Luke 9:41 - Hawa Naga Bible 2001

⁴¹ Yesu rueq, “Kvmluimx thuinz vguez nuiyc vyaq nuk lex! Ngaz kuex nuimshiq rulc vdvmz mtanc khvnc nuex httuiuc laz httax vtueq nanx kuy juing lac?” ngoz tueq. Kvruex yimaq piq muex, “Msaz kuex vnuex shvlx wvnc loq,” ngoz tueq.

ASII LAKDAP Bible (BSI)

⁴¹ Kiijiishe, Jesuq raq treto, “O kamasham ahünok le. Maiqjiq angi nola nok le. Akhiiwiqwiq! Ngi ka namshiq rai ümtinkhan na saüli wa misi wan ha? Lata namshiq homa kra miho wan ha?” Kra ngu raütiishe, apaiq raq awe ka, “Ümse ka ana i phana shea wan laq,” nguta heato.

Muklom

⁴¹ Jesu aa thawel batta, “Nim kam ahung jashit miqtang! Nga nim jamoq chamtan nángduk tong náng? Nim jamoq nga chamtan nángduk thoktong phanáng?” Etho piq aa ethiwa thima batta, “Ba sa thi ináng solkat phu.”

Luke 9:41 Referencias Cruzadas

2 HOKHVMX 5:8

Kvkhoc yaungx wvnc tueq lvmz kuex shvmmax Elisha rueq tay vtueq, hokhvmx waz kox nuex vkhoc ngoz tueq bomc tvjungc tueq, “Mnoz kuex yvmx ngoz tueq lac kvtanc khvnc thuinz nuex khaq bac kaz tuiux? Kvruex waz kuex ngvy kox nuex tvkaz loq, Israel mungx nuex shvmmax washiz httax yaq lvmz kuex ngaz rueq piq muex tvtuiuz kuq shaungx.”

Tvtsvmc 78:8

Tsuingshiq kuex khawc lvlc jix nuiyc tay phvnx muq jix htenc, Tishox muex tvluimc lvmx nuex mkaq muinz phaungx muq jix htenc nuiyc, vpiq nuex tvmtuing thuinz vguez, tsuingshiq jix vwaz tamx ikhoc yaungx tuex rvmuq shex.

DUNGWVNC 10:3

Moshe nuiyc Arun kuex hokhvmx waz kox nuex kaz vtueq piq muex jungx tueq, “Hebre miqsaz htenc Yehowa Tishox rueq ngoc, ‘Mnoz rueq ngvy kvjaz kuex mtanc nuex httuiuc laz lac tvlvlc phux? Ngaz muex nawk palx kuy kay tvkoc ngvy miqsaz htenc kuex tvkaz shuiuz.

DUNGWVNC 16:28

Kvruex yimaq Yehowa rueq Moshe muex ngoc, “Ngaz rueq nvr shaungx kvjaz kuex miq htenc rueq mtanc nuex httuiuc laz tvlvlc lac?

JEREMIA 4:14

Yerusalem lex, mnoz palc wvnc rvhumc tvkoc mthuinz mungx wawc layx bac kuex hoal gay shuiuz. Mnoz kuex mtanc nuex httuiuc laz lac vbac kvmungx hvt rvtuiux?

WEAWEA 14:11

Yehowa rueq Moshe muex ngoc, “Vruex miq htenc vraq mtanc khvnc nuex httuiuc laz lac ngaz kuex tvdux phvnx? Ngaz rueq tsuingshiq tvkoc vwangc juing paunghvlc shex tvkhic kuq wvnc koq muinz, tsuingshiq kuex mtanc khvnc nuex httuiuc laz lac ngaz muex kvmluimx muq maq dvyx haz httax tvnx?

WEAWEA 14:27

“Vruex layx bac jix miq kuex mtanc khvnc nuex httuiuc laz lac ngaz muex kvbot nyvnx phvnx? Kvkhoc kvbot nyvnx yaq kuex ngaz rueq tay tsuiyc mauk shex!

Matthew 11:28

“Gurc liq hvlc gurx vtueq hunnyex jix htenc lex, ngvy kox nuex waung luit, ngaz rueq nyec tvkuiyq kuq phaungx.

