Luke 9:41 - ASII LAKDAP Bible (BSI) Kiijiishe, Jesuq raq treto, “O kamasham ahünok le. Maiqjiq angi nola nok le. Akhiiwiqwiq! Ngi ka namshiq rai ümtinkhan na saüli wa misi wan ha? Lata namshiq homa kra miho wan ha?” Kra ngu raütiishe, apaiq raq awe ka, “Ümse ka ana i phana shea wan laq,” nguta heato. Hawa Naga Bible 2001 Yesu rueq, “Kvmluimx thuinz vguez nuiyc vyaq nuk lex! Ngaz kuex nuimshiq rulc vdvmz mtanc khvnc nuex httuiuc laz httax vtueq nanx kuy juing lac?” ngoz tueq. Kvruex yimaq piq muex, “Msaz kuex vnuex shvlx wvnc loq,” ngoz tueq. Muklom Jesu aa thawel batta, “Nim kam ahung jashit miqtang! Nga nim jamoq chamtan nángduk tong náng? Nim jamoq nga chamtan nángduk thoktong phanáng?” Etho piq aa ethiwa thima batta, “Ba sa thi ináng solkat phu.” |
Riita kiijiishe shammiwe Elisha raq jamlai mra wa pintaq kra tsütsa ka taito. Raüta apaiq raq hokhamwe ma bom ka akha tiichong wanto: “Ümniika kiitinkhan chapa rai chang min asi shea? Kriiwe ka ana ngi phana tiikilaq. Kiijiitiq ngi raq apaiq ma Israil mung na shammiwe ashi ka asi dea nguta mitiichhi kuqha!”
Tsangshiq ka tsangtitiim kiikha riimak mirlaq, Tsangtitiim pat ka kiqkhii sruwali kiimaq nilan, tsangshiq raq Shiikeawe ma kamtsii ka ümtiikiimin pharangrang maq thümak kiimaq tsangshiq ka apaiq wokhong na tsapkapkap simak riito.
Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.
Kra ningkhan na Tatiwe raq Mosheq ma nguto, “Namshiq raq Ngi aming thun ka ümtincho na saüli wa lang man mijin han?
Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?
Kiijiishe Tatiwe raq Mosheq ma nguto, “Arnok raq Ngi ka ümtincho na saüli wa mishishe baiq wan? Tsangshiq raq Ngi ma kamtsan tsii thümak maq ümtincho na saüli wa milan phan wan? Ngi raq tsangshiq liipan na ümtinkhan wa awang chang jaqsham kuq wan kang jumin kammak ka jaro?
“Ara abi pinthumnok ariiraq Ngi shra bottsaü arka ümtincho na saüli wa mibot nyan trang wan? Ngi raq tsangshiq bottsaü trang ka pahea achan she tai tiikang!
“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.
Shatmaq, kra tai raüta Jesuq raq, “Namshiq ümchaü pat wa maiq arka abi pinthum. Kiimaq ra weahü maiq!” nguta tsangshiq bom ka treto. “Namshiq raq ngi nangnga Shiikeawe ka ngi rai asi dea nguta amao chang jaqsham maq tiichhike wan ra nguta khettot wan tlan nya? Shamkuq mang! Ngi riika amao chang jaqsham maq tiichhikuq mang! Namshiq ma amao chang jaqsham ashi tiichhike chang sitlaq kriika, shammiwe Jona rilung na lea wanta kriili she mitiichhi kuq.
Krai mren, apaiq ka kiho nong raüta, apaiq thaq na bihea abi winji miishi kriishe sheaki raüta, kriiwe khum na she mishang. Kra thun ka shang wa jai she ka, kriiwe rilung ka aphaji na kra nam ma diikiq tiidearok she miraq. Archong kai chang min ahü she miraq. Ara chongtiikang akhiisii hali, ümchaü pat wa Shiikeawe ngengti maiqse rilung kiimin mithenki.”
Ümchaü pat wa maiq arka abi pinthum. Shiikeawe sap mak! Namshiq raq ngi nangnga amao chang jaqsham tiichhike ra nguta maitai tlan nya? Tiichhi mang! Namshiq ma tiichhike chang amao chang jaqsham kriika shammi we Jona rilung na lea wantaq jaqsham kriili she mitiichhi kuq.” Kra ngo jai, tsangshiq ka kiijaq chap raqraq li baiqthü raüta, apaiq ka ahin niishe wawanto.
Kiijiishe, Jesuq raq treto, “Namshiq kamtsantsii ka ahü. Kiimaq namshiq ka ajiq! Ngi raq namshiq chanja ka ümloq cho na saüli wa minin wanha ta? Üm se ka ana iphana shea wan laq!”
Ngi raq chongtiikang arka tengteng. Ara chong kang thun mat kha arka ümchaü pat wa maiqse siwan tlanti khuthaq na misaü wan! Kiimaq Shiikeawe raq namshiq ka mitsa kiimaq mitiichamchao wan!”
Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?
Jesuq raq kra chhi raüta, tsangshiq ma akhiq riito. Kiimaq ajaqshisetiim ka akha sonto, “Nosere ka ana i phana tiiwa rong laq, naq tiiwin rongkiq. Ara nosere akha siti miitu, Shiikeawe Mungtan ka sitlo.
