Eclesiastés 4:8 - Qullan Arunaca

⁸ Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Aymar Bibliia 1986

⁸ Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Qullan Arunaka DC

⁸ mä sapa chachax jan jila masinakani, jan wawanakani, jan jilanakaniwa, ukat janiw kunapachas samart'kiti, janipuniw qamir yänakap uñjkasas kusisitäkiti, janirakiw jiskt'askarakisa: “¿Khititakis taqi akanak jikxattxa? ¿Kunatsa jakäwixan jan k'uchirtaspachätxa?” sasa. Ukampis taqi akanakax inamayakiwa, mä jathi q'ipïkaspas ukhama.

Eclesiastés 4:8 Jak'a apnaqawi uñst'ayäwi

Génesis 2:18

Ucjjarusti Tatitu Diosajj saraquïnwa: “Janiw walïquiti jaken sapaquïñapajja. Nayajj jupataquejj mayni jupampi chica jaquiri, uqhamaraqui yanapt'iri lurarapï” sasa.

Salmos 39:6

jaken jacañapajj ch'iwjamaquiwa; inamayaw yänacs arcuntasqui, janiw ucanac qhitin catuntasiñaps yatquiti.

Salmos 39:7

Jichhasti, Tatay, ¿cuna suyt'añajjarac utjisti? Jumaquiw nayan suyt'añajjätajja.

Proverbios 27:20

Janipuniw cunapachas sisthapipquiti jiwasa, amay imäwisa, jakesa maynin yänacap munapayasinjja.

Eclesiastés 1:13

ucatsti nayajj catuyastwa yatjjatañaru, uqhamarac take cunanacatejj aca oraken lurasqui ucanacjjata. ¡Cunja ch'ama lurañanacsa Diosajj jakenacar churi, uca lurañanacampi jisc'achatäpjjañapataqui!

Eclesiastés 1:8

Take acanacampi wali amjasjjatapatjja janiw qhitis ch'amanjamäquiti arsusiñataqui; janiw qhitis sisthapquiti uñjañanjja, janiraquiw ist'añansa, uqhamata phokt'ata cusisiñapataqui.

Eclesiastés 2:21

Maynejj yatiñampi, uñt'añampi, suma luraña yatitampi luratapajja jaytjjañataquiquiwa, qhititejj jan lurcäna take ucanaca jupan catuntasiñapataqui. ¡Acasti inamayaquiwa, uqhamarac jach'a jan cheka luräwiraquiwa!

Eclesiastés 2:23

Take jacañapanjja t'akhesiñaquiw utji, uqhamarac llaquisiñanacaquiwa; janiw arumasa amuyupanjja samarquiti, lup'iscaquiwa. ¡Ucasti inamayaquiwa!

Eclesiastés 4:7

Maysar uñtasinjja, uñjaractwa aca orakenjja yakha inamaya:

Eclesiastés 5:10

Qhititejj kollke munqui ucajja juc'ampwa muni; qhititejj kamirïqui ucajj, jan utjirinjamaquiwa amuyasi. Ucasti inamayaraquiquiwa.

Eclesiastés 5:9

¡Ucanacarupï marcajj nayrakataruw sarti sapjjejja, cunatejj achqui ucajj takenitaquejj ucatarac reyis mank'araqui!

Isaías 5:8

¡Ay, cunaquïcani jumanacataquejja uqharus aqharus utanacac alasipqui ucanacataquejja, orakenacsa uqharu aqharu catuntasipjje, jan qhitirus jalt'asiyasa, ucatsti uca orakenacjjarojj jupanacaquïcaspas uqham utjantasipjje!

Isaías 55:2

¿Cunatsa kollkenacam cunatejj jan t'ant'äqui ucar inamaya churasipcta? ¿Cunatsa kollkenacam cunatejj jan asquïqui ucar inamay tucjasipcta? Sum ist'apjjeta, ucatsti suma mank'anac mank'apjjäta, sinti suma mank'anac mank'apjjäta.

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Lucas 12:20

Diosasti juparojj siwa: ‘Pisi amuyt'an jake, jichha arumpachaw jiwjjäta; cuntejj imasiscta ucasti ¿qhititaquiraquïni?’ sasa.

1 Juan 2:16

Take cuntejj acapachajj churañatac uñacht'ayqui ucajja, janiw Dios Awquit jutquiti, jan ucasti acapachatwa juti. Janchin jan wali munañanacapa, cuntejj nayrajj uñjquis ucansa munañanaca, jach'a jach'a tucuñanaca, take ucanacwa acapachajj churañ muni.