Proverbios 4:23 - Qullan Arunaca

²³ Take cuna imatäqui ucat sipansa chuymam imam, jacañamasti uca chuymamatwa juti.

Aymar Bibliia 1986

²³ Take cuna imatäqui ucat sipansa chuymam imam, jacañamasti uca chuymamatwa juti.

Qullan Arunaka DC

²³ Taqi kunanakat sipansa chuymam imam, jakañaman uka chuymat jutatap layku.

Proverbios 4:23 Jak'a apnaqawi uñst'ayäwi

2 Reyes 10:31

Uqham yatcasinsa, Jehú reyejj janiw llaquiscänti Israelan Tatit Diosan leyinacapa suma phokhañataqui, jupasti janiw sarakcänti Jeroboam chachan jucha luräwinacapampi israelitanacaru juch luraycäna ucatjja.

Proverbios 11:16

Suma uñnakani warmejj jach'aru aptatäñwa catokani, jan ajjsariri jakesti kamir cancañanacwa jicjjataraqui.

Proverbios 13:3

Qhititejj amuyt'ampi juc'a aruqui parlqui ucajja, jupa pachpawa imasiscani, ucampis qhititï jan amuyt'asa sinti parlqui ucajja, jupa pachparaquiwa jan walt'añaru puri.

Proverbios 16:17

Asqui jakenacan sarnakäwipasti jan walinacata jithektañawa; asqui thaquin sarnaker jakesti, jupa pachpawa jacañapa imasisqui.

Proverbios 22:5

Ñankha lurir jaken sarnakäwipajj sipitanacampi phokt'atawa, ucampis suman sarnakañ muniristi uca jan walt'añanacatjja saraktiwa.

Proverbios 23:19

Wawajjay, sum ist'am, ucatsti yatekaraquim; suma thaquïqui ucpuni sarañ munam.

Proverbios 28:26

Jan amuyt'an jakewa, jupa pachpan amuyt'aparu alcatasqui ucajja, ucampis qhititejj yatiñ cancañampi cunsa lurqui ucawa khespiyatäni.

Proverbios 3:21

“Munat wawajjay, ch'iqhi cancañampipuni sarnakam, ewjja arunacarjama sarnakaraquim,

Proverbios 4:7

Take cunat sipansa nayrakatajj, yatiñ cancaña, suma sarnakaña jicjjatam.

Eclesiastés 5:13

Aca orakenjja chekpachansa uñjtwa wali llaquiscaya, kamirejj yänacapjja jupan jan walt'añapataquiquiw imasi;

Jeremías 17:9

“Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Mateo 15:18

Ucampis lacat mistqui ucajja chuyma mankhatwa juti, take acanacaraquiw jakenacarojj k'añuchi.

Mateo 15:19

Chuyma mankhatwa jan wali amtañanacajj juti, jake jiwayañanaca, wachoka juch lurañanacasa, lunthatasiñanaca, c'arisiñanaca, uqhamaraqui jakjjata jan wali parlañanacasa.

Marcos 14:38

Jan iquipjjamti; Diosat mayisipjjam, jan yant'ar mantañataqui. Chekpachansa ajayojj lurañataquejj janc'aquiwa, ucampis janchejj t'uqhawa.

Lucas 6:45

Suma jakejj sumanacwa arsu suma chuymanïtap laycu, khoru jakesti jan walinacaracwa arsuraqui jan wali chuymanïtap laycu. Uqhamasti cunatejj chuymapan phokt'atäqui ucatwa parli.

Deuteronomio 4:9

Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.