Kasta
102 Manunakat parlir Biblian jiskʼa tʼaqanakapa
Taqi chuymaman jallch'apt'am. Kunatï jani yanapt'ktam ukhajj jask'am.
Chiqpachasa taqi kunas walïspawa, ukampirus jani taqpachati yanapt'kiti. Ukhamajj amuyt'asipxam taqi kun lurañamampi.
Diosaru mayisipxam yatiñataki, janiw chuymaman munañapata apaytamti, ukajj chhaqha ñanqaru irpamuwa.
Supayajj walja kutiw yanapt'añataki ukhama usuchjaspa, ukampirus ¡amuyt'asim!, qhiparux jiwañawa.
Munat jilatanaka, manq'a churañax janiw suma lurawkiti. Diosan uñampi saram, ukhaw yanapt'apxam jikjjatasi. Jesusax yatiwa taqi kun munaski ukxa, munaw yanapt'ama. Llakisiñamampi churaram, ukhamatwa chuymas samarañani. Ukhamatwa qhanar qamir ch'ikhimpi uñjapta, uka ch'ikhinakaw manq'at katuqapjätani. Ukjjat katuqapjjasaxa, janiw kutt'anipkakiti, Jesusax munaw suma jakañampi sarnaqapjita, janiw kuna p'inqasiñampi sarnaqapjitama.
Janiw qamir chuymanïpjätati, kawkhantï utjktam ukarus kusisitapjjam. Jupax siskänwa: “Janiw jaytktanipkätati, ni arxatktanipkätati.” Hebreos 13.5
Janipun qhitirus manüpjjamti, jan ucasti jumanac pura munasiñanac manüpjjam. Jake masipar munirejja cuntejj leyejj sisqui ucwa phokhe.
Qhitinacarutejj manüpctas ucjja phokjjapjjaraquim. Kollke churañ utjchi ucajja churapjjam. Impuesto manüpctas ucjja phokhapjjam. Ajjsarañäqui ucarojj ajjsarapjjaraquim. Yäkañäqui ucarojj yäkapjjam.
Kamir jakejj pobrenac taypinjja mä reyjamawa; manuninaca taypinjja, kollke mayt'irejj reyjamaraquiwa.
Tatitu Diosamasti jumarojj bendicïtamwa cunjämtejj arupampi arsuwayctam uqhama, ucatsti utjaraquïtamwa yakha marcanacar mayt'añataquejja, ucampis jumajj janiw cunsa mayt'ascätati. Walja marcanacwa apnakaraquïta, ucampis jupanacajj janiw jumaru apnakapcaniti.
Juchanacajjatjja pampachapjjeta, cunjämatejj nanacajj jan wali lurapquitus ucanacarojj perdonapjjta uqhama.
Yatiñan jaken utapanjja kamir cancañanaca, suma k'aphinacawa utji, ucampis jan amuyt'an jakesti take cunanacapwa tucji.
Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.
“Cunapachatï yanapt'añajj amparamancascchi ucqhajja, jan ‘Janiw’ siscamti qhititejj yanapa maycätam ucarojja.
Jichhüru yanapt'irjamäscsta ucjja, jan kharürutac imasimti. Jan jake masimarojj samti ‘Sarjjaquim, kharüruw cutt'anïta, ucqhawa churäma’ sasa.
“Janiw qhitis pä patronarojj sirvcaspati, maynirojj munaniwa, maynirusti uñisiraquiniwa, jan ucajj maynirojj jach'achaniwa, maynirusti jisc'acharaquiniwa; Diosampiru kollkempirojj janiw qhitis sirvcaspati.
Maynitejj jumanacat mä torre lurañ munaspajja, ¿janit nayrakatajj kont'asisin kawkhas kollkejj tucuyañataquejj munasispa ucjj amuyt'ascaspajja?
Alekaqui cimiento uscuntanejja, ucatsti jan tucuycaspajja takeniw uc uñjirinacajj jupatjj larusipjjani.
Ucatwa Jesusajj jisct'i ley yatichirinacaru, uqhamarac fariseonacarusa: —¿Waquisiti janicha samarañ urun kollañajja? —sasa.
Sapjjaraquiniwa: ‘Aca jakejj kalltasinjja, janiw tucuycjjeti’ sasa.
Ñankha lurir jakejj mayt'asiñac yati, janiw cutiyañ yatquiti, asqui jakesti qhuyapt'ayasiriwa, suma chuymaniraquiwa.
