Juan 16:23 - Qullan Arunaca

²³ “Ucürunjja janiw cuns jisct'jjapjjetätati. Khanacwa sapjjsma, Awquiru cuntejj nayan sutejjaru mayipcäta ucjja churapjjätamwa.

Aymar Bibliia 1986

²³ “Ucürunjja janiw cuns jisct'jjapjjetätati. Khanacwa sapjjsma, Awquiru cuntejj nayan sutejjaru mayipcäta ucjja churapjjätamwa.

Qullan Arunaka DC

²³ “Uka urunsti janiw kunsa jiskt'xapxitätati. Qhanak sapxsma, kuntix nayan sutixar mayipkäta ukxa Awkix churapxätamwa.

Juan 16:23 Jak'a apnaqawi uñst'ayäwi

Isaías 65:24

Janïraw jupanacajj jawsapquitaniti, ucapachaw nayajj jupanacar jaysä; janïraw parlañsa tucuyapcaniti ucapachaw nayajj jupanacar ist'ä.

Mateo 21:22

Take cuntejj oracionan mayipjjasma, ucat iyawsapjjaraquisma ucajja catokapjjasmawa.

Mateo 7:7

“Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa.

Juan 14:20

Ucüruwa jumanacajj Awquincatajja yatipjjäta, jumanacasti nayancatajjaraqui, nayasti jumanacampïtajjaraqui.

Juan 14:22

Judasajj (aca Judasajj janiw Iscariote ucäquiti) Jesusarojj sänwa: —Tata, ¿cunatsa nanacarojj uñacht'ayasipjjetäta, acapachanquir jakenacarusti janirac uñacht'ayascätati? —sasa.

Juan 14:5

Tomasejj Jesusarojj siwa: —Tata, janiw yatipcti cawquïru sarañamsa, ¿cunjämsa uca saräwjja yatipjjäjja? —sasa.

Juan 15:7

“Jumanacatejj nayampi mayaquïsipcätajja, janirac yatichäwinacajj armapcäta ucajja, mayipjjam cuntejj munapcäta uca, ucatsti churatäpjjätawa.

Juan 16:19

Jesusajj yatïnwa cuntejj jisct'asiñ munapjjäna uca, ucatsti saraquïnwa: —Nayajj sapjjäyäsmawa: ‘Mä juc'a urunacatjja janiw uñjcjjapjjetätati, ucatsti mä juc'ampjarojj wasitampi uñj-jjapjjaraquitätawa’ sasa. ¿Acti jumanacajj jisct'asisipcta?

Juan 16:26

Ucürunjja jumanacajj mayipjjätawa nayan sutejjaru. Janiw sapcsmati: Nayajj Awquirojj mayïwa jumanacataqui, sasa,

Juan 16:30

Jichhaw uñjapjjta take cun yatitama, janiraquiw munascjjeti jumaru qhitin jisct'asiñapasa. Ucatwa iyawsapjjta Diosat jutatama —sasa.

Efesios 2:18

Takeniw Cristo toke, judionacasa jan judionacasa, mä sapa Ajayu tokequi Awquirojj jac'achastan.

1 Juan 2:1

Munat wawanacajja, acanacwa kellkanipjjsma juch jan lurapjjañamataqui. Ucampis cawquïritejj juchañchasqui ucataquejj, utjistuwa mä arjjatirisa alajjpach Awquisan nayrakatapana, ucasti Jesucristowa, jupajj chekawa.