1 Corintios 16:1 - Qullan Arunaka DC

¹ Diosan markapankirinakatak qullqi apthapt'añ tuqitxa, kunjämtix Galacia suyunkir iglesianakar yatichankta ukarjam lurapxam.

Aymar Bibliia 1986

¹ Jilatanacataqui ofrenda apthapt'añ toketjja, cunjämtï Galacia provincianquir iglesianacaru yatichanctjja uqhamaraqui jumanacajj lurapjjam.

Qullan Arunaca

¹ Jilatanacataqui ofrenda apthapt'añ toketjja, cunjämtï Galacia provincianquir iglesianacaru yatichanctjja uqhamaraqui jumanacajj lurapjjam.

1 Corintios 16:1 Jak'a apnaqawi uñst'ayäwi

Hechos 11:28

Uka profetanakat maynïriw utjäna Agabo sutini. Jupasti jilatanak taypin sayt'asisin Qullan Ajayu tuqi jupanakar yatiyäna: “Mä jach'a mach'aw taqpach uraqin utjani” sasa. Ukasti Claudio sat jach'a jilïrix marka apnaqkän ukapachaw phuqhasïna.

Hechos 11:30

Apthapisinsti, Bernabeampi, Saulompiw uka yanapanak Jerusalenar apapxäna, ukatsti iglesiankir jilïrinakaruw churapxäna.

Hechos 16:6

Pablompi, jupamp chik saririnakampisti Tatitun arunakap Asia suyun parlañ yant'apxäna, ukampis Qullan Ajayuw jupanakar jark'äna. Ukat jupanakax Frigia, Galacia chiqanakar sarxapxäna.

Hechos 18:23

Pablox Antioquía markan mä qawqha urunakakiw qamarawayi, ukatsti Galacia, Frigia chiqanakan utjir iglesianak mayat mayat tumpawayi, iyawsirinakar ch'amañcht'asa.

Hechos 24:17

“Mä qawqha maranak yaqha markanakan sarnaqasinsti, markaxaruw kutt'xta, jan kunaninakar qullqi churiri, Tatitur waxt'äwinak luqtiri.

Hechos 9:13

Ukham ist'asinsti, Ananiasax sänwa: “Tatay, waljaniruw nayax uka jaqit parlir ist'ta, qawqha jan walinaktix juman arkirinakamarux Jerusalenan lurki ukanakata.

Hechos 9:41

Pedrosti amparat waytasin sayt'ayäna; ukatsti iyawsirinakampir ijma warminakampir jawsasinxa, Tabitá warmir jakaskir katuyxäna.

Romanos 12:13

Diosan markap taypin pist'ayasirinakar yanapt'apxam. Qurpachasiñ thaqhirinakar sum katuqapxam.

1 Corintios 11:34

Maynitix manq'at awtjatächixa, utapan manq'anpan, ukhamat Diosax ukham tantachasitanakamat jan mutuyapkätamti. Yaqha jiskt'anakamarusti, jumanakan ukar purinkä ukkhaw qhanañchapxäma.

1 Corintios 16:15

Jilatanaka, jumanakax yatipxtawa, Estéfanas jilatan utapankirinakaw nayraqat Acaya chiqan Diosan suma yatiyäwiparux iyawsi, jupanakasti Cristor iyawsiri jilatanakaruw yanapapxi.

1 Corintios 4:17

Ukat Timoteorux khithanipxsma. Jupax Tatitunkir munat aski wawaxawa. Jupaw Cristo Jesusampi sarnaqäwixat amtayapxätam, kunjämtix taqi chiqansa iglesianakan yatichkta ukarjama.

Gálatas 2:10

Jupanakasti jan kunaninakar tumpañ jan armasiñaxatakiw nanakar iwxt'apxitu, uksti nayax taqi chuymaw phuqta.

Filemón 1:5

Nayax yattwa jumax Tatit Cristor munatama, iyawsatamsa, ukhamarak taqi khitinakatix Diosankapki ukanakar munatamsa.

Filemón 1:7

Filemón jilata, wali kusisitätwa, ch'amañcht'atarakïtwa, juman yaqhanakar munasitam yatisina, jumaw Tatitun taqi markapankirinakarux chuymachtaxa, ch'amañcharaktaxa.

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.

1 Juan 3:17

Ukampis mayni qamiritix jilapan pist'ayasitap yatkasin jan khuyapt'ayaskchi ukaxa, ¿kunjämarak Diosan munasiñapasti chuymapan utjaspasti?