Eclesiastés 5:2 - Qullan Arunaca

² Lacamampejj jan mäqui arsumti, janirac lup'imsa Diosatac mä cuna lurañataquisa, Diosajj alajjpachanquiwa, jumasti aca orakenctawa. Ucatwa juc'aqui parlañamajj waquisi.

Aymar Bibliia 1986

² Lacamampejj jan mäqui arsumti, janirac lup'imsa Diosatac mä cuna lurañataquisa, Diosajj alajjpachanquiwa, jumasti aca orakenctawa. Ucatwa juc'aqui parlañamajj waquisi.

Qullan Arunaka DC

² 2 (1) Diosatak mä kun lurañatakis jan mäki arsumti, Diosax alaxpachankiwa, jumasti akapachankaraktawa. Ukat juk'ak parlañamax wakisi,

Eclesiastés 5:2 Jak'a apnaqawi uñst'ayäwi

Génesis 18:27

Ucampis Abrahamajj sascaquïnwa: —Perdonit nayan uqham jumar parlatajjata, jumasti Diosätawa, nayasti mä jisc'a jakequïtwa;

Génesis 18:30

Ucampis Abrahamajj Tatiturojj achict'ascaquïnwa: —Tata, janiy colerasimti nayan uca toket jumar parlascaquitajjata. Inas quimsa tunca jan juchan jakenacaqui jicjjatchïta —sasa. Tatitusti saraquïnwa: —Uca quimsa tuncani jan juchan jakenac laycojj marcarojj perdonäwa —sasa.

Génesis 18:32

Abrahamajj sascaquïnwa: —Tata, jan nayatac colerasimti, aca maya cutimpi arst'ä, ucatsti janiw mayampsa parlcjjäti, ¿tunca jan juchani jakenacaqui jicjjatasma ucqhajj cunsa lurasma? —sasa. Tatitusti saraquïnwa: —Uca tuncani laycojj janiw marcarojj t'unjcäti —sasa.

Génesis 28:20

Ucansti Jacobojj aca arsüwi arsu: “Diosatejj nayampïni, uqhamarac aca saräwinsa yanaparaquitani, mank'añsa, issa churaraquitani,

Génesis 28:22

Aca kala acqhar mä pilarar uñtata sayt'aycta ucasti Diosan utapäniwa. Dios Tata, cuntejj churquitäta ucatsti sapa tuncat maya churapunïmawa” sasa.

Salmos 115:3

Diosasajj alajjpachanquiwa, cuntejj jupajj munqui uc luri.

Proverbios 10:19

Wali parlañanjja jucha lurañawa utji, ucampis horasapar amuct'añasti yatiñ cancañanquiwa.

Proverbios 20:25

Janiwa walïquiti jakena mäqui Diosar mä cuna churañataqui arsutapajja, uca arsutapatjja mayjaracwa kheparojj amtjje.

Eclesiastés 10:12

Yatiñan jaken arunacapampiw takenimpi munayasi, ucampis pisi amuyt'anin arunacapajj jupa pachpan aynacht'añapataquiquiwa:

Eclesiastés 10:13

jupasti pisi amuyt'a arunaca parlañwa kallti, ucatsti juc'ampi jan wali arunaca parlasaquiw tucuyjjaraqui.

Eclesiastés 5:3

Walja lup'iñansti iquiquiw purisjje, uqhamarac walja parlañanjja lokhe arunacaquiw tucjje.

Eclesiastés 5:7

Uca laycu, wali lup'iñanacanjja utjiwa cunayman arunaca, uqhamarac jan wali amtañanaca, ucampis jumajj Diosar ajjsaram.

Isaías 55:9

“Cunjämatejj alajjpachajj acapachat wali altonquejja, uqhamaraquiw amtatanacajjasa, luräwinacajjasa, jumanacan amtatanacamatsa, luräwinacamat sipansa wali altoraquiwa.” Tatituw ucjja arsu.

Levítico 5:4

“Maynitejj jan suma amuyt'ascasina juramento luranejja chekäpasa, c'arïpasa, cunjämatejj jan suma amuyt'ascasa juramento lurapjjani uqhama, ucat uca horasasti jan amuyascaraquiti, ucampisa khepata amthapisiraqui, ucatsti uca luräwinacapatjja juchañchatäniwa.

Mateo 6:7

Oración lurcasinjja jan inamaya arunacjja arsumti, cunjämtï Diosar jan uñt'ir jakenacajj lurqui uqhamjja. Jupanacasti amuyapjjewa Diosajj jupanacarojj walja arunaca arsutap laycu ist'caspa uqhama.

Mateo 6:9

Ucatpï jumanacajj aqham mayisipjjätajja: ‘Alajjpachanquir nanacan Awquejja, sutimajj jach'añchatäpan.

Marcos 6:23

Ucatsti juramento lurarapïna aqham sasa: —Cuntejj mayquitäta ucjja churämawa, chicatpach marcsa churaquïmawa, sasa.

Santiago 3:2

Takeniw walja pantjasïwinac lurtan, ucampis maynitejj arsutapanjja jan pantjascchejja, ucajj cheka jakewa, take janchipsa frenompjamaraquiw apnake.

Jueces 11:30

Jefté chachasti aqhama arumpiw Diosaru arsüna: “Jumatejj amonitanacaru atipjayitäta ucajja,