Qhititejj kamir cancañapa waljaptayqui jila interesanaca apsusa ucajja, qhititejj pobre jakenacata qhuyapayasqui, ucaw kamir cancañapjja waljaptayasi.
Suma amuyt'ampi cuna amtäwinaca waquichatasa sumaquiwa phokhasi, ucampis mäqui waquichata amtäwinacajja aynacht'añaruwa puriyi.
“Maynitejj jumar juezan ucaru apiristam ucajja, jumasti thaquin sarcasajja jupampi sumancthapim, jan juezaru apatäñamataqui, ucatsti juezajj jan jumar policiaru catuyasina carcelt'ayañapataqui.
Khanacwa sisma, ucatjja janiw mistcätati takpach kollke pagañamcama.
Asqui jakejj sapüruw qhuyapayasi, mayt'araqui, allchhinacapasti asqui catokäwïcaspas uqhamawa.
Janipun arsumti mayni jakenacan manunacap phokhañataquejja.
Janitejj cunampi phokherjamäcätajja, janjjatasiña iquiñamamppachwa aparapjjätam.
“Uqhamarac qhititejj cuna uywa mayt'aschi, ucatsti uca uywatejj jan dueñopans uñjata jiwayatächi, jan ucajj usuchjatächisa ucajja, mayt'asirejja dueñoparojj pagañapawa.
Jan uñt'at jakeru mayt'añansti llaquisiñawa utji, ucampis qhititejj jan mayt'qui ucawa cusisita jacani.
Kollkeru munañajja take jan wali luräwinacan saphipawa; ucatwa mayninacajj juc'ampi munapjjatap laycu iyawsañatjja maysaru saranucupjje, pachpa jacäwinacaparuw t'akhesiñampi yapjjatasipjje.
“Munat wawajja, jumatï garantiata amigom laycu sayt'sta ucajja, jan ucajj yakha jake laycusa ucapachasti,
Jumajj uqham iqui ch'utaliscäta, uqhamarac sum iquiñataquis amparanacama khomthapisiscäta ucqhawa,
jan cunan uñjasiñajj catuntätam, mä muyuycu jakjama.
Qhititejj ñankha, jan wali jakëqui ucajja, c'ari arunaca parlasaquiwa sarnake;
nayranacapampiwa ch'irmt'i, cayunacapampiwa tact'i, ampar luc'ananacampiwa wicucht'i;
amuyupasti ñankha lurañampi chhaktayatawa, chuymapansti jan walinac lup'isaquiw sarnake, ch'ajjwañanac aptañanac lup'isaw sarnakaraqui.
Ucatsti juparojj jan walt'añajj acatjamatwa catuntani; jupajj mä nayra ch'ipjjtanac tucjatäni, jan cutjcay tucjataw uñjasini.
“Tatitojj sojjta jan walinacaruw uñisi; ucat juc'ampisa pakallkcama:
Jach'a jach'a tucuñanacaru, c'ari parlañanacaru, jan juchani jake jiwayañanacaru,
jan wali amtañanacaru, jan wali lurañanacaru mäqui sarañanacaru,
c'ari ircatirit sarnakañanacaru, jila pura ch'ajjwañanacaru.
juma pachpawa sipita uscusisctajja; juma pachpan arunacamaruraquiw jalantasctajja.
“Munat wawajjay, chuymamarojj imapunim, awquiman, taycaman ewjja arunacapa, uqhamarac yatichäwinacapsa.
Chuymamanjja catjjäsipunim aca ewjjanacjja, cuncaru warcuntasiraquim.
Uca arunacasti saräwimanjja irpätamwa, iccäta ucqhasti imätamwa, iquit sartjjäta ucqhasti jumarojj parlaraquïtamwa.
Chekpachansa ewjja arunacasa, yatichäwinacasa khanasquir lamparjamawa; chekachäwinacasa, suma ewjja arunacasa, jacañ churir thaquiwa.
Jan wali sarnaker ñankha warmitsa imätamwa, uqhamarac suma koña arunacapatsa.
Chuymamanjja jan munapayamti jiwaquïtap laycojja, ¡janirac uñtatapampis catuntayasimti!
Jan wali sarnaker warmejja, kollkes laycuquiwa sarnake, ucampis chachanïcasina jucha lurir warmisti, cawquïritejj suma chachäqui uca catuycamaw sari.
¿Mä jakesti isipar nina apnakaspati jan naqhantayasisajja?