Matthew 12:39

Yesu rueq tvralc yaq lvmx maq tsuingshiq muex jungx tueq kuex, “Honc vbac nuiyc vyaq miqsaz rueq vwangc juing romzyac thuiyx yaq; shvmmax Yona vwangc juing romzyac maq lvy vtueq, vwangc juing yvmx phvnx muinz tsuingshiq muex tvkhic shuex rvmuq.

Matthew 12:45

Kvkaq piq yek kaz vtueq piq htauk nuex muinz bac hvlc htaungc waz mvshix kuex shvlx wvnc vtueq yuimx kvruex yuq httax waung tueq. Kvkhoc rvtueq htaungc kvpumz jix waz kuex yix maq yaungc wvnc juing lvmx kuex, kungkhux yaungx wvnc tueq htauk nuex muinz bac hvlc muex yaungx wvnc tueq. Kvrulc rv-ngvlc majuiuc pat wawc honc bac miqsaz nuex yaungx wvnc tuex,” ngoz tueq.

Matthew 16:4

Majuiuc pat wawc miq kuex mtanc honc bac vtueq tishox vguez miq muex yaungx yaq ix! Nuimshiq rueq ngvy kox wawc vwangc juing vshiz thoz vphuinx ix? Yuq muinz Yona lvmx vwangc juing maq lvy vtueq vwangc juing vganc kuex nuimshiq muex ngaz rueq tvkhic mauk,” ngoz tueq tvralc tueq. Kvruex yimaq Yesu kuex tsuingshiq kox kvwawc rv-phvlc woz wvnc tueq.

Matthew 17:17

Yesu rueq tvralc tueq, “Kvmluimx thuinz vguez nuiyc vyaq miqsaz htenc lex! Nuimshiq rulc vdvmz ngaz kuex mtanc nuex httuiuc laz httaz naungc juing lac? Mtanc nuex httuiuc laz ngaz rueq nuimshiq muex nanx kuy juing lac? Kvruex nox miqwaz saz kuex ngvy kox nuex shvlx wvnc luit!” ngoz tueq.

Matthew 23:36

Nuimshiq muex ngaz rueq vsuing jungx kuq ix, miq thvt wvnc tueq lotlaz laung nuex majuiuc pat wawc miqsaz htenc htauk nuex murx tvgurc kuy rvhumc tuex!

Matthew 3:7

Pharise hez nuiyc Saduke hez paunghvlc muinz yuix luip lvmc tvkoc kaz yaq kuex Yohan rueq khiz vtueq, piq rueq tsuinghez muex, “Puiuc bac phvnx htenc lex, Tishox kox wawc httuiuc kaz yaq murx wawc dung wvnc wuez kuinz, nuimshiq muex uraq lac jungx kuq kv-phuinx?

Mark 10:14

Yesu rueq kvruex khiz tueq rulc rv-ngvlc vthuinz kaq vtueq, vpiq sangac hez muex ngoc, “Nosaz rulx kuex ngvy kox nuex tvkaz shuinz, tsuinghez kuex nauk tuingshaung kaz, yvmx khoc lac ngoz ruiux lec Tishox Mungtan kuex vruex sahez vkhoc jix hez mungtan rvtueq.

Mark 10:49

Yesu jvp vtueq, “Piq kuex gvl wvnc luit,” ngoz tueq. Kvkhoc rvtueq tsuinghez rueq muik mawz waz kuex gvl wvnc tueq. Tsuinghez rueq, “Thuinz hvlx kokez kuiuz! Kvtenc kuiuz, vpiq rueq mnoz gvl yaq,” ngoz kuq tueq.

Mark 9:19

Yesu rueq tsuinghez muex ngoz tueq, “Kvmluimx thuinz vguez miqsaz lex! Ngaz kuex nuimhez rulc mtanc nuex httuiuc laz httaz naungc juing lac? Mtanc nuex httuiuc laz ngaz rueq nuimhez muex nanx kuy juing lac? Nox kvruex ngvy kox nuex shvlx wvnc luit,” ngoz tueq.

Luke 8:25

Kvkhoc rvtueq vpiq rueq, “Nuimshiq kvmluimx thuinz kuex m-yuq lac taux?” ngoz tueq vpiq sangac hez muex ngoz tueq. Tsuinghez kuex hiyaz vtueq nuiyc wangc vtueq, “Vruex waz kuex yvmx khoc miq lac? Raungguil nuiyc yuix daungx muex muinz vpiq rueq nvr koq tueq tsuingshiq rueq tay wuez yaq nyix!” ngoz tueq rvjungc wuez tueq.

