Eclesiastés 5:1 - Qullan Arunaca

¹ Cunapachatï Diosan temploparu saräta ucqhajja, sarnakañanjja sum amuyasim, juc'amp jac'achasim ist'añataqui, pisi amuyt'an jakenacjama mäqui jan arscamti sacrificio churañataqui, jupanacasti janiw amuyasipquiti jan wali luratanacapsa.

Aymar Bibliia 1986

¹ Cunapachatï Diosan temploparu saräta ucqhajja, sarnakañanjja sum amuyasim, juc'amp jac'achasim ist'añataqui, pisi amuyt'an jakenacjama mäqui jan arscamti sacrificio churañataqui, jupanacasti janiw amuyasipquiti jan wali luratanacapsa.

Qullan Arunaka DC

¹ 1 (17) Kunapachatix Diosan utapar sarkät ukkhaxa, sarnaqäwim uñakipasim, ñanqha lurir jaqinakan wilañchap luqtañat sipansa, ist'añatak jupar jak'achasim.

Eclesiastés 5:1 Jak'a apnaqawi uñst'ayäwi

2 Crónicas 26:16

Ucatsti cunapachatï reinopana wali ch'amani tucjjäna ucqhajja, jach'a jach'aw tucjjäna, uca laycusti aynacht'añaruwa purjjäna. Jupasti Tatit Diosaparojj janiw sum arcjjänti, jupasti Tatitun temploparojja incienso altarana naqhayañataquiw mantäna.

Job 22:12

“Diosasti alajjpachanquiwa, juc'ampi alayana; jayanquiri warawaranacasa cayu tact'äwipancaraquiwa;

Salmos 89:7

Take ch'aman ajjsarcay Diosätawa, alajjpachanquirinacamp muyuntatätawa.

Éxodo 3:5

Ucat Tatitojj saraquïna: —Jan jac'achanimti, wisqhuma cayumat apsusim cawqhanctatejj uca orakejja kollanawa.

Éxodo 30:18

“Mä tinaja bronceta jarisiñataqui luram; ucatsti uca tinaj-jja umampi phokt'asawa uchäta tantachasiñäquis ucata, altarampi taypiru.

Proverbios 10:19

Wali parlañanjja jucha lurañawa utji, ucampis horasapar amuct'añasti yatiñ cancañanquiwa.

Proverbios 15:8

Tatitojj ñankha jakenacan loktatanacapjja janiw uñjañ munquiti, ucampis cusisiñampiwa catoke cheka jakenacan mayisitanacapjja.

Proverbios 21:27

Tatitojj jucharar jakenacan sacrificio loktatanacaparojja uñisiwa, jupanacan jan wali amtäwinacamp loktapjjatap laycu.

Isaías 66:3

Ucampisa utjaraquiwa qhititejj mä orko vaca sacrificiot loktqui, uqhamarac mä jakjja jiwayapjje, mä ovejsa qharinucuraqui, ucamp chicsti anurus jiwayapjjaraquiwa, granonac loktasinsti ucampi chicsti qhuchin wilapsa loktapjjaraquiwa, inciensonac k'aphiyasasti, diosanacarus yupaychasipcaraquiwa. Take qhitinacatejj uqham yupaychañanac ajllipcän ucanacarojja walrac uqham lurañajj munasiraqui.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Hechos 10:33

Ucspachaw nayajj jumar jawsañatac qhitanta. Jumasti jichhajj asquin juttajja. Nanacasti takeniw acancapjjta Diosan nayrakatapana jumar ist'añataqui, take cuntï Tatitojj sisctam ucanac nanacar yatiyañamataqui.

Hechos 17:11

Uca marcanquir judionacasti juc'amp suma chuymanïpjjänwa, Tesalonicanquir judionacat sipansa. Jupanacasti take chuymaw Pablompir Silasampirojj isch'uquipjjäna. Sapüruraquiw Kellkatanacsa yatjjatapjjäna —Uca arunacajj ¿chekapunïpachati janicha? —sasa.

1 Corintios 11:22

¿Janit jumanacasti utanacanïpcta ucan mank'apjjañamataqui umapjjañamataquisa? Uqham lurasajj jumanacajj Diosan iglesiapwa jisc'achapjjtajja, jan mank'aninacarus p'enka tucuyapjjaractajja. ¿Camsapjjaraquïma? ¿“Waliquiw” sapjjämati? ¡Uca luratanacamajja janiw walïquiti!

Hebreos 10:26

Cunatejj chekäqui uca aru yatcasina juchachasiscaquiñäni ucajja, janiw juc'amp sacrificiojj utjcjjeti juchanacasatjja.

Santiago 1:19

Ucatpï munat jilatanaca, sapa maynis jumanacatjja janc'aquïñapaw ist'añataqui, ucampis janiw janc'aqui cunsa parlañapäquiti ni colerasiñapäcaraquisa.

Josué 5:15

Diosan ejercitopan jilïripasti aqham sänwa: —Wisqhum cayumat apsusim, cawqha chekarutï tact'cta ucqhajj kollanawa —sasa. Ucatsti Josué chachajj uqhamwa luräna.