Jeremías 33:3 - Qullan Arunaka DC

³ Nayar art'asita, nayasti ist'ämawa, ukatsti kuna muspharkañanaktix jumax jan yatkta, ukanak uñacht'ayäma.

Aymar Bibliia 1986

³ Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Qullan Arunaca

³ Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Jeremías 33:3 Jak'a apnaqawi uñst'ayäwi

Salmos 145:18

Tatitux art'asirinakapan jak'apankaskiwa, chiqpach chuymamp jupat art'asirinakan jak'apankiwa.

Salmos 25:14

Tatitux arkirinakapampix sum parlasi, jupanakarusti arust'äwir mantatap uñt'ayi.

Salmos 50:15

Llakitäkät ukkhax nayar jawsita; nayasti qhispiyämawa, jumax jach'aruw aptarakitäta” sasa.

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Isaías 45:3

Nayaw jumarux imantat yänak katuyäma, kuna qamir yänakatix jamasan imantatäki ukanaka. Ukhamat yatïta nayan Tatitütaxa, Israelan mä sapa Diosapätapa.

Isaías 48:6

Jumatix sum amuyt'äta ukaxa, chiqaw, sañamax wakisirakiwa. Jichhax machaq yatiyäwinak yatiyäma, kunanaktix jumax jan yatkäyäta ukanaka,

Isaías 65:24

Janïraw jupanakax jawsapkitaniti, ukkhax niyaw nayax jupanakar jaysä; janïraw parlañsa tukuyapkaniti, ukkhax niyaw jupanakar ist'ä.

Jeremías 23:35

Kunapachatix maynix mä masiparu, jan ukax mä wila masiparus jiskt'anixa, jupax sarakiniwa: ‘¿Kunsa Tatitux arusxati? ¿Kamsis Tatituxa?’ sasa.

Jeremías 29:12

Ukapachaw jumanakax nayar art'asipxitäta, ukatsti nayan ukaruw jutapxarakïta, nayaru mayisisa, nayasti mayisitanakamxa ist'apxarakïmawa.

Jeremías 32:17

‘Tatay, jumaw jach'a ch'amamampi alaxpachsa, akapachsa lurtaxa. Janiw jumatakix kunas jan lurasirjamax utjkiti.

Jeremías 32:27

“Nayätwa taqi jakirinakan ch'amani Diosapaxa. Janiw nayatakix kunas jan lurasirjamax utjkiti.

Daniel (hebreo) 2:18

uka jan qhanañchañjama samka tuqita alaxpach Tatitun yanapap mayipxañapataki, ukhamat jupanakax Babiloniankir yatiñan jaqinakamp chik jan jiwarayat uñjasipxañapataki.

Daniel (hebreo) 2:22

Jupaw jamasan imantatanak qhanañchi; jupaw kunatix ch'amakankki uk uñt'i, jupampiw qhanax jaki.

Daniel (hebreo) 2:23

Nayra awkinakaxan Diosapay, jumaruw nayax yuspagarsma, yupaycharaksma, jumaw yatiñ kankañ churista, ch'am churarakista; jichhasti jumaw mayipksma uk yatiyista: reyir llakisiykän uksa qhanañchapxarakista” sasa.

Joel 2:32

32 (5) Khitinakatix Tatitun sutipar art'askani ukanakaw jiwañat qhispipxani, Sión qulluna, Jerusalén markana qhispiyasiñax utjani, Tatitun arsutaparjamaw phuqhasini. Khitinakarutix Tatitux ajlliskatayna ukanakax jakasipkaniwa.

Amós 3:7

Tatitux janipuniw kunsa lurkaspati profeta luqtirinakapar jan yatiykasaxa.

Miqueas 7:15

Egiptot irpsunkta uka urux kuna muspharkañanaktix Israel markar uñacht'aykta uka pachpay uñacht'ayapxita.

Mateo 13:35

Taqi akanakasti kunjämtix profetax qillqkatayna ukarjamaw phuqhasiskäna: “Uñtasïwinak tuqiw parlä; kunanakatix uraqi qalltäwitpach imantatäkän ukanak yatiyä.”

Hechos 2:21

Tatitun sutipar art'asir jaqinakasti, qhispiyasiñ jikxatapxani” sasa.

Efesios 3:20

Jichhasti Diosax jach'añchatäpan, jupax ch'amaniwa kuntix mayktan, lup'karaktan ukanakat sipan juk'ampi lurañataki, jiwasanakan luraski uka ch'amapat yuspagaratäpan.

Deuteronomio 4:29

Ukampis jumanakatix uka chiqan Tatit Diosamar taqi chuymampi, taqi jakañampirak thaqhapxäta ukaxa, jikxatapxätawa.

Deuteronomio 4:7

¿Kawkïr jach'a markan diosaparak jupanak jak'anki, kamisatix Tatit Diosasax jupar art'asipktan ukapacha jiwasanak jak'ankki ukhamsti?

Apocalipsis 2:17

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirinakarusti, maná sat imantat t'ant'at manq'ayä; ukatsti mä janq'u qala churarakï, uka qalansti mä machaq sutiw qillqt'ata, uka sutsti janiw khitis yatkiti, uka qala katuqirikiw yati.’ sasa.