2 Corintios 1:11 - Qullan Arunaca

¹¹ jumanacatejj nanacar oracionanacamampi yanapapjjetäta ucqhajja. Walja jakenacatejj nanacatac Diosat mayinejja, waljaniraquiw Diosarojj yuspagarapjjani bendicionanaca churquistu ucatjja.

Aymar Bibliia 1986

¹¹ jumanacatejj nanacar oracionanacamampi yanapapjjetäta ucqhajja. Walja jakenacatejj nanacatac Diosat mayinejja, waljaniraquiw Diosarojj yuspagarapjjani bendicionanaca churquistu ucatjja.

Qullan Arunaka DC

¹¹ jumanakatix nanakatak Diosat mayipxät ukkhaxa. Walja jaqinakatix nanakatak Diosat mayinixa, waljanirakiw katuqktan uka aski churäwinakapat Diosarux yuspagarapxani.

2 Corintios 1:11 Jak'a apnaqawi uñst'ayäwi

Isaías 37:4

Añchaquit Tatitu Diosamajj asirio oficialan jan wali arunacapjja ist'qui, jupasti jan wali arunacwa Dios toke arsuraqui. Inach Diosajj mutuyaspa cuna arunactejj arsqui uca arunacata. Jichhajj jumajj Diosata mayt'am qhitinacatejj kheparasipqui ucanacataqui” sasa.

Hechos 12:5

Uqhamaw Pedrojj carcelan soldadonacampi wali uñjatäscäna. Ucampis Tatitur arquirinacajj Diosat oracionan jan inact'asaw jupatac mayipjjäna.

2 Corintios 4:15

Take ucanacasti jumanacan asquinacamataquiw lurasiraqui, uqhamata waljani Diosan bendicionanacapa catokerinac utjatapatjja, waljanirac Diosarojj yuspagarapjjañapataqui jupan jach'a khapak cancañapata.

2 Corintios 9:14

Jupanacasti jumanacataquejj take munasiñampiw Diosat mayipjjaraquini, Diosajj jumanacar jach'a qhuyapayasiñap uñacht'ayatapata.

Filipenses 1:19

Nayajj yattwa, take acanacatjja walicwa mistuscäjja, jumanacan oración luratanacamampi, uqhamarac Jesucriston Ajayupan yanapapampi.

Colosenses 4:3

Nanacataquis orapjjaraquim Diosajj nanacatac waquichañapataqui arunacap parlañataqui, uqhamarac cunatejj Criston imantatäqui ucanac khanañchañataquisa, uca imantata laycuraquiw jichhas preso jicjjatasisctjja.

1 Tesalonicenses 5:25

Jilatanaca, nanacataquejj Diosat mayipjjam.

2 Tesalonicenses 3:1

Uqhamaraqui jilatanaca, nanacataqui Diosat mayipjjam, Tatitun arunacapajj janc'aqui take chekanacar puriñapataqui, uqhamarac munasiñampi nanacar catokapjjañapataqui cunjämtejj jumanacajj catokapjjesta uqhama.

Filemón 1:22

Ucjjarusti korpachasïwi waquicht'arapita, nayasti suyt'asctwa jumanacan oracionanacamatjja Diosajj wact'ayaniwa nayan jumanacar uñjiri jutañajjataqui.

Hebreos 13:18

Orapjjamay nanacataqui. Yatisipjjaractwa nanacan chuymanacajjajj waliquïscatapa take cunans sum sarnakañ munapjjatanacajj laycu.