¿Mä jakesti nina sanc'anac patanjam sarnakaspati jan cayupa nacsuyasisajja?
Uqhamaraquïniwa qhititejj jake masipan warmipampi jucha lurañan sarnakqui ucajja. Juchapjja uñt'asipuniniwa.
Munat wawajja, jumajj maynin amparapanctawa, ucatsti khespiyasiñamataquejj acanac luram: Jan p'enkasisa mäqui amigoman ucar achict'asiri saram.
Janiw qhitis lunthatarojj jisc'achquiti, mank'at awtjatätap laycu lunthatasitapatsa;
ucampisa lunthatasquirtejj catjatäni ucapachasti, pakallko ucqhampwa lunthatasitapat cutt'ayani, uqhamarac cunatejj jupan utjqui take ucanacwa churjjaraquini.
¡Jake masipan warmipampi sarnakerejja, jan amuyt'asiriwa! ¡Qhititejj uqham jan wal lurqui ucajja, jupa pachpawa tucjasisqui!
Jupasti nuwjata, jisc'achatäniwa, ucatsti uca p'enka uñjasitapajja janiw armatäcaniti.
Uca warmin chachapasti colerasisinjja mä ninjamaw naqhani, ucatsti uqhamat uqhama phoksusiñ horasansti janiw perdoncaniti;
janiw cuna churatampis chuymachascaniti, janiraquiw churäwinacampis chuymap utt'ayascaspati.
Jan ucanac k'omachcasinjja jan iquimti, janiraqui mä juc'as samaramti;
jumasti catuntirimatjja mä tarujar uñtat jaltjjam; ¡sipitatsti mä jamach'ir uñtat jaltjjam!
Nayajj waynäyätwa, jichhasti niyaw ch'ama karitäjjta: janipuniw asqui jaker apanucut uñjcti, janiraquiw wawanacapar mayjasirs uñjcti.
“Kollktejj mayt'äta marcajjanquir mä pobre jakejj jumampi jacqui ucaru, ucatsti janiw jumajj kollke mayt'irjama tucütati, ni interesanacsa mayiraquïtati.
Arsutanacamaruy chuymajj alcatayita, janiquiy inampst'añar puriyistati.
Janiquiy inamay yänacar uñtayistati, thaquiman sarañatac jacañ churita.
Ankan negociomäqui ucjja tucuyam, pampan lurañanacamäqui ucjja luram, ucatwa utama lurasismajja.
“Jumanacatejj jake masimaru cuns mayt'apjjäta ucqhajj jan utaparu mantasinjja cuna yänacapsa aptasinipjjamti.
Ankäjjaru kheparapjjam, ucatsti suyt'apjjam cuna prendtejj churañatac apsuncani uca.
Yatiñajja jakerojj arjjatiwa, cunjämatï kollkejj arjjatqui uqhama, ucampis yatiñ cancañajj jilanquiwa yatiñaniru jacaña churatapata.
Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini.
Jan amuyt'an jakejj sayt'aquiw garantiatjja amigop laycu; ucatsti jupaw phokhañapäni.
Ch'iqhi jakejj jan walt'aña uñjasinjja jaltjjewa; jan amuyt'asiri jakesti mantascaquiwa, ucatsti t'akhesiwa.
Sapa semana kallta urunwa jumanacajj apakjjapjjañama sapa maynisa cunjämtï ganasqui uqhamarjama, ucatsti imapjjam, cunapachatï purincä ucqhajja jan apthapipjjañamataqui.
Asqui lurir jakejja yänacapjja wawanacapans wawanacaparuw jaytawayi, ucampis jucharar jaken yänacapajja, asqui jakenacataquiw kheparjjani.
Asqui jakejj yatiñ cancañampiw parli, lajjrapajj chekap sarnakañ khanañchi.
Diosapan leyinacap chuymapar catjjäsi, cayunacapasti janipuniw llust'caniti.
Janiw qhitirus t'akhesiyquiti, jan ucasti manuparusa cuntejj mayt'ascatayna ucatjja phokjjaraquiwa; janiw qhititsa lunthatcaraquiti, mank'añapatsti qhititejj jan mank'añanïqui ucarus churaraquiwa, jan isinirus ist'ayaraquiwa.
“Qhititejj juc'a apnakañanacan chekapäqui ucajj, walja apnakañanjja chekaparaquïniwa; juc'ana jan chekapäcchi ucajja waljanjja janiraquiw chekapäcaspati.
