1 Corintios 16:2 - Qullan Arunaka DC

² Sapa domingo urusti, jumanakat sapa mayniw irnaqatapat qawqhtix katuqki ukhamarjam iraqapxañama, uksti imapxañamawa, ukhamat kunapachatix nayax purinkä ukkhax jan irthapisipkañamataki.

Aymar Bibliia 1986

² Sapa semana kallta urunwa jumanacajj apakjjapjjañama sapa maynisa cunjämtï ganasqui uqhamarjama, ucatsti imapjjam, cunapachatï purincä ucqhajja jan apthapipjjañamataqui.

Qullan Arunaca

² Sapa semana kallta urunwa jumanacajj apakjjapjjañama sapa maynisa cunjämtï ganasqui uqhamarjama, ucatsti imapjjam, cunapachatï purincä ucqhajja jan apthapipjjañamataqui.

1 Corintios 16:2 Jak'a apnaqawi uñst'ayäwi

Génesis 26:12

Uka marasti Isaacax uka chiqan yapuchäna, ukatsti walpun yapunakat juyranak apthapïna, Tatituw juparux aski waxt'äwinak churäna.

Génesis 30:27

Ukampis Labanax ukxaruw säna: —Janikiy saramti, akankaskakiñäni. Tatituw uñjayitu juma tuqi aski waxt'äwinak nayar churatapa.

Génesis 30:30

Nayax janïr purinkäyät ukkhax uywanakamax juk'akïnwa, jichhasti waljäxiwa, nayax purinkta ukat aksarusti Tatitux aski waxt'äwipampiw phuqt'tam, ukampisa ¿kunapacharak nayasti utaxankirinakatak irnaqasxästi? —sasa.

Génesis 32:10

10 (11) Janiw kuna askïktsa juman nayar khuyapayasiñampi, chiqa kankañampi uñjañamatakixa. Nayax thujru maya ayt'atakiw aka Jordán jawir makhatäyäta, ukampis jichhax jaqinakaxasa, uywanakaxas pä tamawa.

Génesis 33:11

Jumataki apankta uka churäwi katuqt'akitaya, Diosaw nayarux qamir tukuyitu, janiw kunas pist'kituti —sasa. Jacobux sintpun achikt'äna, ukat Esaú jilapax iyawsas uka churäwinak katuqäna;

2 Crónicas 31:10

ukxarusti Sadoc chachan utapankir Azarías jilïri sacerdotew jupar säna: “Markax Tatitun utapar yanapanak apaniñ qalltki ukkhat jichhakamax, waljaw nanakatak manq'añax utji, ukhamarusa taqi akanakaw jilt'aski; Tatituw markapar aski waxt'äwipampi phuqt'i uka layku” sasa.

Marcos 14:8

Aka warmix qawqhtix lurirjamäki uk luraski, janchixax imaskani ukürutakiw qullamp warxatasax nayrt'aski.

Lucas 16:10

“Khititix juk'a apnaqañan chiqapäki ukax, walja apnaqañan chiqaparakiwa; juk'a apnaqañan jan chiqapäki ukasti, walja apnaqañan janirakiw chiqapäkiti.

Lucas 24:1

Domingo urusti, warminakax wali qhantatiw sepulturar sarapxäna suma q'apkir qullanakas apt'ata.

Juan 20:19

Uka domingo arumasti, Jesusan yatiqirinakapax judionakar axsaratap laykuw uta punkunak jist'antasisin tantachasipxäna. Jesusasti ukaruw mantäna, jupanak taypin sayt'asin aruntäna, akham sasa: —¡Sumankañax jumanakampïpan! —sasa.

Juan 20:26

Kimsaqallqu uru qhipatsti, yatiqirinakapax wasitampiw mä utan tantachasipxäna, Tomasisti ukapachax jupanak taypinkänwa. Punkunakax suma jist'antatänwa, Jesusasti ukaruw mantäna, jupanak taypiruw sayt'asïna, ukatsti aruntarakïnwa: —¡Sumankañax jumanakampïpan! —sasa.

Hechos 20:7

Domingo urusti iyawsirinakax t'ant'a pachjañatakiw tantachasipxta. Pablosti iyawsirinakaruw yatichaskäna. Qhipärmanthisti jupax sarañapänwa, ukat chika arumkam yatichäna.

2 Corintios 8:10

Jumanakan askimatakiw ukxat sañ munapxsma. Jumanakax maymäratpachaw aka luräwxa sum qalltapxtaxa, janiw aliq apthapisakiti jan ukasti kusisiñampirakiw apthapipxtaxa.

Deuteronomio 8:18

Tatit Diosamat amtasipxam, jupaw uka yänak jikxatañatakix ch'am churapxtam, ukhamat jumanakampi phuqhasi kawkïr arust'äwtix nayra awkinakamamp lurkatayna ukaxa.

Apocalipsis 1:10

Kunürutix Tatitun urupäkän uka urun nayax Qullan Ajayun apnaqat uñjasta, ukatsti mä jach'a aru ist'ta qhipäxaxat art'asiniri, uka arusti mä trompetas phust'askaspa ukhamänwa,