98 Jan walinak contra Oración lurañan chʼamapat parlir jiskʼa tʼaqanaka

Tatitojj ñankha jakenacan loktatanacapjja janiw uñjañ munquiti, ucampis cusisiñampiwa catoke cheka jakenacan mayisitanacapjja.

“Ucürunjja janiw cuns jisct'jjapjjetätati. Khanacwa sapjjsma, Awquiru cuntejj nayan sutejjaru mayipcäta ucjja churapjjätamwa.

T'akhesiñancasinsti Tatitut art'asipjjäna, jupasti t'akhesïwit waysüna.

Jach'a thayarojj llamp'u thayaruquiw tucuyäna, lamar kota mathapinacasti llamp'uchataw uñjasïna.

marcanac taypit tantachthapitanaca, amsta toketa, aynach toketa, inti jalsu toketa, inti jalanta toketa.

Ojjenac t'acurir uñjasajj cusisipjjänwa, Diosasti cawqharutejj mistuñ munapcäna, ucaruw puriyäna.

Jach'at art'asisaw Tatitut mayista, jupasti kollan kollupatpach ist'itu.

Tatitojj llaquisiñaman jumarojj ist'pan, Jacobon pachpa Diosapajj jumar arjjatpan;

Job chachan amigonacapataqui mayitapatsti, Diosajj Job chacharojj nayra kamir cancañapwa wasitat cuttayjjäna, ucat juc'ampisa nayra kamir cancañapat sipanjja pä uqhampwa cuttayjjäna.

Ucampis nayajj sapjjsmawa: Uñisirinacamarojj munapjjam, [maldicirinacamarojj bendicipjjam, uñisirinacamarusti asqui lurapjjam,] Diosat mayirapipjjaraquim qhitinacatejj [jumanacar tokepctam,] uqhamarac jan walinacs lurapctam ucanacataquisa.

“Cutt'am, ucatsti marcajjana jilïri Ezequías reyiru aqham sam: ‘Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

Llaquisiñajjan Tatitur art'asta, Diosajjat yanap mayista: jupasti templopatpach ist'anitu, ¡arnakasitajjajj jinchupcamaw puri!

juparuw lacajjajj art'asi, lajjrajjasti juparuw jach'añchi.

Corneliosti wali ajjsarasaw angelar uñcatasinjja jisct'i: —¿Cunach, Tata? —sasa.

Uqhamaw Pedrojj carcelan soldadonacampi wali uñjatäscäna. Ucampis Tatitur arquirinacajj Diosat oracionan jan inact'asaw jupatac mayipjjäna.

Kellkataraquiwa: “Take qhititejj Tatitun sutipa art'asqui ucajj khespiyatäniwa.”

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Diosan arupampi, oración luratanacampiw ucarojj k'omachi.

Ucapachajj jawsität ucqhajj nayajj ist'ämawa, yanapa mayisisatejj arnakasïtajja, nayasti: ‘Acancasctwa’ saraquïmawa. Take t'akhesiyañanac tucusiyjjätajja, mayninacarus janiraqui jisc'achcätajja, janiraqui cuna c'ari arunacsa aptätajja,

Tatituruw nayajj art'asta, jupasti take llaquinacat irpsutu;

“Jumanacatejj nayampi mayaquïsipcätajja, janirac yatichäwinacajj armapcäta ucajja, mayipjjam cuntejj munapcäta uca, ucatsti churatäpjjätawa.

jumanacatejj nanacar oracionanacamampi yanapapjjetäta ucqhajja. Walja jakenacatejj nanacatac Diosat mayinejja, waljaniraquiw Diosarojj yuspagarapjjani bendicionanaca churquistu ucatjja.

Art'asinsma ucapachajj ist'istawa, almajjarusti ch'am yapjjatarapista.

Nayajj Tatituruw aca wawa apayañapataqui mayiyäta, jupajj mayisitajjarojj ist'ituwa.

Take llaquisiñanacamsti Diosar jaytapjjaraquim, jupasti jumanacatjja llaquisiraquiwa.

Tatitusti Eliasana achict'asitaparojj ist'änwa, ucatjja wawajja jactjjänwa.