Uqhamasti jumanacatejj aca jucharar oraken yänacapan jan chekapäpcsta ucajja, ¿qhitirac chekpacha yänacsti churapjjätamsti?
Jumanacatejj yakhanquirinacjja jan cheka chuymampi apnakapjjsta ucajja ¿qhitirac churapjjätam jumanacanquirinacsti?
Qhitinacatejj aqham sapjjta: “Jichhürojj jan ucajj kharürusa uca marcaruw sarañäni, ucansti maraw utjañäni, alaquipa lurañäni, kollke jicjjatañäni” uc sirinacajj ist'apjjam:
janiw yatipctati cunatejj kharürojj pascani ucjja. ¿Cunaraqui maynin jacañapasti? Mä urpjamaquiw uñstani ucatsti chhaktawayjjaquiwa.
Ch'amañchasipjjam, janipun jayrasipjjamti, Tatiturusti take chuyma sirvipjjam.
Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti.
Maynïr iyawsirinaca pist'ayasipanjja yanapt'apjjam. Visitanac jutipansti sumrac catokapjjam.
Samarat jacañaru munapjjam, jumanacan luräwinacamat lup'isipjjam, amparanacamamp irnakapjjam, cunjämtejj ewjjt'apjjsma uqhamarjama,
“Diosan reinopajj cunjämtejj mä reyejj jacthapiñ muni sirvirinacapampi ucampi sasiwa.
Cunapachatejj jacthapiña kalltcäna ucqhajja, mayni walja millonanac manuniruw irpani.
Uca sirviristi janiw cunampis phokherjamäcänti. Reyejj ucjjarojj siwa: ‘Warmipamppach wawanacapamppach take cunanacapamppach esclavot aljantatäpan, uqhamat uca manupajj phokhatäñapataqui’ sasa.
Ucapachaw sirvirejja quillt'asisin uca reyin nayrakataparojj achict'asi: ‘Tata, mä juc'a suyt'aquita, nayasti pagjjaquïmawa’ sasa.
Reyisti uqham achict'asipanjja qhuyapt'ayasïnwa, take uca manupjja perdonänwa, jupasti sarawayjjänwa.
“Uca manut perdonayasir sirviristi, ucat sarcasinjja jicjjataraquïnwa yakha sirvir masiparu. Ucasti manuraquïtaynawa mä kawkha kollke. Cuncat catusinwa juparojj niya jiwayirjam saraqui: ‘¡Pagjjet manüquistas uca!’ sasa.
Uca sirviri masipasti pamparuw quillt'asi, ucat achict'asiraqui: ‘Tata, mä juc'a suyt'aquita, nayasti pagjjaquïmawa’ sasa.
saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.
Ucampis maynejj janiw muncänti, ucatwa carcelaru llaventayi jupar uca manupata phokhañapcama.
Mayni jupamp chica sirvirinacajj uc lurir uñjaraquïnwa. Uqham luratapatsti walirac llaquisipjjäna, ucatwa take ucanac reyiru yatiyapjje.
Reyisti jawsayiwa ucatsti saraquiwa: ‘¡ñankha lurir jake! Nayajj perdonsmawa take manumatjja achict'asitam laycu.
Jumajj qhuyapt'ayasiñamänwa uca sirviri masimatjja cunjämtejj nayajj jumamp lurcta uqhama’ sasa.
Ucapachawa reyejj wal colert'asïna, ucatsti t'akhesiyaraquïnwa take uca manupa pagañapcama.
Jesusasti aqham sänwa: Uqhamaraquiw alajjpachanquir Awquejjajj jumanacampejj luraraquini, janitejj take chuyma perdonapcät ucajja” sasa.
Wali kamiri, llaquita jacañat sipansa, wali asquiwa pobrëscaña, Tatiturusa yupaychascañajja.
Asqui jakesti pobren sarnakäwinacapatjja llaquisiwa, ucampis ñankha lurir jaketaquejja janiw ucajj cunäquisa.
“Sapa pakallko maraw perdonäta cawquïri jaketejj manumäcani ucarojja.
Jumasti yanapt'añamapuniwa suma munasiñ chuymampi, Tatitu Diosamasti uca luratamatjja bendicïtamwa take luräwinacamanjja.
Marcamansti pobrenacajj utjapuniniwa, ucatwa nayajj jumaru aca ewjja arunaca chursma, jumana qhuyapayasir chuymanïñamataqui uca jake masinacamampi, cawquïrinacatejj marcamanjja, pobrezana, t'akhesiñana sarnakapqui ucanacampi.
