Jeremías 33:3 - Qullan Arunaca

³ Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Aymar Bibliia 1986

³ Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Qullan Arunaka DC

³ Nayar art'asita, nayasti ist'ämawa, ukatsti kuna muspharkañanaktix jumax jan yatkta, ukanak uñacht'ayäma.

Jeremías 33:3 Jak'a apnaqawi uñst'ayäwi

Salmos 145:18

Tatitojj art'asirinacapan jac'apancasquiwa, takpach chuymamp jupat art'asirinacan jac'apanquiwa.

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Salmos 50:15

llaquincasin jawsanita; nayajj khespiyämawa, jumasti jach'aruw aptitäta” sasa.

Salmos 91:15

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Isaías 45:3

Nayaw jumarojj cunanacatejj imantatäqui uca yänac catuyäma, cuna kamir cancañanacatejj jamas chekanacan imantatäqui ucanaca catuyäma, uqhamat yatiñamataqui nayan Tatitütajja, Israelan Diosapa qhititejj sutimat jawsctam uca.

Isaías 48:6

Jumajj take ucanacwa ist'tajja, ucat amuyasim, chekaw sañamajj waquisiraquiwa. Jichhajj machak yatiyäwinac yatiyäma, imantat yänaca cunanactejj jumajj jan yatcayäta ucanaca;

Isaías 65:24

Janïraw jupanacajj jawsapquitaniti, ucapachaw nayajj jupanacar jaysä; janïraw parlañsa tucuyapcaniti ucapachaw nayajj jupanacar ist'ä.

Jeremías 23:35

Cunapachatejj maynejj mä amigoparu, jan ucajj mä familiarusa jisct'anejja, ucapachasti sascaraquiniwa: ‘¿Camsisa Tatitojja? ¿Cunsa jupajj arsu?’ sasa.

Jeremías 29:12

Ucapachaw jumanacajj nayaru art'asipjjetäta, ucatsti nayan ucaruw jutapjjaraquïta, nayaru mayisisa, nayasti mayisitanacamjja ist'apjjaraquïmawa.

Jeremías 32:17

‘Tata, jumaw jach'a ch'amamampi alajjpachsa, acapachsa lurtajja. Janiw jumataquejj cunas jan lurasirjamajj utjquiti.

Jeremías 32:27

“Nayätwa take jaquirinacana ch'amani Diosapajja. Janiraquiw nayataquejj cunas jan lurasirjamajj utjquiti.

Daniel (hebreo) 2:18

jupanacarojj yatiyänwa alajjpachanquiri Diosan yanapapa mayipjjañapataqui, uca jan khanañchañjama samca toketa yanapt'añapataqui, uqhamata jan jupanacajj Babilonianquiri yatiñani jakenacampi chica jiwarayatäpjjañapataqui.

Daniel (hebreo) 2:22

Jupaw khanañchi jamasan imantata yänacsa, cunatejj ch'amacancqui ucsa yatiraquiwa, khanasti jupancaraquiwa.

Daniel (hebreo) 2:23

Nayra awquinacajjan Diosapa, jumaruw nayajj yuspagarsma, yupaycharacsma, nayaru ch'amani, yatiñani tucuyista ucata; jichhasti khanañcharaquista cuntejj jumaru mayipcsma ucsa; cunatejj reyiru llaquisiycän ucsa yatiyapjjaraquistawa,” sasa.

Joel 2:32

Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Miqueas 7:15

Egiptot apsuncta uca urojj cuna muspharcañanactejj uñacht'aycta uca pachpa muspharcañanacay uñacht'ayaraquim.

Mateo 13:35

Take acanacasti phokhasiscänwa cunjämtejj profetajj kellkatayna ucarjama: “Uñtasïwinac toke parlä; cunanacatejj imantatäqui orak kalltäwitpacha ucanac saraquï.”

Hechos 2:21

Take qhitinacatejj Tatitun sutipar art'ascanejja, khespiyatäniwa’ sasa.

1 Corintios 1:2

kellkanipjjsma Diosan iglesiapanquir Corinto jilatanacaru. Jumanacasti Diosanquirïpjjaractawa Jesucristompi mayaquïpjjatam laycu. Diosaraquiw jumanacarojj jawsapjjtam Diosar catuyata k'oma jacañan sarnakapjjañamataqui, qhitinacatejj take chekansa Tatit Jesucriston sutipar mayisisa sarnakapqui ucanacampi chica sarnakapjjañamataqui. Uca Jesucristosti take jupanacana, uqhamarac jiwasanacan Tatitusawa.

Efesios 3:20

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.

Deuteronomio 4:29

Ucampis jumanacatï uca chekan Tatitu Diosaru thakhapjjäta take chuymampi, take jacañampi ucqhajj jicjjatapjjätawa.

Deuteronomio 4:7

Jichhasti, ¿cawquïri jach'a marcarac utji, diosanacapampi jupanac jac'ana, cunjämatï jiwasan Tatitu Diosasajj jac'asancqui, sapa cuti cunapachatï jupar mayistan uqhama?

Apocalipsis 2:17

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.’