1 Crónicas 4:10 - Qullan Arunaca

¹⁰ Jabes chachasti israelanquir Diosaruw oracionan mayïna aqham sasa: “Achict'assmawa bendición nayar churañamataqui, uqhamarac mä jach'a orake, ucatsti yanaparaquita, khespiyaraquita jan walinacata nayan jan walt'añanacajj utjañapataqui” sasa. Diosasti juparojj churänwa cuntï jupajj maycäna uca.

Aymar Bibliia 1986

¹⁰ Jabes chachasti israelanquir Diosaruw oracionan mayïna aqham sasa: “Achict'assmawa bendición nayar churañamataqui, uqhamarac mä jach'a orake, ucatsti yanaparaquita, khespiyaraquita jan walinacata nayan jan walt'añanacajj utjañapataqui” sasa. Diosasti juparojj churänwa cuntï jupajj maycäna uca.

Qullan Arunaka DC

¹⁰ Jabés chachax Israel markan Diosaparuw mayisïna akham sasa: “Khuyapt'ayasita, mä jach'a uraq churita, nayan jan t'aqhisiñaxatak yanapt'ita, qhispiyarakita” sasa. Diosasti mayitaparux ist'änwa.

1 Crónicas 4:10 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 12:8

Ucatsti Betel marcat inti jalsu tokeruw sarjjäna, cawcsantejj kollunacajj utjcän ucsaru, uca chekaruw carpapjja sayt'ayasiraquïna. Betel marcasti, carpatjja inti jalanta tokencänwa, inti jalsu tokensti Hai marcaraqui. Uca chekansti Abramajj yakha altar luraraquïna, ucansti Tatituruw art'asiraquïna.

Génesis 28:20

Ucansti Jacobojj aca arsüwi arsu: “Diosatejj nayampïni, uqhamarac aca saräwinsa yanaparaquitani, mank'añsa, issa churaraquitani,

Génesis 28:21

awquejjan utaparus sumaquirac cuttayjjetani, ucapachasti jupajj chekpachansa Diosajjäniwa.

Génesis 32:26

Uqhamasti jakejj Jacoborojj sänwa: —Antutjjeta, niyaw willjtanjje —sasa. —Janitejj bendisquitätajja, janiw antutcämati —sasaw Jacobojj saraquïna.

Génesis 32:27

—¿Cuna sutinïtasa? —sasaw uca jakejj jisct'äna. —Jacob satätwa —sasaw jupajj saraquïna.

Génesis 32:28

Uqhamasti jakejj sänwa: —Janiw jichhajj Jacob satäjjätati. Sutimajj Israel satäjjaniwa, Diosampiw ch'ajjwtajja, uqhamarac jakenacampisa, ucatsti atipjtawa uca laycu —sasa.

Génesis 33:20

Ucjjarusti mä altar luraraquïna, El-Elohe-Israel sasaw suticharaquïna.

Génesis 48:16

cawquïri angelatejj take ñankhanacat imquitu, ucanacay aca wawanacarojj bendizpan. Jupanac tokeraqui sutejjas amtataraquïpan, uqhamarac Abraham, Isaac awquinacajjan sutipasa. Walja wawanacanïpjjam, aca orakensti waljaniraqui tucupjjam” sasa.

1 Crónicas 16:8

“¡Tatitur yuspagarapjjam! ¡Sutipa yatiyapjjam! Yatiyapjjam marcanacarojj luratanacapata.

1 Crónicas 4:11

Súa chachan Quelub jilapasti, Mehír chachan awquipänwa; Mehír chachasti Estón ucan awquipänwa,

1 Crónicas 4:9

Jabes chachasti jilanacapat sipansa wali aytat jakënwa, taycapasti juparojj Jabes sutimpiw sutiyäna, jupasti sänwa: “Chekpachansa wali t'akhesiñampiw wawachasta uca laycu” sasa.

Job 12:4

Jan juchani k'omäcsta ucasa, mä urunacanjja Diosajj mayisitajj-jja ist'araquitänwa, nayampi chica sarnakeri jakenacajj larusipjjewa.

Salmos 119:173

Amparamajj nayar yanapt'añatac waquichatäpan, arunacamar take cunat sipan munasitajj laycu.

Salmos 121:7

Tatituw take jan walt'añanacat imasctam; jupaw jacañam imasqui;

Salmos 145:19

Jupar arquirinacan munataparjamaw phokhe, arnakasitanacap ist'i, khespiyaraqui.

Salmos 21:4

Jupajj jacañ mayisïyätam, jumasti jacañ churtajja, walja maranac jacañampi, jan tucusir jacañamp catuytajja.

Salmos 51:12

khespiyäw cusisiñam wasitat churjjeta, ch'aman ajayumamp thurt'ayita.

Salmos 51:8

Cusisiñamp c'uchirtasiñamp phokhantita, p'aquintat ch'aqhanacajjasti wasitat cusisipjjpan.