“Cawquïri hebreo jilamatejj, chachäpansa, warmïpansa; jumaru aljasïtam esclavor uñtata, ucasti sojjta maraquiw sirvïtam. Pakallko mara purinipanjja libre qhitanucjjäta.
Ucampisa cunapachatejj qhitanucjjäta ucqhajj janiw jan cunani qhitanucütati,
jan ucasti jumajj uywa tamanacamatjja churätawa, uqhamaraqui walja trigompi, vinompi. Cuntejj Tatitu Diosamajj churctam ucanacatjja jupampiw jaljasïta.
Janirac Egipto marcan esclavo sarnakatamjja armasimti, ucatsti Tatitu Diosamaw khespiyaniractam. Ucatwa jichhajj jumaru aca ewjjanaca chursma.
“Ucampis esclavomatejj jumat jan sarakañ muncätam, jumaru munatapa uqhamaraqui familiamaru munatap laycu, uqhamaraqui juman juparu sum uywatam laycu,
ucatsti mä p'iyañampi, uta puncumaru saycatayasin juparojj jinchupa p'iysüta; uqhamatwa jupajj wiñayataqui juman esclavomäni. Uca pachpa luraraquïta mä warmi esclavampisa.
Jan jumajj chuymaman mayjt'asimti esclavonacam antutjjasajja. Sojjta maraw jumaru sirvipjjtam mä jornalero irnaker jaken chicat pagop catokasaqui, ucampisa Tatitu Diosamaw bendizjjätam take cuntejj lurcäta ucanacanjja.
“Vacanacama, ovejanacamatejj nayrïri orko wawachani ucanacjja Tatitu Diosamaruwa loktapjjäta. Janiraquiwa vacaman jilïri wawachat kalluparojj lurayapjjätati ni ovejaman jilïri kallupatsa t'awra yawirätati.
“Uca perdonasiñasti aqhamäniwa: Take cawquïri jaketï masiparu cunsa mayt'cäna, ucasti cuntejj mayt'cän ucajja janiw cobrascjjaniti. Janiw cobrasiñ puedquiti jake masiparojja ni marca masiparusa cuttayjjet sasajja, uca marajja manunacat perdonasiñ marätap laycu, Diosaru jach'achañataqui.
T'akhesiyat jakenacaruw chekapar uñji, mank'at awtjatanacaruw mank'añ churaraqui. Tatituw catuntat jakenacarojj antutnucuyi.
Lunthatasiñanacampi waljanaca jicjjatañata sipansa, juc'amp asquiwa chekapa lurañampi juc'aqui jicjjatatajja.
Ñankha lurir jakenacan munañan cancañapajj janiw wiñayatac asqui jakenacar apnakcaniti; asqui jakenacan ñankha jan lurasipcañapataqui.
T'ant'asti mank'añataquiwa, vinosti jaken jacañapjja cusisiyaraquiwa, ucampis take ucanacataquejj kollkew utjañapa.
“Suma warmejj janiw jicjjatañjamäquiti; ¡jupajj suma c'ajquir kalanacat sipansa juc'amp valoranïtap laycu!
Chachapajj juparojj takpach chuymaw catuyasi; jupasti janipuniw cunapachas pist'añanacan sarnakquiti.
Jupasti chachaparojj yanapiwa suma asquinac lurasa, take jacäwipa urunacana.
Jupajj t'awra, lino ucanac thakeriw sari, ucatsti cusisiñampiwa amparamp lurañanacjja luri.
Jupajj mank'anac apanir barcor uñtatawa; mank'añanacjja wali jayata utapar apani.
Ucatsti wali alwata sartasisinaracwa wawanacaparojj mank'a churi, uqhamarac uywatanacaparusa.
Oraksti suma uñjasinwa alasi, ucatsti jicjjatatanacapampiwa uvas alinacjja ayrusi.
Jupajj ch'amañchasiwa, ucatsti take chuymampiwa irnakañatac waquichasi.
Jupajj aljasiñanacapjja sumaruwa sarayi, arumcamawa irnake, janiw ch'am jiwt'ayasquiti.
Amparapampiwa t'awra kapu, sawuraqui.
“Nayat yuriri munat wawajjay, Diosan churat wawajjay, ¿cunampirac jichhasti säma?
Pobrenacarusa, uqhamarac pist'ayasiñan jicjjatasqui ucanacarusa qhuyapt'ayasipuniraquiwa.
