1 Timoteo 6:10 - Qullan Arunaca

¹⁰ Kollkeru munañajja take jan wali luräwinacan saphipawa; ucatwa mayninacajj juc'ampi munapjjatap laycu iyawsañatjja maysaru saranucupjje, pachpa jacäwinacaparuw t'akhesiñampi yapjjatasipjje.

Aymar Bibliia 1986

¹⁰ Kollkeru munañajja take jan wali luräwinacan saphipawa; ucatwa mayninacajj juc'ampi munapjjatap laycu iyawsañatjja maysaru saranucupjje, pachpa jacäwinacaparuw t'akhesiñampi yapjjatasipjje.

Qullan Arunaka DC

¹⁰ Qullqir munañax taqi jan wali luräwinakan saphipawa; ukat mayninakax juk'amp munapxatap laykux iyawsäwit maysar saranukupxi, ukatsti jach'a t'aqhisiñanakaruw puripxi.

1 Timoteo 6:10 Jak'a apnaqawi uñst'ayäwi

Génesis 29:14

Labanasti saraquïnwa: “Chekpachapuniw jumajj nayan familiajjätajja” sasa. Jacobosti Labanan utapanjja mä phajjsiw kheparäna.

Génesis 29:26

Labanasti saraquïnwa: —Acanjja janiw costumbrëquiti sullca phuchan nayra casarasiñapajja, jilïrit sipanjja.

Génesis 34:27

Jacobon maynïri yokanacapasti khepatjja jutapjjaraquitaynawa, ucatsti jiwatanac patjja pasasajja marcjja k'alwa saquiyjawayapjjaraquïna, uqhamat Dinar deshonratapa phoksusisa.

Génesis 38:16

Thaquit maysaru saraktasinsti uca warmiruw jicjjati, janiraquiw yojjch'apätapjja yatcänti, ucatsti sänwa: —Nayajj jumampiw iquintañ munta —sasa. —¿Nayampi iquintasasti cunsa churitäta? —sasaw warmejj saraquïna.

1 Reyes 2:40

jupajj sartasisinjja asnopa caront'asisin Gat chekaruw sarawayäna, cawqhanccäntejj Aquis chachajj ucqharu, esclavonacapa thakeri. Simei chachajj Gat chekata pani esclavonacapampi cutt'ancäna ucqhajja,

2 Reyes 5:27

Ucampis Naamanan lepra usupaw jumaru maqhatätam, uqhamarac juman wawanacamarusa wiñayataqui. Ucatjja cunapachatï Giezi uywatajj Eliseota sarakawayjjäna ucqhajja, wali lepra usunëjjänwa, qhunur uñtata jank'oquiraquiwa uñtasïna.

Salmos 32:10

Ñankha lurir jakenacajj llaquinacampiw t'akhesipjjani; Tatitur iyawsir jakenacarusti qhuyapayasiñapaw muyunti.

Salmos 62:10

Ch'ajjwañanacarojj jan wayusipjjamti; janirac lunthatasiñar chuym catuyasipjjamti; kamiris tucusipcätajja, kollker jan alcatapjjamti.

Proverbios 1:19

Uqhamawa lunthatanacan tucuyäwipajja: jan wali luririnacarojja, pachpa jan wali luratapawa jupar jiwayani.

Proverbios 1:31

¡Ucatsti jumanacajj jan wali sarnakapjjatanacamatjja t'akhesiñwa catokapjjäta! Ñankha amtatanacamampisti amjayasipjjätamwa.

Proverbios 15:27

Walja yänacaru munapayirejj pachpa utapwa tucji, ucampis qhititejj jan kollke chilltayasqui ucaw jacani.

Eclesiastés 2:19

Ucatsti, ¿qhitirac yatispa nayjjaru jutcani ucajj ch'iqhïchini, jan ucajj pisi amuyt'anïchini ucjja? Ucampis catuntasispawa take cunanactejj wali ch'amampi, yatiñampi aca orakena lurcta ucanacjja, ¡ucasti inamayaraquiquiwa!

Isaías 1:23

Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.

Isaías 56:11

mank'at jiwat anunacäpjjewa, janiraquiw sisthapipquisa, jan cun amuyiri awatirinacäpjjaraquiwa; sapa maynis thaquipanac sarasipqui, cunatejj jupanacataquejj asquïqui ucacwa thakhasipqui.

Ezequiel 13:19

Jumanacajj marcajj nayrakatanwa nayarojj jisc'achapjjesta, mä jach'ta cebada laycu, uqhamaraqui mä jisc'a t'ant'a laycuraqui; jumanacajj jan juchani jakenacaruw jiwarayapjjtajja, qhitinacatejj jiwapjjañapäcän ucanacarusti janiw jiwayapcaractati. Uqhamwa jumanacajj nayan marcajjarojj sallkjapjjtajja, jumanacan c'ari arunacamar jaysapjjatap laycu.

Ezequiel 16:33

Take k'añu lurañan sarnakeri warminacarojj kollke churatawa, ucampisa jumajj janiw kollkjja maycaractati, jan ucasti jumaw take waynanacamarojj wajjt'asiñanac churaractajja uqhamat take toket jumampi juch luriri jutapjjañanacapataqui.

