Daniel (hebreo) 6:10 - Qullan Arunaca

¹⁰ Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Aymar Bibliia 1986

¹⁰ Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Qullan Arunaka DC

¹⁰ 10 (11) Danielasti uka arsüwin reyin sutipamp qillqantatäxatap yatisinxa, utaparuw sarxäna, ukatsti uta ventananak jist'arasïna, uka ventananakasti Jerusalén marka tuqir uñtanitänwa, killt'asisin Diosat mayisïna, yupaycharakïna. Uksti Danielax kimsa kutiw urun luräna, kunjämatix lurirïkäna ukhamaru.

Daniel (hebreo) 6:10 Jak'a apnaqawi uñst'ayäwi

1 Reyes 8:30

Ist'itaya mayisitanacajjaru, uqhamarac Israel marcamarusa cunapachatejj aca chekana oración lurapcan ucqhasa. Jumajj ist'amaya alajjpachatpacha cawqhantejj jactajja ucqhatpacha ucatsti perdonanipjjeta.

1 Reyes 8:38

ucatsti jumajj ist'am cawquïr take jaken oracionanacapsa, mayisitanacapsa, jan ucajj takpach Israel marcamana mayisitanacapsa, uqhamata Diosajj jan walt'añanacana, aykoñanacana t'akhesiñanacana uñjasisasti oracionana aca templona amparanaca loktaniñapataqui. Jumasti alajjpachatpacha ist'anim cawqhantejj jactajj ucqhatpacha, ucatsti perdonanim; luraraquim, ucatjja sapa maynirusa luratanacapatjama churaraquim, juma sapaquiwa jaken amtäwinacapa chuymapsa uñt'tajja uca laycu.

1 Reyes 8:44

“Cunapachatï marcamajj uñisirinacapampi nuwasir sarcani, cawqharutejj jumajj qhitcäta; ucqhatpach jumarojj oracionan mayisïtam marcam toke uñtata, uqhamarac nayajj jumataqui templo lurcta uca uñtataraqui ucqhajja,

1 Reyes 8:54

Cunapachatï Salomonajj Tatituru mayisiñampi aca oraciona luraña tuct'ayäna ucqhajja, sayt'asïnwa altar nayrakatana quillt'atäcäna ucqhata, ucatsti alajjpach tokeru amparanacapa aytasinsti,

2 Crónicas 6:13

Jupasti bronceta lurata alto cheka patjjancänwa, ucasti largorojja pä metro pä tunca pheskani centimetronïnwa, anchorusti mä ucqharaqui, altorusti mä metro quimsa tunca pheskani centimetronïnwa, ucsti chica chica uta ankäjjaruw uchayäna. Ucatsti jupajj quillt'asïnwa take israelita jakenacan nayrakatapana, amparanacapjja alajjpacharu loktasa,

2 Crónicas 6:38

take chuymaraqui, take amtañapampiraqui jumar cutcatjjätam, cawqha orakerutejj preso apatäpqui ucqhana, ucatsti jupanacajj oración lurapjjani nayra awquinacaparu aca orake churcta ucar uñtanisa, uqhamarac ajllit marcamar uñtanisa, templo jumataqui luraycta ucar uñtanisaraqui ucajja.

Esdras 9:5

Ucatsti nayajj uca sacrificio horasanwa llaquisiñajjata cutjjtta, ucatjja isejjasa ch'iyanokatpachawa Tatit Diosajjaru oración lurañ kalltta,

Nehemías 6:11

Nayasti juparojj sistwa: —Nayjam chachanacajj janiw jaltapquiti, janiraquiw templorusa imantasipquiti jacañapa khespiyasiñataquejja. Nayajj janipuniw imantasquiristti —sasa.

Salmos 34:1

Jan karjasisaw Tatiturojj jach'añchä, lacajjajj jupar jach'añchapuniniwa.

Salmos 5:7

Ucampis nayajj jach'a munasiñam laycuw kollan utamarojj mantä, kollan utam mankhansti alt'at chuymampiw yupaychäma.

Salmos 55:17

Jayp'usa, willjtasa, chicürusa, jacht'asisaw jupar yatiyasï. Diosasti mayisitajjarojj ist'aniwa.

Salmos 86:3

Tatay, nayat qhuyapt'ayasita, jumaruw sapür art'asinsma;

Salmos 95:6

Jutapjjam, orakcam konkort'asipjjañäni; Tatitun nayrakatapar quillt'asipjjañäni, jupaw jiwasanacarojj irnokestu.

Daniel (hebreo) 6:13

Jupanacasti ucjjarojj sasipcaquïnwa: —Uqhamasti mayni Daniel satajja, judionacata apanitäqui ucajja, janiw reyirojj ajjsart'quiti, ni cuna arsüwitejj apsutäqui ucarusa yäkcaraquiti, nanacasti utapanjja Diosapat quimsa cuti urunjja mayisirwa uñjapjjta —sasa.

