1 Corintios 16:2 - Qullan Arunaca

² Sapa semana kallta urunwa jumanacajj apakjjapjjañama sapa maynisa cunjämtï ganasqui uqhamarjama, ucatsti imapjjam, cunapachatï purincä ucqhajja jan apthapipjjañamataqui.

Aymar Bibliia 1986

² Sapa semana kallta urunwa jumanacajj apakjjapjjañama sapa maynisa cunjämtï ganasqui uqhamarjama, ucatsti imapjjam, cunapachatï purincä ucqhajja jan apthapipjjañamataqui.

Qullan Arunaka DC

² Sapa domingo urusti, jumanakat sapa mayniw irnaqatapat qawqhtix katuqki ukhamarjam iraqapxañama, uksti imapxañamawa, ukhamat kunapachatix nayax purinkä ukkhax jan irthapisipkañamataki.

1 Corintios 16:2 Jak'a apnaqawi uñst'ayäwi

Génesis 26:12

Uca marasti Isaacajj uca chekaruw yapuchasïna, ucatsti mä suma cosecha apthapiraquïna, Tatitojj jupar bendicitap laycu.

Génesis 30:27

Ucampis Labanajj saraquïnwa: —Kheparaquimaya, janiquiy saramti. Nayajj amuyastwa Tatitojj juma toke nayar bendicitapa.

Génesis 30:30

Janïr nayajj purincäyät ucqhajj uywanacamajj juc'aquïnwa, jichhasti waljäjjewa, purincta ucat acsarusti Tatitojj bendistamwa, ucampisa, ¿cunapacharac nayasti pachpa familiajjataqui irnakasjjaraquïsti? —sasa.

Génesis 32:10

Janiw cuna asquïctsa juman nayar qhuyapayasiñamampi, uqhamarac cheka cancañamampi uñjatäñataquejja. Nayajj aca Jordán jawira pasayäta, thujru ayt'ata mayaqui, jichhasti pä tama yänacaniw jicjjatasta.

Génesis 33:11

Achict'assmawa, cuna wajjt'äwtejj jumataqui apancta uca catokañamataqui, Diosaw nayarojj kamiri tucuyaraquitu, janiw cunas pist'caraquituti —sasa. Jacobojj sintipuniw achict'äna, ucatsti Esaú jilapajj uca wajjt'äwjja catokänwa,

2 Crónicas 31:10

Ucatjja Sadoc familiata Azarías sumo sacerdotesti, juparojj sänwa: “Cunapachattï churañanacapa Tatitun temploparu apaniña kalltapjjäna ucqhatjja, waljawa nanacataqui mank'añajj utjawayi, uqhamarusa waljawa jilt'asqui; take acanacawa jilt'asqui, Tatitojj marcaparu bendicitap laycu” sasa.

Marcos 14:8

Aca warmejj kawkhtejj lurirjamäqui ucwa luri, janchejjajj imascani ucürutaquiw aceitemp warjjatasajj nayrt'asqui.

Lucas 16:10

“Qhititejj juc'a apnakañanacan chekapäqui ucajj, walja apnakañanjja chekaparaquïniwa; juc'ana jan chekapäcchi ucajja waljanjja janiraquiw chekapäcaspati.

Lucas 24:1

Semana kallta urunsti, warminacajj wali albawa sepulturar sarapjjäna suma k'apquir kollanacas apt'ata, uqhamaraquiw mayni warminacajj jupanacamp chica sarapjjaraquïna.

Juan 20:19

Ucürojj semana kallta urünwa. Uca jayp'pachawa discipulonacajj tantacht'atäpjjäna, puncunacasti wali jist'antata judionacaru ajjsaratanacap laycu. Jesusasti mantasinwa jupanac taypiru sayt'asi, aruntaraquiwa: —Sumancañajj jumanacampïpan —sasa.

Juan 20:26

Quimsakallko uru pasatatsti, discipulonacapasti wasitampiw mä utana tantachatäsipcäna, ucapachajj Tomasejj jupanacampïscänwa. Ucatsti puncunacajj jist'antatäsquïpansa, Jesusajj mantasinjja jupanac taypiruw sayt'asiraquïna, ucatsti aruntaraquïnwa: —Sumancañajj jumanacampïpan —sasa.

Hechos 20:7

Semana kallta urusti iyawsirinacajj t'ant'a pachjañataquiw tantachasipjjta. Pablosti jupanacarojj yaticharaquïnwa. Khepärmanthi sarjjañampejja, chica arumcamaw yatichäna.

2 Corintios 8:10

Jumanacan asquimataquiraquiw nayajj aca ewjja churañ munapjjsma. Jumanacajj maymäratpach aca luräwjja sum kalltapjjäyätajja, janiw alek apthapisaquiti jan ucasti cusisiñampiraquiw apthapipjjäyätajja.

Deuteronomio 8:18

Jan ucasti Tatitu Diosamat amtasipjjam, juparaquiw uca yänac jicjjatañataquejj ch'am churapjjtam, uqhamatwa jumanacampi phokhasi cawquïri arust'äwirutï awquinacamampi mantawaycäna ucanacajja.

Apocalipsis 1:10

Cunürutejj Tatitun urupäcäna uca urunwa nayajj Kollan Ajayun apnakata uñjasta, ucatsti mä jach'a aru ist'ta khepäjjajjat art'asiniri. Uca arusti mä trompetas phust'ascaspa uqhamänwa, ucatsti saraquituwa: