Eclesiastés 10:19 - Qullan Arunaca

¹⁹ T'ant'asti mank'añataquiwa, vinosti jaken jacañapjja cusisiyaraquiwa, ucampis take ucanacataquejj kollkew utjañapa.

Aymar Bibliia 1986

¹⁹ T'ant'asti mank'añataquiwa, vinosti jaken jacañapjja cusisiyaraquiwa, ucampis take ucanacataquejj kollkew utjañapa.

Qullan Arunaka DC

¹⁹ Kusisit jakañatakisti, t'ant'aw munasi, k'uchikïñatakisti, vinow munasi, taqi ukanakamp kusisiñatakisti, qullqiw munasi.

Eclesiastés 10:19 Jak'a apnaqawi uñst'ayäwi

Génesis 43:34

Joseasti pachpa mesapatwa mank'ayäna, Benjaminarusti mayninacat sipansa juc'ampi jilwa churäna. Joseampi, jilanacapampisti juntow umapjjäna, wali cusisipjjaraquïna.

2 Samuel 13:28

uywatanacaparusti saraquitaynawa: “Walpun amuyapjjäta, cunapachatejj Amnonajj vinompi niya machantasjjani, ucapachasti nayaw sapjjäma: ‘Jiwayapjjam’ sasa, ucatsti jumanacajj jiwayapjjätawa. Jan jupar jiwayañjja ajjsarapjjamti, nayan arunacajjawa. Uqhamasti ch'amañcht'asipjjam, jan ajjsarapjjamti” sasaw Absalonajj säna.

1 Crónicas 21:24

Ucampis David reyejj sänwa: —Janipuniw uqhamäcaspati. Jan ucasti nayajj cunatejj alapäqui ucampiw alañajjajja, nayasti janiw jumat aparcämati cunatejj jumäncqui uc Tatitur churañataquejja, nact'ayat ofrendanaca loktasina cunatejj jan nayancqui ucjja —sasa.

Esdras 1:6

Ucatjja take uta jac'anquirinacapawa yanapt'apjjäna kollkempi, korimpi, yänacampi, uywanacampi, wali valoran yänacampisa, ucjjarusti take casta ofrendanacampisa.

Nehemías 5:8

Ucatsti jupanacarojj sistwa: —Nanacajj cawqhacamatejj ch'amanacajjajj utjqui ucqhacamaw jiwasa marca masi judío jakenacar cutsuyanipjjta, qhitinacatejj jucharar marcanacar aljatäpcäna ucanacaru; ucatsti jichhajj ¿wastatampiti jupanacar aljapjjta nanacan cutsuyaniñataqui? —sasa. Ucatsti jupanacajj amuquïpjjänwa, janiraquiw camscjjapjjänsa.

Ester (hebreo) 1:10

Pakallko uru mank'äwi lurasinsti, reyejj vino umasajja wali cusisitaw machascäna, ucatsti qhitänwa Mehumán, Bizta, Harbona, Bigta, Abagta, Zetar, Carcas uca pakallko suma phokher eunuco chachanacaru.

Salmos 104:15

ch'amanchir t'ant'a jicjjatañapataqui, chuymapar cusisiyir vino apsusiñapataqui, ajanupar lliphipiyir aceite jicjjatañapataqui.

Salmos 112:9

Jan cunan jakenacaruw churäwinac wajjt'i, jaker qhuyapt'ayañapajj jan tucusquiriwa, jan qhitin camscañaw p'ekep waytaraqui.

Eclesiastés 2:3

Yatiñampi apnakata amuyojjanjja, munäyätwa yant'aña vinompi cusisiña, ucatsti uca machañaru catuyasirista ucati jaketaquejj asquïspajja aca oraken jact'at urunacapana uc yatiñataqui.

Eclesiastés 9:7

Uqhamasti jichhajj cusisiñampi t'ant'am mank'asim, uqhamarac vinomsa umasim, juman luratanacamajj Diosataquejj asquïtap laycu.

Isaías 23:18

Ucampisa uca jicjjatatanacapasti Tatituru loktatäniwa, janiw imatäcaniti, janiraquiw imañ utanacarus uscutäcaniti, jan ucasti qhitinacatejj Tatitur yupaychapqui ucanacar churatäniwa walja mank'añanac alasipjjañapataqui, uqhamarac suma isinacsa.

Isaías 24:11

Jakenacasti callenacan jachapjjaraqui vinon pist'atapatjja; take cusisiñasti jiwt'awayjjaraquiwa, aca oraketsti apanucutäjjaraquiwa.

Mateo 17:27

Ucampis jan qhitirus mayjt'ayañataquejj kotar saram, ucat chawlla catuñ anzuelo umaru jakontam. Cawquïr chawlltejj catcäta ucan lacapanwa mä kollke jicjjatäta. Uca kollksti nayampita jumampita impuesto paganjjam —sasa.

Mateo 19:21

Jesusasti sänwa: —Jumatejj wali sumäñ munstajja, saram, ucatsti take cunatejj utjtam ucanac aljaranim, pobrenacar churaraquim, ucatwa alajjpach marcan wali suma yänacanïyäta, ucatsti nayar arquita —sasa.

Lucas 12:19

Ucatsti saraquïwa: Walja yänacaw jichhajj utjitu, walja maranacatac imata, ucatsti samarasï, mank'asï, umasï, cusisiraquï’ sasa.

Lucas 16:9

“Nayajj sapjjsmawa, aca jucharar oraken yänacapjj apnakapjjam amigonïñataqui, cunapachatï aca yänacajj tucusjjani ucqhajja wiñay jacañ utanacaru mayni jumanacar catokerejj utjañapataqui.

Lucas 8:3

Uqhamaraqui Cuzan warmip Juana, Cuzasti Herodesan mä apnakeripänwa; Susana, uqhamarac yakha warminacamp cuna, qhitinacatï yänacapampi sirvipcäna ucanaca.

Hechos 11:29

Ucatwa Tatitur arquiri Antioquianquir jakenacajj amtapjjäna mä yanap apayañatac Judeanquir jilatanacaru, cunjämatejj sapa mayni jupanacan utjcän uqhamarjama.

Hechos 2:45

Jupanacajj aljapjjänwa yänacapsa uqhamarac orakenacapsa. Ucanacsti takeniruw laquintapjjaraquïna sapa mayniru cunataquïy munapjjchi ucarjama.

1 Pedro 4:3

Jumanacajj waljwa luranjjapjjtajja cunatejj Diosar jan uñt'ir jakenacarojj cusisiyqui ucjja. Uca urunacanjja jumanacajj vicionacana, jan wali amtañanacana, machañanacana, wali mank'añanacana, jila umjasiñanacana, yakha diosanacar yupaychañanacanwa sarnakasipcäyätajja.

Jueces 14:10

Sansón chachan awquipasti tawakor uñjiriw saräna. Ucansti Sansón chachajj mä fiesta luräna, cunjämtejj waynanacajj lurapjjerïqui uqhama.

Jueces 9:13

Ucampis uva alejja saraquïnwa: ‘Nayajj janiw kokanacan reyipäquiristti, reyïñataquisti waquisispawa nayan vino churañajj jaytañajja, ucampiw jakenacasa, Diosasa cusisi’ sasa.

1 Samuel 25:36

Abigail warmisti utapar cuttanjjän ucqhajj Nabal chachaparojj mä jach'a mank'äwi lurasquiri jicjjatäna. Uca jach'a mank'äwisti mä reyitacjamänwa. Uqhamarus wali c'uchiquiraquïnwa, wali machantataraqui. Ucat jupajj janiw cuns siscaraquïnti khepärmanthi alwacamajja.