Nayajj Tatituruw munasta, mayisitajjar ist'atap laycu;

Wali llaquisiñan uñjascasasa, iyawsañajjajj utjascaquïnwa.

Llaquisiñancasajj säyätwa: “Jakenacajj c'aricamaquiwa” sasa.

¿Cunampirac Tatitur phokherista, nayatac asquinac luratapatsti?

Khespiyasiñ copa aptä, Tatitun sutip aytä.

Tatiturojj jakenacan nayrakatapan arsutanacajj phokhä.

Tatitutaquejj wali llaquisiñawa, iyawsirinacapar jiwir uñjañajja.

Tatay, nayajj uywatamätwa, jumar loktirïtwa, uywataman wawapätwa: jumaw ñach'antatanacajj t'akanuctajja.

Tatay, yuspagarañ loktäwi catuyäma, sutimaruw jach'añcharaquï.

Tatiturojj jakenacan nayrakatapan arsutanacajj phokhä,

Tatitun kollan utap puncun phokhä, ¡Jerusalén, juma taypin phokhä! ¡Tatitojj jach'añchatäpan!

naya tokeruw jinchup alcatanitu, wiñayapuniw jupar art'asï.

Cawquintejj paninisa, quimsanisa sutejjaru tantachatächejja, nayajj jupanac taypinctwa.

Jumanacattejj maynejj t'akhesiscchejja, oración lurañapawa. Maynitejj cusisitaraquïchejja, k'ochuñapawa.

Tatay, jumaruw art'asinsma, janc'aquiy jutam, art'asinsma ucapachajj ist'aquitaya.

“Ezequiasan ucar saram ucat saraquim: ‘David awquiman Tatitu Diosapajj siwa: ‘Nayajj mayisitamjja ist'twa, jachatamsa uñjaractwa. Tunca pheskan marampiw jacayascäma.

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Jesusasti jupanacarojj sänwa: —Jumanacan iyawsañamajj wali pisiwa. Khanacwa sapjjsma, jumanacantejj iyawsañamajj utjaspa mä mostaz jatha ucch'aquisa, aca kollurojj: ‘Sartam acawjata, yakha chekaru’ sapjjasmawa, ucat uca kollusti yakhawjaruw sartaspa. Janiw cunas ch'amäcaspati, jumanacantejj iyawsañajj utjaspa ucajja.

¡Tatitojj kollanäpan, jupaw mayisitajjarojj ist'i!

Lacamampejj jan mäqui arsumti, janirac lup'imsa Diosatac mä cuna lurañataquisa, Diosajj alajjpachanquiwa, jumasti aca orakenctawa. Ucatwa juc'aqui parlañamajj waquisi.

Cunjämtï yattanjja Diosajj oracionanacasarojj ist'istuwa, uca pachparaquiw yattanjja cuntejj mayctanjja ucajj niyaw utj-jjestu.

Ucatsti mantasinjja uta puncu jist'antasisinwa Tatitur oracionan mayiña kalltäna. Uca uta mankhenjja Eliseompi wawampiquiw ucancapjjäna.

Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.

Tatay, jumaw jach'añchatäñatac asquïtajja: art'asinsma ucapachajj uñisirinacajjat khespiyista.

Ucatpï Diosarojj yupaychañasaquipunejja Jesucristo toke. Aca yupaychañawa suma sacrificiot churañasajja, lacanacasampi yupaychañäni.

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

khantatiw arojjarojj ist'tajja, willjtaw llaquejj yatiyasinsma, nayasti ist'añam suyascta.

Alajjpachanquir Diosaruw art'asï, take cunan yanapir Diosat mayisï.

nayajj kollana kollojjaruw jupanacarojj apanëjja, oración lurañ utajjansti c'uchiquïpjjaraquiniwa. Sacrificionac loktasinipjjatanacapsti altarajjanjja catokaraquïwa, nayan utajjajj take marcanacataqui oración lurañ uta sataraquïniwa.”

Janiw esclavo tucuyir ajayu catokapctati ajjsaratac sarnakascañataqui, jan ucasti catokapjjtawa Diosan wawapa tucuyquistu uca Ajayu, ucat jupajj arsuyistu: “Nayan Awquejja” sasa.

Oracionjj lurapjjapunim, suyt'apjjaraquim Diosar yuspagarasa.