Janiw familiapatjja llaquiscaraquiti, cunapachatï qhununti ucqhajja, familiapan suma thuru isinacampi isthapita sarnakapjjatap laycu.
Jupa pachpawa iquïñanacjja sawusiraqui, ucatsti suma telat lurat isinacampiw isisiraqui.
Chachapasti marcanjja suma uñt'atawa, marcana wali aytata jilïri chachanac taypinquirïtap laycu.
Jupajj isinaca, wac'anaca lurasinjja, alirinacaruwa alji.
Jupajj ch'amañchasiwa, asquin sarnakañampi, ucatsti janiw ajjsarquiti jutir jan walt'añ urunacarojja.
Jupajj yatiñampiwa parli, ucatsti munasiñampiw yaticharaqui.
Ucatsti jupajj sumwa uñjasiraqui utapajj cunjamäsquisa ucjja, janipuniw ina ch'usata jicjjatata mank'jja mank'quiti.
Wawanacapasa, chachapasa juparojj jach'añchapjjewa, aqham sasa:
“Walja suma warminacaw utjapjje, ucampis jumajj take uca warminacat sipansa juc'amp sumätawa” sasa.
Ch'amamjja warminacaru jan tucjasimti; warminacampi sarnakañawa reyinacarojj tucji.
C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja.
¡Take jakenac nayrakatana juparojj jach'añchapjjam! ¡Take luratanacaparu jach'añchapjjaraquim!
Ch'ajjwañanacarojj jan wayusipjjamti; janirac lunthatasiñar chuym catuyasipjjamti; kamiris tucusipcätajja, kollker jan alcatapjjamti.
Maynitejj kamirïchi ucat, jilapan pist'ayasitapa yatisina jan jupat qhuyapt'ayascchejja, ¿cunjämarac Diosan munasiñapajj chuymapan utjaspasti?
Ucampis qhitinacatejj mä cuns mank'asiscchi pächasisa ucajja, uqham mank'asinjja jupapachaw juchañchasi. Jan iyawsañampi cuna lurañasa juchawa.
Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.
Suma ewjja arunacaru jisc'achirejja, pobre uqhamaraqui jisc'achataquiw sarnakani, ucampis qhititejj chekachäwiru ist'qui ucajja, suma jach'añchataraquïniwa.
“Uqhamarac qhititejj cuna uywa mayt'aschi, ucatsti uca uywatejj jan dueñopans uñjata jiwayatächi, jan ucajj usuchjatächisa ucajja, mayt'asirejja dueñoparojj pagañapawa.
Ucampis dueñopatejj ucancascchïna ucajja janiw cunsa pagañapäquiti. Jan ucasti arrendjatächi ucajja arrendocwa pagañapajja.
Tatitun kollanaptayat jakenacajj orak catokasipjjani, jupan ñankhachatanacasti jakonucutäpjjaniwa.
Machirinacasa, sinti mank'erinacasa tucjasiñaruw puripjje, jayra jakenacasa isitsa thantharnucstataw sarnakapjje.
Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.
Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.
Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.
Ch'amañchasipjjam, janipun jayrasipjjamti, Tatiturusti take chuyma sirvipjjam.
Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti.
Maynïr iyawsirinaca pist'ayasipanjja yanapt'apjjam. Visitanac jutipansti sumrac catokapjjam.
Bendecipjjaraquim qhitinacatejj jumanacarojj t'akhesiyapctam ucanacarojja. Jupanacataquisti bendicionanaca mayipjjam, jan maldecipjjamti.
Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja.
Jumanac taypinjja mä amtaniqui jacasipjjam. Janiraqui jach'a jach'a tucupjjamti, jan ucasti alt'at chuymani tucupjjam. Janiraqui wali yatiñanjamas tucupjjaraquimti.
Janiraqui ñankhat ñankha cutt'ayapjjamti; cunatejj asquïqui ucrac take jakenacan nayrakatapanjj lurapjjam.
Cawquicamatejj jumanacan ch'amanacamajj utjqui, ucacamajj takenimpis sumancapjjam.
Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.”
Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.
Qhititejj chekachatäñaru munqui ucajja, yatiñ cancañaruwa muni; chekachatäñaru uñisqui ucajja, jan amuyt'aniwa.
Dios Tata, nayajj pä luräwinacaqui maysma; ucanacsti janïra naya jiwquipanaya churita.
Nayatjja jithektayita ch'ojjña lurañampita, c'arisiñampita, janiraqui uywistati kamirsa, jan cunansa, jan ucasti cunatejj jacañajjataqui mank'añajj waquisqui ucac churita.
