1 Timoteo 2:1 - Qullan Arunaca

¹ Nayrakatajj ewjjt'apjjsmawa Diosat mayipjjam, oración lurapjjam, Diosarus yuspagarapjjam take jaketa.

Aymar Bibliia 1986

¹ Nayrakatajj ewjjt'apjjsmawa Diosat mayipjjam, oración lurapjjam, Diosarus yuspagarapjjam take jaketa.

Qullan Arunaka DC

¹ Nayraqatax taqi jaqinakatak Diosat mayiñamatakiw achikt'sma, jupanakat Diosar yuspagarasa, Diosan taqinir munasiñapa, yanapt'ap churañapataki.

1 Timoteo 2:1 Jak'a apnaqawi uñst'ayäwi

Esdras 6:10

Uqhamata, alajjpachanquir Diosaru suma sacrificionaca loktapjjañapataqui, uqhamarac reyitaquisa, wawanacapataquisa mayipjjañapataquiraqui.

Salmos 72:19

kollan sutipajj wiñayatac jach'añchatäpan, khapak cancañapasti oraker phokhantpan. ¡Uqhamäpan!

Jeremías 29:7

Cawquïri marcarutejj nayajj apayapcsma uca marcan asquipataqui irnakapjjaraquim, uca marcataquisti nayat mayipjjaraquita, uca marcan sumancañapatwa jutaraquini jumanacataquejj sumancañajja.

Hechos 17:30

Diosajj nayra jaquir jakenacan pisi amuyump jacatanacapjja janis cunäcaspa uqhamwa imantäna. Jichhasti takeniruw take token yatiyi, uca jan wali sarnakäwinac apanucupjjañapataqui.

Romanos 1:8

Jumanac laycojj Jesucristo tokew nayrakat Diosajjar sinti yuspagarta, jumanacan Diosar iyawsapjjatamatsti take chekanwa parlasi.

Romanos 6:17

Ucampis nayajj Diosarojj yuspagartwa jumanacan uca juchan esclavöñat mistunitanacamata, take chuymanacamampi Diosar iyawsasa, cuna yatichäwinactejj jumanacajj catokapcta ucarjama.

1 Corintios 15:3

Nayrakatajja cuna yatichäwinactï nayajj yatekctjja ucaracwa jumanacarojj yatichapjjsma; ucasti aqhamawa: Cristow Kellkatanacarjamajj crusan jiwawayi juchanacas laycu.

2 Corintios 8:6

Ucatwa nanacajj Titoru achict'apjjta jumanac taypinjja apthapt'añapataqui aca munasiñ ofrendjja, cunjämtï nayrajj apthapt'apcataynajj uqhama.

Efesios 3:13

Ucatpï jumanacarojj achict'apjjsmajja, jumanac laycu t'akhesitajjatjja jan pächasipjjamti, antisas acajj jumanacataquejj mä jach'a jach'añchäwiwa.

Efesios 5:20

Dios Awquirojj take cunatsa yuspagarapjjapunim, Tatit Jesucristosan sutiparu.

Efesios 6:18

Acanacsti oracionampipuni lurapjjam, Diosar mayisina Kollan Ajayu toke. Uc lurañataquisti janc'aquïpjjam, jan pächasisa, uqhamarac take qhitinacatejj Diosancapqui ucanacataquis Diosatjj mayipjjaraquim.

Filipenses 1:3

Sapa cuti jumanacat amtasta ucqhajja Diosaruw yuspagarta.

Filipenses 4:6

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

1 Tesalonicenses 3:12

Tatitusti jumanacar jiltaypan, juc'ampi maynit maynicam munasiñanacamajj utjaracpan, cunjämtejj nanacajj jumanacar munasipjjsma uqhama.

2 Tesalonicenses 1:3

Jilatanaca, jumanacatjja Diosarojj yuspagarapjjapuniñajjawa, asquiwa ac lurañanacajjajja, jumanacan iyawsäwinacamajj jilascatap laycu, uqhamarac maynit maynicama munasiñanacamajj sapürutjamaw juc'ampi utjascaraqui.

1 Timoteo 2:4

Jupajj takenin khespiyatäñapwa muni, cunatejj chekäqui uc uñt'apjjañaparaqui.

1 Timoteo 5:5

Mayni warmitejj chekpachana ijmächejja, sapaquirac kheparawayjjchi ucajja, Diosaruquiw suyt'i, jan karjtasinwa uruy aruma oracionjj luraraqui.

2 Timoteo 2:24

Tatitun mä sirviripajj janiw nuwasiñanacan sarnakañapäquiti, ucatsipana takenimpis sumancañapawa. Munasirïñapawa yatichañataquejj sumäñapawa, uqhamarac llamp'u chuymanïñaparaquiwa.

Tito 2:11

Diosasti uñachayistuwa qhuyapayasiñapjja khespiyasiñap apanisa take jaketaqui.

Tito 3:2

Janiraqui qhiti toksa jan waljja parlapjjpati, jan ucasti sumanquirïpjjpan, uqhamarac munasiñani llamp'u chuyma takenirusa uñacht'ayasa.

Hebreos 6:11

Ucampis muntanwa sapa mayni jumanacan uca jasa chuyma utjapctam ucjja uñachayapjjañama tucuycama, cunatejj suyatäqui ucajj phokhasiñapataqui.

Santiago 5:16

Ucatpï jumanac purajj maynit mayniru juchanacamjja arsusipjjañamajja, ucatsti maynejj maynitaqui orañaparaquiwa uqhamata c'umaräjjañapataqui. Mä asqui jaken oracionapasti wali ch'amaniraquiwa.