Diosarusti mayisiraquiniwa, jupasti ist'araquiniwa; Diosarusti cusisitaw ajanuy ajanu uñcatani, jakenacataquisti Diosan qhuyapayasiñapatwa k'ochuraquini.

Diosajjay, jumaw Diosajjätajja, jumar thakasaw khantatta, almajjajj jumatjam pharjatawa; janchejjajj jumatjam awtjatawa, jan umani, jan jacañan waña oraker uñtatawa.

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.

Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”

Uru tokerojj Tatituw qhuyapayasitu, arum tokerusti janiw k'ochuñ karjascti, janiraquiw jacayir Diosajjat mayisiñs armascti.

Ucatpï jumanac purajj maynit mayniru juchanacamjja arsusipjjañamajja, ucatsti maynejj maynitaqui orañaparaquiwa uqhamata c'umaräjjañapataqui. Mä asqui jaken oracionapasti wali ch'amaniraquiwa.

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Llaquisiñajjan Tatitur art'asta, Diosajjat yanap mayista: jupasti templopatpach ist'anitu, arnakasitajjajj jinchupcamaw puri.

Tatitojj ñankha lurir jakenacatjja jithektiwa, ucampis asqui jakenacan mayisitanacapjja ist'iwa.

Janïraw jupanacajj jawsapquitaniti, ucapachaw nayajj jupanacar jaysä; janïraw parlañsa tucuyapcaniti ucapachaw nayajj jupanacar ist'ä.

Jesusasti mä uñtasïwi tokew yatichäna, jan mayjt'asis oración lurañataqui.

apanucut jaken mayisitap ist'cani ucapacha, achict'asitanacapar jayscani ucapacha.

Take cuntejj jumanacajj sutejjaru mayipjjäta ucjja, nayajj luräwa, Yokajj Awquin jach'a cancañap uñacht'ayañapataqui.

Cuntejj nayan sutejjaru mayipjjäta ucjja, nayajj take cunsa luräwa.

“Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa.

Tatitusti asqui jakenacarojj imiwa, mayisitanacapsa ist'araquiwa, ucampis jan wali lurir jakenacarojj janiw ist'quiti.”

Tatitur thakhapjjam, ch'amapa thakhapjjam, take horasansa Tatitur thakhapjjam.

Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti.

Uca chekar purisinsti Jesusajj jupanacarojj sänwa: —Mayisipjjam jan yant'äwir mantapjjañamataqui —sasa.

Jichhajj jan iquipjjamti, jan ucasti Diosatjja mayisipjjamaya, jan yant'äwir puriñataqui. Chekpachansa ajayojj lurañatakejj janc'aquiwa, ucampis janchejj t'uqhawa.

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Jan inact'as orapjjam.

Utjistuwa Diosar iyawsañasajja, yatiractanwa cuntejj Diosarojj mayiñäni munañaparjama ucjja jupajj ist'istuwa.

Cunjämtï yattanjja Diosajj oracionanacasarojj ist'istuwa, uca pachparaquiw yattanjja cuntejj mayctanjja ucajj niyaw utj-jjestu.

Tatitojj asqui jaken arnakasitaparojj ist'iwa, take llaquinacapat waysuraqui.

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

ucampis sutejja apqui uca marcajjatejj jisc'ar tucusina nayat mayisitani, thaktaraquitani, uqhamarac jan wali sarnakäwinacapsa apanucuni ucajja, nayajj alajjpachatpachwa ist'äjja, juchanacapsa pampacharaquïwa, ucatsti marcapan nayrakatar sartañapsa cuttayjjaraquïwa.

Tatitojj art'asirinacapan jac'apancasquiwa, takpach chuymamp jupat art'asirinacan jac'apanquiwa.

Jumajj mayiscätas ucqhajja, utamar mantam; puncum jist'antasisinsti mayisiraquim Awquimata qhititejj jumampïsqui ucaru. Awquimasti uñjasctamwa jamasan mayisisquirjja, ucatsti jupajj mayisitamarojj ist'ätamwa.

Ucatpï sapjjsmajja, take cuntejj Diosat iyawsañampi mayipjjätajja catokapcasma uqhamjja, ucajj uqhamäniwa.