Luke 9:40

Htaungc yurc gay tvkoc msangac hez muex ngaz rueq kvmenc jenc thoz tauk, yuq muinz tsuingshiq rueq ruez lot muq,” ngoz tueq jungx tueq.

Luke 9:42

Kvruex nox kuex shvlx wvnc yaq nuex htaungc kvraq tvrul kauk vtueq vyauk vyaz htenc kuex kungc wvnc tueq. Yuq muinz Yesu rueq htaungc muex ngoc miqwaz saz kox wawc dungc wvnc tvkoc nvr ruiux nox kuex tvhvlc vtueq vwaz muex lekuq tueq.

John 14:9

Yesu rueq, “Philip lex, ngaz nuimshiq rulc vtanc khvnc shex httax naungx vphaungx rvyruiux, mnoz rueq ngaz tuiuz muq dvyx ix? Ngvy khic jix waz kuex Vwaz muinz khiz lvp tueq. Mnoz rueq yvmx ngoz tueq lac, ‘Vwaz kuex nuiyshiq muex tvkhic kuq koq’ ngoz tueq ngoz vshuinx?

John 20:27

Kvkaq vpiq rueq Thoma muex, “M-yauk shix maq vruex baung vyuq htuinc lawc shuiuz, ngvy yauk vmuinz lawc shuiuz, m-yauk tvlanc vtueq ngvy samx vruex pemz lawc shuiuz, kvmluimx thuinz nauk tvyaq kaz, kvmx kuiuz!” ngoz tueq.

Acts 13:18

kumtsvy tvnx nuex wawc rok bvlic nuex httuiuc laz tsuingshiq layx kuex nanx kuq wvnc tueq.

Acts 2:40

Peter rueq kvjaz vganc paunghvlc maq muinz jungphvnx kuq vtueq, “Nuimshiq miqmac shauk vgvnz kuex vruex layx bac jix miqsaz rvhumc yaq murx vwawc dung wvnc wuez kuinz!” ngoz tueq tsuingshiq muex jungx kuq tueq.

Romans 2:4

Rvmuq ngoz ruiux mnoz rueq vpiq menjenc yunghvlc kejux kvmuinz, thuinz maq nanx vtueq, thuinz tvluz vshuiux kvmuinz mnoz rueq wvlc guez ruez vshuiux. Tishox rueq mnoz muex tharc tvhumc tvkoc lvmx shvlx kuq yaq ningkhvnc nuex vpiq menjenc thuinz httax yaq lvmx kuex mnoz rueq vsuing tuiuz vshuiux rvtueq.

TRI CHONGKE 32:5

Yuq muinz nuimshiq kuex tvm- tuing httax muit, vpiq miqsaz muex yaungc aungx muq, vlauc vlawc nuiyc thuinz vkoarx phvnx rvtuit.

Hebrews 3:19

Tsuingshiq kvmluimx muq ningkhvnc nuex kvruex mungtan kvyuq nyuip lvp muq kuex naungshiq rueq khiz tuiuz vshix.

Hebrews 4:11

Kvkhoc rvtueq tsuingshiq kvmluimx muq ningkhvnc nuex nyec tvkuiyq juing lvp muq jix htenc ikhoc naungshiq ukhaq nuex muinz yaungx muq mruez kueq, nyec tvkuiyq lvp wvnc tvkoc naungshiq hungc htumx laz maq hunglaungx wuez ix.

Hebrews 4:2

Yvmx khoc lac ngoz ruiux lec naungshiq rueq muinz mvnnuex wawc miq rueq ikhoc Thuix Thaungx Vhvlx kuex tay wvnc lvp tiq. Yuq muinz tsuingshiq rueq tay wvnc tueq bomjungc kuex tsuingshiq tvkoc vjux vguez, yvmx khoc lac ngoz ruiux lec tsuingshiq rueq tay wvnc ruiux muinz kvmluimx thuinz maq lvp wvnc muq ningkhvnc nuex rvtueq.

Hebrews 7:25

Kvkhoc rvtueq vpiq muingc maq Tishox kox nuex kvnvp wvnc jix htenc kuex mkaq muinz palc daungc wvnc shuex, yvmx khoc lac ngoz ruiux lec vpiq kuex tsuingshiq tvkoc Tishox kox wawc thoz kuy muex pattup tvraungx httax yaq.