaquïyäwa.

Jeremías 33:26

Jichhasti janipuniw apanuccäti Jacobon wawanacaparojja, David uywatajjan wawanacaparusa, jupanac taypitsti utjayaraquïwa mayni mistuñapa, Abraham, Isaac, Jacob ucanacan wawanacaparu apnakañapataquejja. Nayaw jupanacatjja qhuyapayasëjja, sarnakäwinacapsti asquiruw tucuyjjaraquejja.”

Ezequiel 36:29

Cunanacatejj jumanacaru k'añuchapquiristam ucanacatsti khespiyapjjämawa. Trigos walipunëjjaraquiniwa, janiraquiw mayampsa jumanacarojj mach'a apayancjjapjjämati.

Oseas 1:6

Gomer warmisti wasitatwa usur jakeptaraquiqui, ucatsti mä imill wawa wawachasiraqui. Tatitojj Oseasarojj sänwa: “Jichhajj uca imill wawarojj Lo-ruhama sas suticham, nayasti janiw juc'amp qhuyapt'aycjjäti Israel marcarojja uca laycu. Janiraquiw perdoncäsa.

Oseas 8:2

Nayan ucarusti arnakt'asisajj jutasipcaraquiwa: ‘Jumarojj Israelan Diosapatwa uñt'asipjjsma’ sasa.

Zacarías 10:9

Nayaw ananucuractjja yakha marcanac taypiru, ucampisa jayanccasajj nayata amtasipjjaniwa, mä uruw wawanacapamppacha cutt'anjjapjjanejja.

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Zacarías 14:16

Uca pasatatsti, Jerusalenampi nuwasipcän uca marcanacat jilt'iri jakenacasti sapa maraw take ch'amani Tatitu Reyiru yupaychiri sarapjjani Chhujlla fiestanac lurañataqui.

Zacarías 14:9

Uca uruw Tatitojj take acapacha apnakanejja. Jupa sapaquiw Tatitünejja, sutipasti mä sapaquiraquïniwa.

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Romanos 3:29

¿Diosasti judionacan Diosapaquiti? ¿Janit jan judiöpquis ucanacan Diosapäcaraquejja? Chekpachansa jupanacan Diosaparaquiwa.

Santiago 1:1

Naya Santiago, Diosan uqhamarac Jesucriston sirviripätwa, aruntaractwa Israelan tunca payani tribunacaparu, qhitinacatejj aca orakpachana ch'eketatatäpqui ucanacaru.