Jayp'usa, willjtasa, chicürusa, jacht'asisaw jupar yatiyasï. Diosasti mayisitajjarojj ist'aniwa.

Janiw Diosarojj jan iyawsañampejj cunapachas cusisiycsnati, jupar jac'achasiñataquejja maynejj iyawsañapawa Diosajj utjatapa, uqhamaraqui jupar thakerinacarojj bendicirïtapa.

Oración lurañ tucuyatatsti, cawqhantejj oración lurapcäna ucawjajj qhathatïnwa. Ucatsti takeniw Kollan Ajayumpi phokt'atäpjjäna, Diosan arupsti jan ajjsarasaraquiw parlapjjäna.

Uqhamasti sapjjsmawa: Mayipjjam, Diosasti churapjjätamwa; thakapjjam, jicjjatapjjätawa; punc lekt'apjjam, jist'aratäpjjätawa.

jupasti churistaniwa take cuntejj mayiñäni uca, camachinacapar jaysatas laycu, luräwinacasamp cusisiyatas laycuraqui.

Jabes chachasti israelanquir Diosaruw oracionan mayïna aqham sasa: “Achict'assmawa bendición nayar churañamataqui, uqhamarac mä jach'a orake, ucatsti yanaparaquita, khespiyaraquita jan walinacata nayan jan walt'añanacajj utjañapataqui” sasa. Diosasti juparojj churänwa cuntï jupajj maycäna uca.

Uca urunacansti Jesusajj mä kolluruw oración lurir saräna, ucan jupajj arum pakariw Diosat mayisïna.

Jilatanaca, nayajj achict'asipjjsmawa Jesucristo laycu, cuna munasiñtejj Ajayojj churquistu ucanjja nayampi mayachasipjjam nuwasiñana, Diosatsa mayirapipjjaraquita.

Marcajjay, jupar take chuymamp iyawsam, chuymanacam jupar jist'arapjjam, Diosaw jiwasan imantasiñasajja.

Ucampis Dios Tatitojja, ist'itaya achict'asitajjarusa, mayisitajjarusa; ist'itaya jichhürunjja aca uywatamana arnakasitapa, uqhamarac oración lurataparusa.

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.

Jupar arquirinacan munataparjamaw phokhe, arnakasitanacap ist'i, khespiyaraqui.

“Sapjjaracsmawa, paninitejj acapachan mä sapa amtañampi mä cunsa oracionan mayinejja, alajjpachanquir Awquejjajj churaniniwa.

Take cuntejj oracionan mayipjjasma, ucat iyawsapjjaraquisma ucajja catokapjjasmawa.

Cuntejj mayïta ucarusti ist'ätamwa, ucatsti cuntejj jumajj juparu phokhañataqui arscäta ucanacsa phokharaquïtawa.

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Uqhamaraquiw Kollan Ajayojj t'uqha cancañasan yanapistu, janiw yatctanti cunjämatejj oración lurañajj waquisqui ucjja, ucampis Kollan Ajayuw Diosarojj achict'asqui jiwasatjja jan amuyt'caya aykoñanacampi.

llaquincasin jawsanita; nayajj khespiyämawa, jumasti jach'aruw aptitäta” sasa.

Nayrakatajj ewjjt'apjjsmawa Diosat mayipjjam, oración lurapjjam, Diosarus yuspagarapjjam take jaketa.

llaquisiñajjan jumar art'asinsma, juman ist'asirïtam laycuw mayisinsma.

Ucampis niya chica arumarojja, Pablomp Silasampejj oración lurasipcäna, uqhamarac Diosarus k'ochunac k'ochusipcäna. Maynïr presonacasti ucanacjja ist'apjjaraquïnwa.

Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Tatay, mayisitajjarojj ist'aquimaya, achict'asitajjarojj jaysaquimaya. Jumajj chekapästajjaya, ist'aquitaya.

Nayajj yattwa, take acanacatjja walicwa mistuscäjja, jumanacan oración luratanacamampi, uqhamarac Jesucriston Ajayupan yanapapampi.

Ucampis Tatitojj chekawa, jupajj ch'amañchapjjätamwa, take jan walitsa imapjjaraquïtamwa.

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.