Nayajj kamirëjjerista ucajja inas jumatjja armasjjerista: “¿Qhitirac Diosasti?” sasa; pobrërista ucasti inas lunthatasjjerista, uqhamat kollan sutimwa nayajj p'enkachayirista.
Cunapachatï cun lurañataquis Diosar arsüta ucajja, janc'aquiw phokhäta, jupataquejj janiw chuymar purt'cayäquiti pisi amuyt'aninacajja. Phokham cuntï lurañatac arscta ucjja,
Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.
Mä pobre jaker mayt'irejj Tatituruw mayt'asqui, ucatsti Tatit pachpawa uca manjja phokjjani.
Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta.
Tatitur ajjsarañajj yatiñ cancañwa utjayi; llamp'u chuyman tucuristi jach'ar aptatawa.
Ucampis jilatanaca, jan alajjpach laycusa ni acapach laycusa juramentjja lurapjjamti, ni cuna casta juramentsa lurapjjamti. Cunapachatejj: “Jïsa” sapjjätajja uqhamapunïpan; cunapachatejj: “Janiw” sapjjaraquïtajja uqhamaraquïpan. Diosasti ucqhajj janiw juchañchapcätamti.
Pobreru yanapt'irinsti, janiw cunapas pist'caniti, ucampis qhititejj pobreru jan yanapt'añ muncani ucajja, wali maldecitäniwa.
Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.
“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj jisc'a achunacatwa diezmo churapjjtajja, menta, anís, comino ucanacata, ucampis janiw jaysapctati cunatejj leyinjja wali asquïqui ucjja. Cawquïritejj chekäqui, qhuyapayasiñäqui, iyawsañäcaraqui ucjja apanucupjjtawa. Acanacawa lurapjjañamänjja, maya lurañanacjja jan jaytanucusa.
Janiw walïquiti mä yatiñan jakena jan amuyt'an jakempi ch'ajjwañapajja; jan amuyt'ani jakejj colerasiwa, sawcasiraquiwa, ucatsti janiw cuna ascsa jupampejj apscaniti.
Ucatsti jist'arätamwa uca imantat alajjpachapa, orakemar jallu munqui uc churaniñataqui, uqhamaraquiw bendicïtam take irnakañamarusa. Ucsti take marcanacaruw mayt'araquïta, ucampis jumajj janiw cunsa mayt'ascätati.
Arsutam phokherïtamat marcam taypin jach'añchäma, arsutanacajjsti iyawsirinacam nayrakatan phokharaquï.
Aca orakenjja pusi jisc'a animalanacaw utji, ucanacasti yatiñan jakenacat sipansa juc'amp yatiñanïpjjewa:
q'isirmitanaca, ucanacasti jan ch'amani waljäpjjewa, jupanacasti yapu apthapi horasawa mank'añjja apcatasipjje;
Thakañasaw maynit maynicama cunjäman yanapt'asiñasataqui munasiñanïñasataqui, uqhamarac suma luräwinac uñacht'ayasa.
Janiraquiw tantachasïwinacasar janejj sarañasäquiti cunjämtejj yakhepanacajj jan sarapquiti uqhama, jan ucasti maynit mayniruw waytt'asiñasa, Tatitun jutäwipa jac'ancjjatapa yatisinsti juc'ampïñapawa.
Qhitinacatejj ñankha luraña thakasipqui ucanacajja, thaquitjja maysaruwa saranucupjje; asqui luraña thakapqui ucanacasti qhuyapayasirïpjjewa, suma phokherïpjjaraquiwa.
Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.
“Jayra jake, q'isimiranacar uñjam; cuntï lurapqui ucanaca uñjam, yatikasiraquim.
Jupanacajj janis jilïrinïpcchi ucasa,
ucampis jupanacajj mank'añjja imcatasipjjewa, yapu apthapi pachana.
Jayra jaken yapu jac'apwa pasawayta, pisi amuyt'an jaken uva yapup jac'a.
Ucatsti yapupwa uñjta ch'aphinacampi chhaktayata, kala uyupasa liju tucjataraqui.
Uqham uñjasinsti chuymajjanjja amthapistwa; uc uñjasinsti aca yatichäwi yatekta:
jumajj juc'ampis ict'ascactawa, amparanacamsa khomjjarusiscactawa sum iquiñataqui,
uccañcamasti pobrernucstañawa acatjamata catuntätam, mä muyuycu jakjama wali ch'amampi.
