Mateo 23:23 - Qullan Arunaca

²³ “¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj jisc'a achunacatwa diezmo churapjjtajja, menta, anís, comino ucanacata, ucampis janiw jaysapctati cunatejj leyinjja wali asquïqui ucjja. Cawquïritejj chekäqui, qhuyapayasiñäqui, iyawsañäcaraqui ucjja apanucupjjtawa. Acanacawa lurapjjañamänjja, maya lurañanacjja jan jaytanucusa.

Aymar Bibliia 1986

²³ “¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj jisc'a achunacatwa diezmo churapjjtajja, menta, anís, comino ucanacata, ucampis janiw jaysapctati cunatejj leyinjja wali asquïqui ucjja. Cawquïritejj chekäqui, qhuyapayasiñäqui, iyawsañäcaraqui ucjja apanucupjjtawa. Acanacawa lurapjjañamänjja, maya lurañanacjja jan jaytanucusa.

Qullan Arunaka DC

²³ “¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax menta, anís, comino uka achunakat sapa tunkat maya churapxtaxa, ukampis kamachin yatichäwiparux janiw yäqapktati: chiqapar uñjaña, khuyapayasiña, chiqpach jaqïña. Ukanak lurapxañamaw wakisixa, jan mayanak lurañ jaytanukusa.

Mateo 23:23 Jak'a apnaqawi uñst'ayäwi

Proverbios 21:3

Sacrificionaca loktañata sipansa, juc'amp asquiwa Tatitutaquejj cheka cancañana sarnakañamajja.

Isaías 28:25

¿Janit take suma orake waquicht'añ tucuyjjasinjja eneldo jan ucajj comino jathanac phawantquejja, ucatsti janc'aquiraqui ucjjarojj trigo phawantquejja, uca yapu thiyanacaru muytayatsti cebada, uqhamarac centeno phawantcaraquejja?

Jeremías 22:3

Aca chekansti cunatejj chekapäqui, uqhamaraqui asquïqui uca lurapjjam, t'akhesiyatarusti t'akhesiyiripat khespiyapjjam, yakha marcat jutirinacarusti janiraqui jisc'achapjjamti, ni cuna jan walsa lurapjjaraquimti, wajchanacarusa, ijma warminacarusa. Jan juchani jakenacarusti janiraqui jiwayapjjamti.

Oseas 6:6

Jumanacajj nayar munapjjetasma ucwa muntjja, janiw jumanacan sacrificio loktatanacamjja muncti; nayarojj Diosarjam uñjapjjetasma ucwa muntjja, janiw jumanacan altarjjaru loktatanacamjja muncti.

Levítico 27:30

“Take achunacat tuncat mayajja, uqhamarac jathanacatsa, kokanacan achuri achunacatsa sapa tuncat mayajj Tatituncapuniniwa, juparu catuyataraquiwa.

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Mateo 12:7

Jumanacajj chekpachansa janiw amuyt'apctati cuntejj aca Kellkatanjja sisqui ucjja: ‘Nayajj muntwa jumanacan qhuyapt'ayasirïpjjañama, janiw sacrificionacjja muncti.’ Jumanacatejj amuyapjjasma ucajja janiw jan juchaninacarojj juchañchapcasmati.

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Mateo 9:13

Sarjjapjjam, amuyt'apjjaraquim cuntejj uca arsüwejj sañ munqui uca. ‘Nayajj muntwa jumanacan qhuyapt'ayasirïpjjañama, janiw sacrificionacjja muncti.’ Janiraquiw asqui jakenacaru jawsiri jutcti jan ucasti juchararanacar arrepientisipjjañapataqui jawsiriw jutta —sasa.

Lucas 11:42

“¡Ay, camachapcaquïta fariseonaca! Jumanacajj Diosarojj diezmjja churapjjtawa acanacata: menta, ruda, take ch'ojjñanacata, ucampis Diosan cheka cancañapampi, munasiñapampjja janiw yäkapctati. Acaw lurañanacamajja maya lurañanac jan apanucusa.

Lucas 18:12

Nayajj semananjja pä cutiw ayunta, churaracsmawa sapa tuncat maya cuntejj jicjjatta ucanacata’ sasa.

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.