Efesios 3:20 - Qullan Arunaca

²⁰ Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.

Aymar Bibliia 1986

²⁰ Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.

Qullan Arunaka DC

²⁰ Jichhasti Diosax jach'añchatäpan, jupax ch'amaniwa kuntix mayktan, lup'karaktan ukanakat sipan juk'ampi lurañataki, jiwasanakan luraski uka ch'amapat yuspagaratäpan.

Efesios 3:20 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 18:4

Jumataqui waliquïchi ucqhajj mä juc'a uma mayï cayunacam jarekasiñamataqui, ucatsti mä juc'a rato koka ch'iwir samart'añamataqui.

2 Samuel 7:19

¡Take ucanacasti jumataquejj janiw cunäquisa, Tatitu, aca sirviriman, uqhamarac wawanacajjan apnakañapajj cunjamäcanitï acat kheparojja uca tokenacatsa khanañcharactawa! ¡Janiw qhiti jakesa jumjamajj lurquiti, Tatitu!

1 Reyes 3:13

Uqhamaraquiw churaracsma kamir cancañanaca, uqhamarac jach'a cancaña, ucanacsti janiw jumajj mayquistati, jumjama yakha reyejja take jacañamanjja janiw utjcaniti.

2 Crónicas 25:9

Amasías reyisti Diosanquir jakerojj jisct'änwa: —Ucatsti, ¿camachatänisa quimsa waranka quimsa pataca kilo kollke Israel ejercitoru churcta ucampejja? —sasa. Ucjjarusti Diosanquir chachasti sänwa: —Tatitunjja juc'ampiwa utji ucat sipansa jumar churañataquejja —sasa.

2 Crónicas 9:12

Salomón reyisti chuymatjama churänwa Sabá marcanquir reinarojja take cuntï jupajj maycäna ucanaca, reinajj churcäna ucatsa juc'ampwa churäna. Ucatjja reinajj orakeparojj cutt'jjänwa jupan sirvirinaca jakenacapamp chict'ata.

Éxodo 34:6

Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Cantar de los cantares 5:1

Pankar yapojjarojj mantjjtwa, munat cullaquitajja, mirrjja apthapisjjtwa, uqhamarac suma k'apquir kollanacsa, misq'jja tapatpachwa mank'ta, vinsa, lechsa umt'aractwa. Munat amigonacajja: mank'apjjam, umapjjaraquim, ¡umapjjam kawktï munapctajja ucqhacama!

Isaías 35:2

lirio pankarjam pankarpan, cusisiñampisti phokt'asiracpan. Diosajj juparojj Líbano kollur uñtatwa wali suma tucuyani, wali suma achuri orakeraqui Carmelo jan ucajj Sarón sisqui uca kollunacjama. Takeniw Tatitun c'ajquir jach'a cancañapa uñjapjjani, Diosan jach'a cancañapa.

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Jeremías 32:17

‘Tata, jumaw jach'a ch'amamampi alajjpachsa, acapachsa lurtajja. Janiw jumataquejj cunas jan lurasirjamajj utjquiti.

Jeremías 32:27

“Nayätwa take jaquirinacana ch'amani Diosapajja. Janiraquiw nayataquejj cunas jan lurasirjamajj utjquiti.

Daniel (hebreo) 3:17

—Nanacan Dios Awquejjasti, qhitirutejj nanacajj yupaychapjjta ucasti nanacarojj uca akquiri ninatsa apsusinipcaquitaspawa, uqhamaraqui take jan walinacatejj lurasqui ucanacatsa khespiyapjjaraquitaniwa.

Daniel (hebreo) 6:20

uca puturu jac'achasisinsti reyejj Daniel chacharuw wali llact'ata arumpi jawsäna, aqham sasa: —Daniel, jacquiri Diosan sirviripa, ¿cawquïri Diosamarutejj take chuymamampi sirvcta ucajj khespiytamti leonanacan lacapatjja? —sasa.

Mateo 3:9

Janiraqui jumanacajj ‘Abrahaman wawanacapäpjjtwa’ sapjjamti, Diosasti aca kalanacatsa Abrahaman wawanacapjj sartayaspawa.

Juan 10:10

“Lunthatajj jutiwa lunthatasiñataqui, jiwayañataqui, tucjañataqui, ucampis nayajj juttwa jacañanïpjjañamataqui, uqhamarac jilarquir jacañanïpjjañamataquiraqui.

Romanos 16:25

Jichhasti Diosaru yupaychapjjañäni. Jupaquiwa jumanacarojj wali ch'amani tucuyaspajja, cunjämtejj nayajj jumanacaru yatichapcsmas khespiyasiñ toketjja, Cristo laycu utjatapäquis ucan sarnakañanjja. Take acanacasti Diosan khanstayatawa, ucampis janïra aca orakejj lurasquipanwa imantatänjja.

Romanos 4:21

take chuyma catuyasisina, Diosajj ch'amanïtapa cuntejj sisquejj ucanaca phokhañataqui.

1 Corintios 2:9

Ucampis uca Diosan amtäwipajja Kellkatanacarjamäscaraquiwa: “Jupar munirinacataquejja Diosajj jan qhitin uñjata, jan qhitin ist'ata, jan qhitin amtat yänacwa waquichi.”

2 Corintios 9:8

Diosajj jumanacarojj take casta bendicionanacwa jilarquir churapjjeristamjja, uqhamat jumanacajj take cunampis phokt'atäpjjañamataqui, ucat take asqui luräwinacan yanapt'asipjjañamataqui.

Efesios 1:19

uqhamaraqui cunja jach'asa jan tucusquiriraquisa ch'amapajja, cawquïritejj lurqui jiwas iyawsirinacjjana. Aca muspharcañ ch'ama Diosajj uñacht'aycäna,

Efesios 3:7

Janis nayan waquiscchïna ucasa, Diosan ch'amap tokewa aca arunac apañatac uscutätjja.

Colosenses 1:29

Ucataquiraquiw nayajj irnakta ch'am tucusa, cuntï Tatitojj churquitu uca ch'amampi.

1 Timoteo 1:14

Ucatwa nayataquejj Tatitun bendicionapajj wali jach'änjja, uqhamarac iyawsañasa munasiñasa jiwasan utji Tatit Jesucristoncatas laycu.

Hebreos 11:19

Abrahamajj yatïnwa Diosajj jiwatanac jactayañataquis ch'amanïtapa, ucasti mä arunjja aqhamäspawa: Abrahamajj wastatsa wawapjja jiwatanac taypit catokaspa uqhamawa.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.

Santiago 4:12

Ucampis mayniquiw ley churirejj utji, jupa sapaquiraquiwa Taripirejja, jupaquiraquiw khespiyaspasa jan ucajj t'unjaspasa. Ucampis jumasti ¿qhitiraquïta mayniru taripiristi?

2 Pedro 1:11

Uqhamatwa jumanacarojj churasiraquini jiwasan khespiyiri Jesucriston wiñay marcapar khespita mantapjjañamajja.

Judas 1:24

Mä sapa Dios, jiwasan Khespiyirisaraqui, jupajj ch'amaniw jumanacar imañataquejja jan tincupjjañamataqui, ucatsti jan k'añuni cusisiñan phokt'ata jupan c'ajquir nayrakatapan uñstapjjañamataqui.