Mateo 6:6 - Qullan Arunaca

⁶ Jumajj mayiscätas ucqhajja, utamar mantam; puncum jist'antasisinsti mayisiraquim Awquimata qhititejj jumampïsqui ucaru. Awquimasti uñjasctamwa jamasan mayisisquirjja, ucatsti jupajj mayisitamarojj ist'ätamwa.

Aymar Bibliia 1986

⁶ Jumajj mayiscätas ucqhajja, utamar mantam; puncum jist'antasisinsti mayisiraquim Awquimata qhititejj jumampïsqui ucaru. Awquimasti uñjasctamwa jamasan mayisisquirjja, ucatsti jupajj mayisitamarojj ist'ätamwa.

Qullan Arunaka DC

⁶ Jumasti Diosat mayiskäta ukkhax, utamar mantam, punku jist'antam, ukatsti Awkimarux uka jamasan mayisim. Awkimasti jamasan mayisitam uñjasax churätamwa.

Mateo 6:6 Jak'a apnaqawi uñst'ayäwi

2 Reyes 4:33

Ucatsti mantasinjja uta puncu jist'antasisinwa Tatitur oracionan mayiña kalltäna. Uca uta mankhenjja Eliseompi wawampiquiw ucancapjjäna.

Salmos 34:15

Tatitojj asqui jakenacaruw imasqui, arnakasitanacaparusti ist'araquiwa.

Proverbios 25:22

uqham lurasinsti llacthapisiyätawa, p'enkasiyaraquïtawa, ucatsti Tatituw jumarojj cutiyjjätam.

Isaías 26:20

Nayan marcajja, sartasim, ucatsti utamar mantam, ucatsti puncum jist'catasinim, imantasiraquim, Tatitun colerasiñapajj pasañapcama.

Isaías 65:24

Janïraw jupanacajj jawsapquitaniti, ucapachaw nayajj jupanacar jaysä; janïraw parlañsa tucuyapcaniti ucapachaw nayajj jupanacar ist'ä.

Mateo 14:23

Jakenaca qhitanucjjatatsti, jupajj sapaquiw kolluru oración luriri maqhatawayjjäna. Ucancascaraquïnwa arumt'añapcama.

Mateo 6:18

uqhamata jakenacajj jan amuyapjjañapataqui juman ayunascatama. Juma sapampïquis uca Awquimaquiwa yatiñapajja, ucatsti jupajj bendiciraquïtamwa.

Mateo 6:4

jan ucasti jan qhitiru yatiyasaqui luram, uqham luratamatsti alajjpachanquir Awquimajj cuttayjjätamwa.

Juan 1:48

Ucatsti Natanaelajj jisct'änwa: —¿Cunjats uñt'ista? Jesusasti saraquïnwa: —Janïr Felipejj jawscäyätam ucqhatpachaw nayajj uñjsma cunapachatejj higo ali c'uchuncascäyäta ucapacha —sasa.

Juan 20:17

Jesusasti sänwa: —Jan llamct'istati, janïraw Awquejjan ucaru maqhatcti. Ucampis saram, jilanacajjar yatiyanim, sarasctwa cawquincquitejj Awquejjajj ucaru, jupasti jumanacan Awquimaraquiwa, nayan Diosajjawa jumanacan Diosamaraquiwa.

Hechos 10:30

Corneliosti ucjjarojj sänwa: —Niya pusüröjjewa, cunapachatï nayajj utajjana aca quicpa horasana ayunascäyäta, uqhamarac jayp'u token quimsa horasan oracionsa lurascäyäta, ucapachasti mä khanquir isin chachaw nayar uñstitu.

Hechos 10:9

Khepürusti, jupanac thac sarquipana, Jope marcar jac'achapquipanwa, Pedrojj uta pat terrasar maqhatäna oración luriri. Ucasti niya chica uröjjänwa.

Hechos 9:40

Pedrosti takeniruw ankar qhitsu. Ucatwa quillt'asisin Diosat mayi. Jiwat warmir uñjjatasinsti saraquiwa: “¡Tabita, sartam!” sasa. Ucspachaw warmejj uñatati, Pedror uñcatasinsti, kont'asiwa.

Romanos 8:5

Qhitinacatejj janchin munañaparjam jacasipqui ucanacajja acapachan jacañatacwa llaquisipjje, ucampis qhitinacatejj Ajayump jacapqui ucanacajj Ajayu token jacañatwa llaquisipjjaraqui.

Efesios 3:14

Ucatpï quillt'astjja [Tatit Jesucriston] nayrakataparojja.