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Malaquías 1:10

Take ch'amani Diosasti siwa: “Walïspawa cawquïrisa jumanacata templojjan puncupa jist'antaspa, uqhamata jan inamayataqui altarajjan ninapa aktayir sarañanacamataqui. Janiw jumanacataqui chuymajjajj utjquituti, janiraquiw ofrendanacamsa catokcaraquïti.

Mateo 13:22

Ch'aphi taypinacar jalantat jatha misturisti acamp sasiwa: Suma arunac ist'casinsa, sintwa llaquisipjje acapach yänacatsa, kollketsa. Take ucanacasti juparojj atipjiwa, suma arunacasti janiraquiw jupan chuymapanjja jiltcaspati.

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Mateo 6:19

“Acapachanjja jan imapjjamti walja yänacjja, aca orakenjja thuthaw thuthantasqui, ucatsti inamaya imataquiwa. Uqhamaraquiw acapachan imat yänacjjarojj lunthatanacajj mantasin lunthatsupjjaraqui.

Marcos 4:19

jupanacajj acapach yänacaruw sinti munapjje. Kamiriptañ munañaw mayjt'ayi, ucatsti cunayman munañaruw puripjje. Take ucanacaw chuymanacapar mantasinjja, Diosan arunacapjja chhaktayi aca jakenacan jan achuñapataqui.

Deuteronomio 16:19

Cheka cancañsti jan jumanacajj maysaru uñtayapjjamti, janiraqui jumanacajj maynit arjjatasisa, maynirusti uñisisaraqui jakenacarojj uñjapjjamti ni kollksa chilltayasipjjamti, kollke chilltayasiñajj jach'a amuyt'an jakenacarojj juyqhu tucuyi, ucatsti cheka cancañampi parlir jakenacan arunacapsa maysaruw uñtayi.

Deuteronomio 23:18

Janiraqui jumanacajj catokapjjamti Tatitu Diosaman templopanjja uca k'añu sarnakañan jicjjatat kollkenacjja, take uqhama lurañanacajj Diosaru ajjtasiyatap laycu.

Colosenses 3:5

Aca oraken jucha lurañanacajj jumanacan utjqui ucanacasti jan utjcjjpanti: jan qhitis yakhampi wachoka juchan sarnakpati, janirac k'añu luräwinacsa lurpati, janirac jañchipan munañanacapsa, ni jan wali amtatanacapsa lurpati, janirac mich'äpasa (ucasti c'ari diosanacarus yupaychcsna uqhamaraquiquiwa).

1 Timoteo 3:3

Janiraquiw machirïñapäquisa, qhitimpis ch'ajjwirïñapäquiti, janiraquiw lunthatatampi jicjjatat kollks munañapäquiti. Antisas qhuyapayasirïñapawa, takenimpis suman jacañapa, janiraquiw kollke chuymäñapäquiti.

1 Timoteo 6:21

Mayninacatejj aca casta yatichäwinacaru arcapjjchi ucajja, iyawsäwitjja saranucutäpjjewa. Tatitojj jumanacarojj qhuyapayasiñapampi bendispan.

1 Timoteo 6:9

Qhitinacatejj kamir cancaña thakapjje ucanacajja, janiw yant'anacarojj atipjapquiti, ucatsti take casta lokhe amtäwinacan sipitaparuw jalantapjje, ucatsti jan waliruw puripjje, jakenacarusti jiwañaru t'unjañaruw puriyaraqui.

2 Timoteo 3:2

Jakenacajj mich'aw tucupjjani, kollke chuymaraqui, jach'a jach'aw tucupjjani, jilamp parlirinacaraqui. Diosat jan wali parlapjjani, awquinacaparus janiw ist'cjjapjjaniti, jan yäkasirïnacäpjjaniwa, Diosar arcañarus janiraquiw jayscjjapjjaniti.

2 Timoteo 4:10

Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

Tito 1:11

Ucanacarojj amuct'ayañaw waquisi. Familiapachanacwa mayjt'ayapjje, cunatejj jan walïqui ucanac yatichasina, jan wali chuymampi kollke jicjjatasiñ laycuqui.

Santiago 5:19

Jilatanaca, maynitejj jumanacat chica thaquit sarakawaychejja ucat maynejj cuttayaniracchejja,

Josué 7:21

Jericó marcar mantasinjja, nayajj Babiloniat apanit mä suma manto aptasta, ucatsti mä kilo kollkempi, uqhamarac mä kori barrampi cawquïritï chica kilonïna uca. Ucanacsti sintpunwa munayäta ucat ucanac aptasinta. Jichhasti ucanacjja orakeruw carpajj mankhan allintta, kollkjja mankharu —sasa.

Judas 1:11

¡Ay cunancapcaquini! Cainan thaquip arquirinacajja Kollke jicjjatañ laycuw maysar saranucupjje, Balaamjama. Coré chachjamaw amuyasipjje, qhititejj juchapat jiwayatäcäna uqhama.

Apocalipsis 18:13

Apanipjjaraquïnwa canela, suma k'apquiri kollanaca, incienso, mirra, perfumenaca, vino, aceite, suma jac'u, trigo, uqhamarac qhumt'ir uywanaca, ovejanaca, caballonaca, caballomp katatiñ carronaca, apanipjjaraquïnwa esclavonacsa.