Juan 16:22 - Qullan Arunaca

²² Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Aymar Bibliia 1986

²² Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Qullan Arunaka DC

²² Jichhasti jumanakax llakisipxtawa; ukampis nayax wasitat jumanakar uñjapxäma ukapachasti, chuymanakamax kusisiniwa, janirakiw khitis uka kusisiñ apaqapkätamti.

Juan 16:22 Jak'a apnaqawi uñst'ayäwi

Job 34:29

Ucampisa Diosatejj amuct'aspa ucapachasti ¿qhitiraqui juchañchaspa? Diosatejj maysa uñtaspa ucapachasti ¿qhitirac uñjaspa? Jupajj marcanacarusa, jakenacarusa uñjascapuniwa,

Salmos 146:2

Jacañajjcamajj Tatituruw jach'ar aptä; jupataquiw k'ochuraquï.

Salmos 33:21

Jupampiw chuymanacasajj cusisi, kollan sutiparuw take chuymamp iyawsapjjtan.

Isaías 25:9

Uca urunsti sataraquïniwa: “Acapi jïwasan Diosasajja, juparuw iyawstan, juparaquiw jiwasarojj khespiyistu, cusisipjjañäni, c'uchirtasipjjaraquiñäni, jupaw khespiyistu.”

Jeremías 31:12

“Jutapjjaniwa, ucatsti Sión kollu patan cusisiñat k'ochupjjani, cuna asquinactejj Tatitojj jupanacaru lurcani ucanacatwa cusisipjjaraquini: trigo, vino, aceite, ovejanaca, uqhamaraqui vacanacsa. Suma karpata fruta yapunacar uñtatäpjjaniwa, ch'amanacapasti janiraquiw mayampsa tucuscjjaniti.

Mateo 28:8

Warminacasti uc ist'asinjja janc'aquiw sepulturat sarjjapjjäna, wali sustjata ucampis cusisitaraqui. Jalapjjaraquïnwa cunatejj pascatayna uca discipulonacapar yatiyañataqui.

Lucas 10:42

Ucampis mayaw waquisejja. Mariajj sumïrïquis ucwa ajllisi, janiraquiw ucjj qhitis apakcaniti —sasa.

Lucas 16:25

Abrahamasti juparojj sänwa: ‘Wawa, amtasim cunjäms jacañamanjj wali sum jacäyätajj uca. Lazaron jacäwipasti jan walipunïnwa. Jichhasti acanjja jupajj cusisiñ catoke, jumasti t'akhestawa.

Lucas 19:26

Reyisti saraquiwa: ‘Sapjjsmawa, qhitintejj utjqui ucarojj juc'ampiw churasini, ucampis qhitintejj jan utjqui ucatjja mä juc'a utjiripasa apakatäniwa.

Lucas 24:41

Ucampis jupanacajj cusisiñampit ajjsarapjjänwa janïraw iyawsapcänti, ucatsti Jesusajj jupanacarojj sänwa; —¿Acan cuna mank'añas utjapjjtamti? —sasa.

Juan 14:1

“Jan jumanacajj llaquisipjjamti. Iyawsapjjam Diosaru, nayarus iyawsapjjaraquita.

Juan 14:19

Mä juc'ampitjja jakenacajj janiw juc'ampi uñjcjjapjjetaniti, ucampis jumanacajj uñjasipquitätawa, jumanacajj jacapjjätawa nayan jacascatajj laycu.

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Juan 16:16

“Mä juc'a urunacampitjja janiw uñjcjjapjjetätati, ucampis mä juc'ampjarojj uñj-jjapjjaraquitätawa, nayajj cawquincquitejj Awquejj ucar sarascatajj laycu.

Juan 16:20

Khanacwa sapjjsma, jumanacajj jachapjjätawa, llaquisipjjaraquïtawa, acapachanquir jakenacasti cusisipjjaraquiniwa. Ucampis jumanacajj llaquitäcasinjja, llaquinacamajj cusisiñaruw cutiquipstani.

Juan 16:6

Acanac arsutajjatjja jumanacajj llaquitaquëjjapjjtawa.

Juan 21:7

Ucat Jesusan wali munat discipulopajj Pedrorojj sänwa —¡Tatituwa! —sasa. Simón Pedrojj Tatitütap yatisinjja ucspachaw patjja isip usct'asisin umaru t'iscunti (uca isipjja nayrakatajj apsusitaynawa).

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Hechos 13:52

Tatitur iyawsirinacasti wali cusisitäpjjänwa. Kollan Ajayumpi phokt'atäpjjaraquïnwa.

Hechos 16:25

Ucampis niya chica arumarojja, Pablomp Silasampejj oración lurasipcäna, uqhamarac Diosarus k'ochunac k'ochusipcäna. Maynïr presonacasti ucanacjja ist'apjjaraquïnwa.

Hechos 2:46

Sapüruw templon tantachasipjjäna. Utanacapansti mayaquiw t'ant'a pachjasajj mank'asipjjäna take cusisiñampi, llamp'u chuymampiraqui.

Hechos 5:41

Apostolonacasti jilïrinacan nayrakatapatjja cusisitaw mistuwayjjapjje: —Diosajj jiwasanacarojj walicwa ajllisistojja aqham Tatitun sutip laycu t'akhesiñasataquejja —sasa.

2 Corintios 6:10

Llact'atäpcta ucasa, cusisitaquipunïsipctwa; jan cunanïpcta ucasa, waljaniruraquiw kamiriptayapjjtjja; janis cunanïpctsa ucampis janiw cunas pist'apcaraquituti.

2 Tesalonicenses 2:16

Tatit Jesucristos pachpa, uqhamarac Dios Awquisasa qhuyapayasiñapampiw munasistu wiñay chuymachäwi churasa, uqhamarac mä suma suyt'añampi.

Hebreos 10:34

Jumanacajj carcelanquirinacatjja sintisipjjäyätawa, cusisiñampiraquiw t'akhesipjjäyätajja cunapachatï utjirinacam aparapcäyätam ucqhajja, alajjpachanjja ucat juc'amp suma wiñayataquiraqui catokañanacama utjatapa yatisina.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

1 Pedro 1:8

Jumanacajj jan uñjapcsta ucasa, Jesucristorojj munapjjtawa, uqhama jan uñjcasasa iyawsapjjaractawa, waliraqui cusisipjjtajja. Uca jach'a cusisiñanacamasti janiw arunacampi arsuñjamäquiti,