Mark 10:14 - ASII LAKDAP Bible (BSI)

¹⁴ Jesuq raq kra chhi raüta, tsangshiq ma akhiq riito. Kiimaq ajaqshisetiim ka akha sonto, “Nosere ka ana i phana tiiwa rong laq, naq tiiwin rongkiq. Ara nosere akha siti miitu, Shiikeawe Mungtan ka sitlo.

Hawa Naga Bible 2001

¹⁴ Yesu rueq kvruex khiz tueq rulc rv-ngvlc vthuinz kaq vtueq, vpiq sangac hez muex ngoc, “Nosaz rulx kuex ngvy kox nuex tvkaz shuinz, tsuinghez kuex nauk tuingshaung kaz, yvmx khoc lac ngoz ruiux lec Tishox Mungtan kuex vruex sahez vkhoc jix hez mungtan rvtueq.

Muklom

¹⁴ Etho Jesu aa esha khi eq, piq tinkha eq ujiphantey tang thima batta, “Nijangsa tang ri irelnáng katma ko inn, etho ning ri nak táng inn, chammatakoi Shkewa mungtan sha ning mal miqtang ma hun angna.

Mark 10:14 Referencias Cruzadas

RAPHA HIQWA LAK 17:7

“Ngi raq ümniirai ikiq kham tiikang ka ümniirai kiimaq rawiichii pat achat na ümlai ümla thun rai min pattup pat-sa tongshong ma mitiijaha. Ngi ka üm Shiikeawe she kiimaq ümlai ümla thun Shiikeawe she.

Tvtsvmc 78:4

Nashiq raq kra manphan thun ka nasetiim ma chongkehü maq thümai; nashiq raq senye pat ma michongkuq rong i Tatiwe ningkun jonglu nai apaiq jaqsham jonglu thun kra kiimaq apaiq raq awang chang jaqsham wantaq thun kra michongkuq rong i.

ISAIA 65:23

Tsangshiq raq jamlai phan minwa shiiqtlaq, kriika ong wan ruq miraq. Kiimaq tsang setiim raq tsaimiq khusiq mra riihum mak she miraq. Ngi raq tsangshiq ka mishman kuqha. Kiimaq tsangsaü tsangsetiim ka pattup pat-sa miitu achu mishman kuqha.

WEAWEA 14:31

Namshiq raq namsetiim ka re raq milap wan ngulan. Shatmaq Ngi raq tsangshiq ka namshiq raq tiishaübaiq lan mung na mishea wanha. Krai mren, kra mung ka tsangshiq hiqshong rahai she mija wan.

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 18:4

Ara nonose akha juwa aranse ma jawan lot tlaqti, kriiti ka Shiikeawe sengi phong na ajong pinthum mija wan.

Matthew 19:14

Kiijiishe Jesuq raq ajaqshisetiim ma chongto, “Nosere ka ana i phana tiiwa rong laq. Naq tiiwin rongkiq. Ramungtan ka juwa ara nosere akha siwan tlaq kriiti rii.”

Matthew 5:10

“Juwa Shiikaewe raq thimitlaqq kra shamlam khana maiqse raq tiichamchaotlaq, kriiti ma chochi; Ramungtan ka tsangshiq rii!”

Matthew 5:3

“Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Mark 3:5

Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

Mark 8:33

Shatmaq, Jesuq raq ajaqshisetiim phanü na lii raüta, “Soitan, ümniika i tho arwa tiijin tlo laq. Ümniiraq tiima tlaü ka Shiikeawe nü wa riimak. Kriika maiqse tiima kata!” nguta Petar ka siato.

John 3:3

Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”

John 3:5

Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.

Acts 2:39

Ara jamkhano chong tiikang ngukla, Shiikeawe raq ara kiqkham raüpot khakuq wantaq arka namshiq miitu. Kiimaq, namsaü namsetiim miitu. Kiimaq ara kiqkham arka, maiqse angu alulang na ümchuwa sitlaq kriiti thun ka, nashiq Tati Shiikeawe raq, apaiq rii she nguta hea wantiiti thun kra kunli miitu.”

