Eclesiastés 5:1 - Qullan Arunaka DC

¹ 1 (17) Kunapachatix Diosan utapar sarkät ukkhaxa, sarnaqäwim uñakipasim, ñanqha lurir jaqinakan wilañchap luqtañat sipansa, ist'añatak jupar jak'achasim.

Aymar Bibliia 1986

¹ Cunapachatï Diosan temploparu saräta ucqhajja, sarnakañanjja sum amuyasim, juc'amp jac'achasim ist'añataqui, pisi amuyt'an jakenacjama mäqui jan arscamti sacrificio churañataqui, jupanacasti janiw amuyasipquiti jan wali luratanacapsa.

Qullan Arunaca

¹ Cunapachatï Diosan temploparu saräta ucqhajja, sarnakañanjja sum amuyasim, juc'amp jac'achasim ist'añataqui, pisi amuyt'an jakenacjama mäqui jan arscamti sacrificio churañataqui, jupanacasti janiw amuyasipquiti jan wali luratanacapsa.

Eclesiastés 5:1 Jak'a apnaqawi uñst'ayäwi

2 Crónicas 26:16

Ukampis kunapachatix marka apnaqäwipan wali ch'amanïxäna ukkhaxa, jach'a jach'aw tukxäna, ukaw jupar aynacht'ayäna. Jupasti Tatit Diosaparux janiw sum arkkxänti, jach'a jach'a tukuñapampiw Tatitun utaparux altaran incienso nakt'ayañatak mantäna.

Job 22:12

Diosax alaxpachankiwa, juk'ampi alayana; juk'amp alayankir warawaranakas kayu takt'äwipankiwa.

Salmos 89:7

7 (8) Taqi ch'aman axsarkay Diosätawa, alaxpachankirinakampi muyuntatätawa.

Éxodo 3:5

Ukat Tatitux sarakïna: —Jan jak'achasinimti, wiskhum apsusim, kawkhankktatix uka uraqix qullanawa.

Éxodo 30:18

“Broncet uma uchañ luräta, qunt'añapasti pachpa broncet luratäñaparakiwa; ukarusti umampiw phuqhantäta, uksti Jikisiñ Carpampi, altarampi ukanak taypiruw uchäta.

Proverbios 10:19

Sinti parlir jaqixa, sinti parlatap laykuw pantjasi; amukt'añ yatiñasti, yatiñ kankañankiwa.

Proverbios 15:8

Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Proverbios 21:27

Tatitux ñanqha jaqinakan waxt'äwinakap uñisi, jan wali amtäwinakamp luqtapxatap layku.

Isaías 66:3

Ukampisa mä urqu vaca wilañcha luqtapki, jaqirus jiwayasipkaraki ukham jaqinakaw utji; mä ovejsa wilañcha luqtañatak kharinukupki, ukamp chiksti anurus jiwayasipkaraki, granonak luqtasasti, ukampi chikxa khuchhin wilapsa luqtasipki, inciensonak q'uphichasasti, k'ari diosanakarus yupaychasipkaraki. Uka jaqinakax kuntix munapki ukhampun lurapxi, ukham lurañ amtapxaraki.

Levítico 10:3

Moisesasti Aaronarux sarakïnwa: —Tatitux akpï sañ munänxa kunapachatix siskäna: “Nayar jak'achasirinakarux q'uma kankañax uñacht'ayä, taqi israelitanakarusti k'ajkir qhanax uñacht'ayarakï” —sasa. Aaronasti uka arunak ist'asax janiw kunsa siskxänti.

Hechos 10:33

Ukspachaw nayax jumar jawsayir khithanta, jumasti jank'akiw juttaxa. Jichhasti taqiniw Diosan nayraqatapan akankapxtan, kuntix Tatitux nanakar yatiyañamatak sisktam ukanak ist'añ munapxarakta —sasa.

Hechos 17:11

Uka markankir judionakasti Tesalónica markankir judionakat sipan juk'amp suma chuymanïpxänwa. Jupanakax taqi chuymaw suma yatiyäwi arunak isch'ukipxäna. Qillqatanaksa sapürurakiw yatxatapxäna, jupanakar yatichapki uka arunakax chiqati, janicha uk yatiñataki.

1 Corintios 11:22

¿Janit jumanakasti utanakanïpkta utaman manq'apxañamataki, umapxañamatakisti? ¿Kunatarak ukham lurasasti Diosan iglesiap jisk'achayapxta, jan manq'añaninakar p'inqa tukuyasasti? ¿Kamsapxarakïmasti? ¿“Walikiw” sapxämati? ¡Uka luratanakamax janiw walïkiti!

Hebreos 10:26

Kunatix chiqäki uk yatkasin juchachasiskakiñän ukax, janiw juchanakasat wilañcha luqtañax wakiskxiti,

Santiago 1:19

Munat jilatanaka, akanak amtapxam: taqi jumanakasti ist'añatakix jank'akïpxam; ukatsipana, parlañatakisa, thithiñatakis k'achakïpxam.

Josué 5:15

Tatitun ejercitopan jilïripasti sänwa: —Wiskhum apsusim, kawkha chiqarutix takt'kta uka chiqax qullanawa —sasa. Josué chachasti jaysänwa.