Éxodo 22:25 - Qullan Arunaca

²⁵ “Kollktejj mayt'äta marcajjanquir mä pobre jakejj jumampi jacqui ucaru, ucatsti janiw jumajj kollke mayt'irjama tucütati, ni interesanacsa mayiraquïtati.

Aymar Bibliia 1986

²⁵ “Kollktejj mayt'äta marcajjanquir mä pobre jakejj jumampi jacqui ucaru, ucatsti janiw jumajj kollke mayt'irjama tucütati, ni interesanacsa mayiraquïtati.

Qullan Arunaka DC

²⁵ 25 (24) “Jumatix markaxankiri, jumamp jakir jan kunan jaqir qullqi mayt'äta ukaxa, janiw jumax qullqi mayt'irjam tukütati, janirakiw qullqin jalaqtapsa mayïtati.

Éxodo 22:25 Jak'a apnaqawi uñst'ayäwi

2 Reyes 4:1

Mä warmiwa utjäna, profetanacat maynïri profetan warmipa, jupasti saränwa Eliseon ucaru aqham sasa: —Chachajjajj jiwjjewa, jumasti yattawa jupajj Tatituruwa jach'achäna. Jichhasti kollke mayt'apquitäna ucasti, jutasinjja pani wawajjaruwa esclavota apasjjañ muni —sasa.

2 Reyes 4:7

Ucjjarusti warmejj profetan ucar sarasinwa yatiyanïna, ucatsti profetajj juparojj sänwa: —Jichhasti saram uca aceite aljiri, ucatjja manuma phokjjam, ucat jilt'äqui ucampisti jumana, wawanacamana jacapjjañamataquïniwa —sasa.

Nehemías 5:7

Suma amuyt'asinsti nayajj jilïrinacaru, uqhamaraqui marca apnakerinacarusa juchañchtwa, uqham ch'ama lurañanaca marca masinacaparu uchapjjatap laycu. Ucatsti ucanaca uñjatäñapataquisti mä jach'a tantachasïwiruwa jakenacar jawsayta.

Salmos 15:5

qhititejj kollke mayt'asin jalaktap jan apsqui uca, jan juchanir aynacht'ayañatac kollk jan catokasqui uca. Qhititejj uqham lurasapun sarnakqui ucajja, janipuniw aynacht'caniti.

Proverbios 28:8

Qhititejj kamir cancañapa waljaptayqui jila interesanaca apsusa ucajja, qhititejj pobre jakenacata qhuyapayasqui, ucaw kamir cancañapjja waljaptayasi.

Jeremías 15:10

¡Ay cunaquïct nayajja, taycajja, jumaw wawachasista takenimpi waycasiñataqui, uqhamaraqui nuwasiñataquisa! Janiw qhitirus kollke mayt'cti, janiraquiw nayarus mayt'apquituti, ucampisa takeniw nayarojj maldecipjjaraquitu.

Ezequiel 18:13

Kollkepsa walja ganancianac jicjjatañataqui mayt'ani, uqhamaraqui walja interesanac mayiraquini; uca jakesti jiwaniwa, janiw jaccaniti. Take ucanaca, cuntejj nayajj ajjtascta ucanaca luratapatsti jiwaniwa, jiwatapatsti jupa pachparaquiw juchanïscani.

Ezequiel 18:17

janiraqui qhitirus cuna ñankhsa lurcaniti, kollkepsa walja ganancia uñjjatañ laycus mayt'caniti, janirac interesanacsa mayiscaraquiniti. Ucatsti leyinacajjarjamaraqui sarnakani, camachi arunacajjsa phokharaquini uca jakejj janiw awquipan juchap laycu jiwcaniti, jan ucasti jacaniwa.

Ezequiel 18:7

Janiw qhitirus t'akhesiyquiti, jan ucasti manuparusa cuntejj mayt'ascatayna ucatjja phokjjaraquiwa; janiw qhititsa lunthatcaraquiti, mank'añapatsti qhititejj jan mank'añanïqui ucarus churaraquiwa, jan isinirus ist'ayaraquiwa.

Ezequiel 18:8

Kollkepsa janiw ganañ laycu mayt'quiti, janiraquiw walja interesanacsa kollke mayt'atapatjja maycaraquiti; janiw qhitirus ñankhachquiti, cunapachatejj pani ch'ajjwiri jakenacaru ch'ajjwatanacapa t'akqui ucapachasti chekaparupuniw t'akjaraqui.

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Amós 2:8

Prenda jaytat isinacjjaru wincjjatasaw altaranacan yakha diosanacar yupaychasa mank'apjje; multanacat vino apsusasti diosanacapan utaparuw uca umirejj sarapjje.

Mateo 25:27

Ucatpï kollkejj-jja bancorus uchañamänjja, nayasti cutt'anisinjja interesanwa apsusjjeriscäyäta.’

Lucas 19:23

Uqhamasti, ¿cunatrac kollkejjsti jan bancoru jaytarapistasti? Utajjar cuttanjjasajj jiljjatatampi nayajj catokasjjeriscäyätjja’ sasa.

Deuteronomio 15:7

“Mä pobre jaketejj utjani jumanac taypinjja uqhamaraqui cawquïri oraktejj Tatitojj churcätam uca marcanac taypinsa, ucataquejj jan jumajj chuymam kalarayasimti ni janiw saraquimsa uca pist'ayasir jilamar yanapt'añjja,

Deuteronomio 24:13

jan ucasti janïr intis jalantquipanwa churjjapjjañama, uqhamata mantapampejj iquintasin janjjatasiñapataqui; uqhamatwa jupajj bendicipjjätam jumanacan uca cheka luräwinac Tatitu Diosam nayrakatan luratanacamata.