Kiijiishe Jesuq ka achap raüta, “Apaiq ka ana hea laq” nguta thaüto. Krai mren tsangshiq raq makchuk we ma, “Tsaiji tiijong laq! Tiidolaq. Apaiq raq ümnaq hea tlo,” nguta chongkuqto.
Jesuq raq tsangshiq ma nguto, “Namshiq ara kamtsantsii thü man! Ngi ka namshiq raili siwan ruq sha misi ha? Ngi raq namshiq tiinan shan kriika jam riim mo minin ha? No ka ana shea wan laq!”
Kra raütiishe, apaiq raq ajaqshisetiim ka, “Namshiq kamtsantsii ka ümbano?” nguta sonto. Shatmaq, tsangshiq ka kra chhi raüta, kai awangrai li riito. Kiimaq akiinyii rai riito. Kiimaq tsangshiq liipan na, “Riita arwe arka juwa nya? Apaiq raq rathaiq rahai wa tlaq kra nai khamtso blun tlaq kra miimin aming kuq tlo!” nguta tsangshiq liipan na riibomto.
Ngi raq ümjaqshi- setiim ma, tha ka jokuq ronglaq nguta tiipaiqnea wan kang. Shatmaq, tsangshiq riimin jokuqlot mak dea!”
No ka Jesuq pha nü na awarai liipan kiijii niili, abi winji raq apaiq ka tiimalaq hiq na liiq baiqto. Jesuq raq tha ka jobaiqto. Raüta, no thatsi kra tiihea kuqto. Raütiishe, awe jaq na kiinong kuqto.
Kiijiishe, Jesuq raq treto, “Ngi ka luhea she namshiq tarü rai adam na siwan kang. Kra taü maq dongdii min, ümchaü niitaq ngi ka juwa, ümniiraq sap maüli shatshat sha Philip? Jurwa i sham chhitaq, kriiti riika, i We sham kiimin chhito she. Kra taümaq dongdii min, ümniiriika, ‘Naishiq ma Awe sham ka tiichhi kuqlaq’ ngutiika jamkho ngutlaü?
Tsangshiq rai kra bom raütiishe, Jesuq raq Thomas ma nguto, “Riita, ümchaü min, ümjaq shi maq arjaq chhum liina. Kiimaq, i jaq phi miphan ara lii liina. Laüta, ümjaq shi maq, i siimpii na amiphan sitlaq arjaq ümjaq maq sham liina. Ümchaü min kam maü li riishatshat ka naq si kiq she. Ümchaü sanha kam liishe!”
Raüta, Shiikeawe raq tsangshiq ka kumtsaiphii maq nosere kong ikha rawii wiiroqblai dunghiq wan raüta tiijong lu wanto.
Petar raq akha tri bomtsi atsin maq trap tru raüta, tsangshiq ma chongkuqto. Kiimaq, arthaq niimin chat raüta, apaiq raq tsangshiq ma, bomtsi ahin miimin, tran tiitsii chongkuqto. Apaiq raq tsangshiq ma akha chong kuqto, “Riita, ümchaü min, Shiikeawe raq Jesuq tsea baiq wanti, ara ngarai maiqsetiim, ara mung na siti khu thaq na, chamchao jonghea tiisaü tlaq kriiwa, namshiq ka tiichhii wan tlo ronglaq!”
Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.
Shatmaq namshiq ka awokhong na siman, asenginok ma ja thek man, ngarai bu kiimaq laopha mung ashi.
Riita, ümchaü arjaq chong tlaq arwiishe, nashiq raq chhi tiikai. Tsangshiq ka Shiikeawe raq, tsangshiq ma akuq Kanan hiqshong mungtan na saülu mak miili, lamkampii maq jiim rai wanto. Tsangshiq ma akuq maiqmii mungtan na saü mak dea jiim raitaq kriika, tsangshiq raq Shiikeawe bomchong kra taishatshat taü maq, lang mak ngiimtaq kriikha na tsaito nguta chong tlo.
Riita, ara chongtiikai arai mren, lo ümchaü min, nashiq wiitarü kunli raq, kra chongtlaq nii atsak rilung kra lap wan miitu tsapsaü kapse maq, kamasham lamphan na shiikut chaq wan ruq miili si rong i na. Kiikha si hai jiika, natitiim pat na tsangshiq kamtsantsii ajom kha maq, lamkampii miili chhan wantaq kiikha, nashiq ka chhan wan mai miraq.
Jamkhano akha tsii chongkuq tiikai ngukla, Tsütsa Ahea ka tsangshiq raq jamkho taitaq kiikhiisii hali, nashiq riimin tai kai she. Tsangshiq raq Tsütsa Ahea ka taito. Kriika tengto. Shatmaq tsangshiq ma amet dong chang jam min ahü riito. Jamkhano ngukla, tsangshiq raq kra taitaq tsütsa kiima, Shiikeawe raq tsangshiq ma nü mitiitsak kuqha nguta kiq kham kuqtaq kriika, tengteng dea mikuq nguta, kam mak dea riito.
Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.