“Acapachanjja jan imapjjamti walja yänacjja, aca orakenjja thuthaw thuthantasqui, ucatsti inamaya imataquiwa. Uqhamaraquiw acapachan imat yänacjjarojj lunthatanacajj mantasin lunthatsupjjaraqui.
“Cunapachatejj pist'ayasitanacaru yanapt'cäta ucqhajja, jan jakenacarojj yatiyamti, cunjämtejj c'ari parlirinacajj sinagoganacana, callenacana lurapqui uqhamjja. Jupanacasti jakenac nayrakatanjja wali sumat uñt'atäñwa munapjje. Nayasti khanacwa sapjjsma, uca luräwipatjja catokjjapjjewa.
Jan ucasti jumanacajj alajjpacharu suma yänaca imasipjjam, ucansti janiw qharus thuthantquiti ni ina ch'usarus tucuscaraquiti, janiraquiw lunthatanacas lunthatcaraquispati.
Uqhamaraquiw säna: —Amuyasipjjam jumanacataquic take cuns munañjjata; jaken jacañapasti janiw cunatejj utjarapqui uca walja yänacapancquiti —sasa.
Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.
Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.
Awquita taycatjja uta kamir cancaña catokañawa utji, ucampis ch'iqhi warmjja Tatituquiw churi.
Tatitun ovejanacapsti sum awatipjjam, ucanacasti jumanacar catuyatawa. Take munasiñampi ucjja lurapjjam, cunjämtejj Diosajj munqui uqhamarjama, janiw phokhayam sat laycuquiti, ni kollke munañ laycuquisa, jan ucasti take chuyma ucjja lurapjjam,
Uca jakenacajja jumanacat wali amtapjjejja, ucampis jan wali amtäwinïpjjewa. Jupanacajj nanacat t'akactañanacamwa munapjje, uqhamat jupanacar arcapjjañamataqui.
Janiraquiw ucaquïquiti, jan ucasti t'akhesiñansa cusisiractanwa, uqhamatwa yatiractanjja t'akhesiñajj llamp'u chuymanïña yatichatapa.
Uqham llamp'u chuymanïñasti mä sumaruw jiwasarojj mistuyistu, uqham sumar mistuyatäsinsti suyt'añaw utjistu.
Reyejja jaya maranacawa reyi konuñapanqui, cunapachatï munasiñampi, cheka cancañampi apnakqui ucqhajja.
Cunjämatejj yapu apthapi horasan qhunusa, jallusa jan munascjjetejja, uqhamaw jan amuyt'an jaken jach'ar aptatäñapajj jan waquisquiti.
Cunjämatï flecht'iri jakejj flechanacapampi flecht'asa take saririnacaru usuchjejja, ucar uñtataraquiw jan amuyt'an jakeru irnakañ churañajja.
Cunjämatï mä anojj wak'aksutaparu cuttasejja, uqhamawa jan amuyt'an jakejj jan wali luräwinacaparu cuttasiraqui.
Yakhep jakejj wali yatiñanïcaspasa uqhamaw tucu, ucampis jan amuyt'an jakewa jupat sipana chekachasispa.
Jayra jakejj jan irnakañ munasinjja, cunaymanampiw tuwakasi, aqham sasa: “Callenjja mä leonaw utji, nayarojj mank'antitaspawa” sasa.
Cunjämatï mä puncojj bisagrapana ucsar acsar onjjtasquejja, uqhamawa jayra jakejj iquiñapana maysar maysar korumquiptasqui.
Jayra jakejj amparapamp plator lokantcasinsa, jayrasiwa lacapar mank'a apcatasiñjja.
Pakallk jakenacajj suma aruscataña yatipqui ucanacat sipansa, jayra jakejj wali yatiñanïcaspasa uqhamawa amuyasi.
Qhititejj mayninacan ch'ajjwañanacapar mantasin ch'ajjwasqui ucajja, mä anurusa jinchunacapata catthapcaspa uqhamawa.
Cunjämatï mä lokhe jakejj ninani flechanaca flecht'asquejja,
uqhamawa amigopar sallkjir jakejja, ucatsti saraquiwa: “Alekaw sawct'asiscsma” sasa.
Cunjämatejj chhakat jamach'isa, jan ucajj golondrina sat jamach'isa laka tokena maysar maysar jan tapani jalnakasquejja, uqhamawa maldicionajj ina ch'usatjja janiw wact'caraquispati.