Salmos 55:16

Nayasti Diosaruquiw art'asï; Tatitusti khespiyitaniwa.

Salmos 65:2

jumajj mayisitanacar ist'irïtawa. Take jakenacaw jumarojj maqhatapjjtam.

Salmos 72:17

Reyin sutipajj wiñayataquïpan, aytat cancañapasti intir uñtat utjpan; takpach marcanacajj jupa tok asquinac catokapjjpan, takpach jakenacasti sapjjpan: “jumajj cusisiñanïtawa” sasa.

Salmos 99:6

Moisesamp Aaronampejj sacerdotenacap taypin aytatawa, Samuelojj sutip jach'añchirinac taypin aytatawa, jupanacajj Tatituruw art'asipjjäna, jupasti mayisitanacaparojj ist'änwa.

Proverbios 10:22

Tatitun bendicionapawa kamiriptayi; janiw cuna llaquisiñsa ucampi chicajj apayanquiti.

Proverbios 30:8

Nayatjja jithektayita ch'ojjña lurañampita, c'arisiñampita, janiraqui uywistati kamirsa, jan cunansa, jan ucasti cunatejj jacañajjataqui mank'añajj waquisqui ucac churita.

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 41:17

“Jan kollkeni pobre jakenacajj umwa thakapjje, janiw jicjjatapcaraquiti. Lajjranacapas umatjamajja, k'ala wañantataw uñjasi ucampisa naya Tatituw jupanacarojj uñjascä, naya, Israelan Diosapasti janiw jupanacarojj antutcäti.

Jeremías 33:3

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Mateo 26:75

Pedrosti ucqhaquiwa amtasïna Jesusajj cunjämtejj siscatayna ucata: “Janïr wallpa art'quipanwa quimsa cuti nayarojj jan uñt'iri tucüta” sasa. Ucat mistusinjja Pedrojj wal jachäna.

Mateo 6:13

Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]

Lucas 19:42

saraquïnwa: —¡Jichhüru urumanacsa suma amuyt'asisma cunatejj jumarojj sumancañ churiristam ucjja! Ucampis jichhajj imantataw ucajja, janiw uñjcasmati.

Juan 10:28

Nayajj wiñay jacañwa churta, janiw cunapachas jiwapcaraquiniti, ni qhitis amparajjatjja apakcaraquitaniti.

Juan 21:17

Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Hechos 3:26

Diosajj Yokapar jiwatat jactayasinjja, jumanacaruw nayrakat qhitanipjjtam, bendeciñapataqui, uqhamat sapakat mayni jumanacajj jan wali luräwinacam apanucupjjañamataqui.”

Romanos 12:9

Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.

Romanos 16:19

Takeniw yatipjje cunjämtejj jumanacajj Diosarojj jaysapctas ucjja, ucatwa nayajj cusista. Munaraquiristwa jumanacajj janc'aquïpjjañama asqui lurañataquejja, ucampis janiw jacapjjañamäquiti ñankha lurañataquejja.

1 Corintios 1:2

kellkanipjjsma Diosan iglesiapanquir Corinto jilatanacaru. Jumanacasti Diosanquirïpjjaractawa Jesucristompi mayaquïpjjatam laycu. Diosaraquiw jumanacarojj jawsapjjtam Diosar catuyata k'oma jacañan sarnakapjjañamataqui, qhitinacatejj take chekansa Tatit Jesucriston sutipar mayisisa sarnakapqui ucanacampi chica sarnakapjjañamataqui. Uca Jesucristosti take jupanacana, uqhamarac jiwasanacan Tatitusawa.

Efesios 1:3

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

Efesios 3:20

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.

Efesios 4:30

Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

2 Timoteo 4:18

Tatituw take jan walit khespiyasquitani, uqhamarac alajjpach reinopataquiw imaraquitani. ¡Jach'añchatäpan jupajj wiñayan wiñayapataqui! Uqhamäpan.

Apocalipsis 3:19

Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.

1 Samuel 1:17

—Uqhamajj jichhajj sumaquiy sarjjam, Israelan Diosaparaquiy jumarojj cuntejj maycta ucjja churpan —sasaw Elí sacerdotejj säna.

1 Samuel 1:20

Uqhamatwa Anajj usur jakeptawayi, wawachasiñ horasa purinjjepansti, mä yokall wawa wawachasïna, Samuel sasaw uca wawarojj suticharaquïna, Tatitut uca wawjja mayitap laycu.

1 Samuel 1:26

Anasti saraquïnwa: —Tata, perdonita, chekpachansa jumajj jacasctawa, cawquïri warmitejj acana juma jac'ana Tatitu Diosatjja mayiscäna, ucätwa.

1 Samuel 1:27

Nayajj Tatituruw aca wawa apayañapataqui mayiyäta, jupajj mayisitajjarojj ist'ituwa.