Daniel (hebreo) 9:4

“Tatitu Diosajjaruw mayisiscäyäta, juparusti aqham sasaw arsuraquïyäta: ‘Tata, jumajj jach'a ch'amani Diosätawa, arsutanacamarojj phokhapuntawa, qhitinacatejj camachi arunacam phokqui ucanacarusa munasiñamjja uñacht'ayaractawa.

Jonás 2:4

Nayajj amuyasiyätwa juma nayrakatat jakonucutätajja; ucatsti saraquiyätwa: ‘Janipuniy Tatitun Kollan Templopa uñjcjjchïti’ sasa.

Marcos 3:3

Jesusasti ampar pharsut jakerojj sänwa: —Sartam, sayt'asim aca taypiru —sasa.

Lucas 14:26

“Maynitejj nayar jutchi, ucatsti awquiparu, taycaparu, warmiparu, wawanacaparu, jilanacaparu, cullacanacaparusa, uqhamaraqui jacañaparusa juc'ampi munaschi nayat sipansa, ucajja janiw nayan discipulojjäcaspati.

Lucas 22:41

Ucat Jesusajj mä kala jakt'arjamaw saräna, ucan orañataquiw quillt'asiraquïna.

Hechos 10:9

Khepürusti, jupanac thac sarquipana, Jope marcar jac'achapquipanwa, Pedrojj uta pat terrasar maqhatäna oración luriri. Ucasti niya chica uröjjänwa.

Hechos 2:15

Janiw acanacajj machatäpquiti, camisatejj jumanacajj amuyapcta uqhama. Jichhaquejjay llätunca horasäscchejja.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Hechos 20:36

Take acanac arsutatsti Pablojj quillt'asisaw jupanacamp chica Tatitut oracionan mayipjjäna.

Hechos 21:5

Ucat pakallk uru pasjjepanwa, mistuwayjjapjjta. Take jilatanacasti warminacapampi, wawanacapamppachaw nanac chicaraqui marca ankäjjcam sarapjjta. Kota thiyar purisinsti quillt'asisaw Tatitut mayisipjjta.

Hechos 3:1

Pedrompi Juanampejj mä urojj temploruw maqhatasipcäna, quimsa horasaru, ucqhasti oración lurañ horasänwa.

Hechos 4:29

Jichhasti Tatay, uñtamay jupanacan ajjsarayañanacapa. Arquirinacamarusti ch'amamay churapjjeta, juman arunacam jan ajjsaras parlapjjañajjataqui.

Hechos 5:20

“Sarapjjam temploru. Purisinsti, take jakenacaru yatiyanipjjam aca machak suma jacäwita.

Hechos 5:29

Ucjjarusti Pedrompi apostolonacampejj arsupjjänwa: —Nanacanjja Diosar nayrakat ist'apjjañajjaw waquisi, jakenacar sipansa

Hechos 7:60

Quillt'asisinsti, jach'at art'äna: “¡Tata, jan aca jucha luratatjja jupanacar juchañchamti”! sasa. Uqham arsusinwa jiwawayjjäna.

Hechos 9:40

Pedrosti takeniruw ankar qhitsu. Ucatwa quillt'asisin Diosat mayi. Jiwat warmir uñjjatasinsti saraquiwa: “¡Tabita, sartam!” sasa. Ucspachaw warmejj uñatati, Pedror uñcatasinsti, kont'asiwa.

Efesios 3:14

Ucatpï quillt'astjja [Tatit Jesucriston] nayrakataparojja.

Filipenses 1:14

Nayar preso uñjasinjja, waljpachaniw jilatanacajj juc'ampi ch'am catjjatapjje. Diosan arunacap yatiyañanjja, jan ajjsarasaraquiw Tatitur juc'amp catuyasisin parlapjje.

Filipenses 1:20

Cuntejj muncta, suycaracta ucajja jan nayan p'enkasiñajj utjañapataquiwa; ucat sipana take iyawsañampi Diosan arunacapat parlt'añajjataquiwa, uqhamat jichhajj nayan Cristojj juc'ampi jach'ar aptatäñapataqui, jiwatäcasasa jan ucajj jacascasasa.

Filipenses 4:6

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Colosenses 3:17

Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

Hebreos 13:15

Ucatpï Diosarojj yupaychañasaquipunejja Jesucristo toke. Aca yupaychañawa suma sacrificiot churañasajja, lacanacasampi yupaychañäni.

Hebreos 4:16

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Apocalipsis 2:10

Cuna t'akhesiñanacatï jumjjaru jutcani ucanacatjja jan ajjsaramti. Supayasti jumanacat mä yakhepanacarojj carcelaruw apayani, take jumanacasti wali yant'atäpjjaraquïtawa. Tunca ururaquiw t'akhesipjjäta. Ucampis jiwañcamatejj arcascaquïta ucapachasti, nayasti jacañ corona churäma.

Apocalipsis 2:13

‘Nayajj yattwa take luratanacamjja. Cawqhantejj Supayajj munañanïqui ucqhan jacatamsa yatiractwa, ucampis nayarojj take chuymampiw arcasquistajja. Nayar iyawsatamjja janipuniw jaytctati, ni Antipas sat sirvirejjaru Supayajj utjqui ucqhana jiwayapquïpansa.