2 Reyes 11:1 - Qullan Arunaca

¹ Ocozías reyin Atalía sat taycapajj cunapachatï yokapan jiwjjatapa yatïna ucqhasti, sarasinjja take reyin familiapa jiwarayäna.

Aymar Bibliia 1986

¹ Ocozías reyin Atalía sat taycapajj cunapachatï yokapan jiwjjatapa yatïna ucqhasti, sarasinjja take reyin familiapa jiwarayäna.

Qullan Arunaka DC

¹ Ocozías reyin Atalía sat taykapax yuqapan jiwxatap yatisinxa, reyin wila masinakaparuw jiwarayäna.

2 Reyes 11:1 Jak'a apnaqawi uñst'ayäwi

Génesis 9:5

Nayaraquiw cuenta mayëjja sapakat jakeru, uqhamarac animalanacarusa, jumanacan wilanacamatjja. Sapakat jakeruw cuenta mayëjja jake masipan wilapatjja.

Génesis 9:6

“Maynitejj mä jakeru jiwayanejja, juparojj yakha jakew jiwayaraquini, jakesti Diosar uñtasita luratätap laycu.

1 Reyes 1:12

Jichhasti jutam, mä ewjja churäma, uqhamata jumajj jacañamsa, Salomón yokaman jacañapsa khespiyañamataqui.

1 Reyes 2:44

Jumajj sumwa yattajja cuna jan waltejj David awquejjaru lurctajja ucjja. Ucatwa Tatitojj wact'ayi cuna jan waltejj lurctajj ucjja juma pachpa catokañamataqui.

2 Reyes 10:36

Jehú reyisti Israel marcjjarojja pä tunca pheskan maraw apnakäna Samaria marcana.

2 Reyes 10:7

Jupanacasti aca cartanaca catokasinjja, uca pakallk tunca yokanacap catusinjja jiwarayapjjänwa; ucatjja p'ekenacapa apakasinjja canastanacaruwa uchapjjäna, ucatsti Jezreel chekaruwa apayapjjäna.

2 Reyes 12:1

Joasajj Jerusalén marcanjja apnakänwa cunapachatï Jehú reyejj pakallk mara apnakcäna ucqha; ucatsti jupajj Jerusalén marcanjja pusi tunca maraw apnakäna. Joasan taycapasti Sibia sat sutinïnwa, jupasti Beerseba ucanquirïnwa.

2 Reyes 25:25

Ucampis pakallkör phajjsina Netanías chachan Ismael yokapaw purinïna tunca jakenacamp chict'ata, jupasti Elisama chachan allchhipänwa, uqhamarac Judá marcanquir reyinacan familiapatänwa, ucatsti takpachaniw Gedalías chacharu jiwayapjjäna, uqhamarac Mizpa chekana judío jakenaca, caldeo jakenacasa utjcäna ucanacarus jiwayapjjaraquiquïnwa.

2 Reyes 8:26

Reyïña kalltcäna ucqhasti pä tunca payani maranïnwa, ucatsti Jerusalenanjja mä marawa apnakäna. Taycapasti Atalía satänwa, jupasti Israel marcan Omri sat reyit jutirïnwa.

2 Reyes 9:27

Judá marcanquiri Ocozías reyejj uqham uñjasinjja Bet-hagan tokeruwa jaltjjäna. Ucampis Jehú capitanajj arctasinjja sänwa: “¡Juparus jiwayapjjaraquiquim!” sasa. Ucatsti carrop pachparuwa usuchjapjjäna Gur sat alayana, Ibleam sat jac'ana, ucampis jupajj Meguido sat chekacama jaltjjasinwa ucan jiwjjäna.

2 Crónicas 24:7

Atalía warmisti mä ñankha warmïnwa, ucatsti jupan arquirinacapajja Diosan temploparu mantasinjja Tatitun templopata take yänacwa apsunipjjäna yakha diosanacaparu ucanacampi sirviñapataqui.

Jeremías 41:1

Pakallko phajjsi pasjjepansti Netaniasan yokapa Elisama sat jaken allchhipa Ismael sat jakejj, qhititejj reyin familiapatäcaraquïna ucajj Mizpa sisqui uca chekaruw saräna Gedaliasampi jiquisiñataqui. Tunca jakenacampi chict'ataw saräna.

Mateo 2:13

Magonacan sarjjapjjatapatsti, Diosan mä angelapaw Josearojj samcan uñstäna, ucatsti sänwa: “Sartasim ucatsti wawampiru María taycapampiru irpjjarum Egipto marcar sarjjam; ucancaraquim cunapachcamatï nayajj siscäma ucürcama, Herodesasti wawarojj jiwayañataquiw thakani” sasa.

Mateo 2:16

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Jueces 9:5

Cawqhantejj Jerobaal sat awquipajj jaccäna uca Ofra sat marcaru, purisasti uca khoru jakenacampejja mä sapa kala patjjaruquiw pakallk tunca jilanacapa jiwarayäna. Ucampis Jotam sat Jerobaal awquipan sullquïri wawapaquiw imantasis khespïna.