Acts 3:25

Namshiq ka shammi lai ala nok sitlan. Kiimaq Shiikeawe raq namtitiim rai tongshong wantaq kra ramkham maq tiibok wanje she. Shiikeawe raq Abraham ma, ‘Ümsaü ümsetiim lümaq, ngi raq mangjong maiqse tlotli ma achu mishman kuq ha,’ nguta kiqkham kuqto.

Romans 11:16

Riita ija, winsii thop ashi kiiwa, phushi ka pan raüta, Shiikeawe ma honglu na kuq raü jiika, kra winsii thop kriika, wiithoptam Shiikeawe riishe miraq. Kiimaq, pechong ashi wa, arang thun kriika Shiikeawe ma honglu na keje she jiika, akü ako thun siwan tlaq kiimin, wiita Shiikeawe rii siisaq she miraq.

Romans 11:28

Riita, Jehudinok raq Shiikeawe Tsütsa Ahea kra shishe wan kha na, tsangshiq ka Shiikeawe rai wesang ikha siwan tlo. Shatmaq, arka, namshiq Pongnok phan maiqse ma ahea miitu li. Shatmaq, Shiikeawe raq tsangtitiim ma kiqkham raüpot khakuq wantaq kra lamphan miika, tsangshiq ka Shiikeawe ma khi alunok nguta siwan tlo.

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

1 Corinthians 7:14

Ara jamkhano chongtiikang ngukla, awese thatsang maiqse ka tsang-nyung rai pumshi hanshi she siwantaq kra lümaq, Shiikeawe riimin milang wan. Kiimahali atawe ka Phungmaiqse kiimaq atanyung ka thatsang maiqse miraq. Kriimin thatsang maiqse atanyung ka atawe lümaq Shiikeawe raq milang wan. Akha kiq atsiim ka riwan hü ngu raü jiika, tsangshiq saü asetiim ka thatsang maiqsetiim ikha miraq. Shatmaq akhla singa raü jiila, tsangshiq ka Shiikeawe raq milang.

Ephesians 4:26

Maiqse ngojai na tsankhiq chang akhing ka misaü na. Shatmaq, tsankhiq tlo nguta ngarai naq tang rongkiq. Kiimaq ranaiq minru, tsankhiq shonli rashe ka naq tiicha baiq rongkiq.

TRI CHONGKE 4:37

Apaiq raq namtitiim kra lungwii kha maq, apaiq raq namshiq ka tseatsiiq wanto. Kiimaq apaiq ningkun aheng kriimaq apaiq raq apumsii maq kiraüta namshiq ka Ejip mung kriiwa tsuq wanto.

2 Timothy 1:5

Ngi raq ümkam ümsham tsantsii maiqlung ngamwii rüm tlaü kra, i tsan na atsi maq rüm tiikang. Kra ümkam ümsham rilung hiawa ka, ümwi Luis nai ümnyung Eunis raq rüm tlaq kamasham ikha. Kra kamtsantsii ka ümniiraq rüm tlaü nguta, ngi ka tsankhun maq sitiikang.

2 Timothy 3:15

Ümniima noseji niiphü ashrinkuq wan, Asii Bomtsi ka, ümchaü min ümtsan mong na shaqshat. Asii Bomtsi ümmong jii na shaq tlaü kriiraq, ümniika taksu ma tiija tlo. Raüta ümniiraq Khristo Jesuq ma kamtsantsii thü tlaü kra lümaq tiichhii kuq tlo.

JOSHUA 8:35

Joshua raq Mosheq raq awaiq Thungtri aming thun ka poshi min tiikhea mak maq, wiita Israilnoktu thung tlaq kiima phatkuqto. Kra mungmaiqse thungtaq phong niika jechakre, kiimaq nosere, kiimaq Israilnok phong na pongmung maiqse sidamtlaq thun kriimin asi riito.

1 Peter 2:2

Kiimaq rawü chhi nye noshiisetiim ikha, wranaiqshe asii chiisan kamasham nyakpü, asii bomtsi kra nyang wan roli she, namtsan mong na kham-nyang tiitsi lanta sirong laq. Akha nyang lanta sihan jiila, namshiq khum ka ahea wiq maq mijong luwan. Kiimaq namkhum ka mitiichhii wan lot.

Revelation 14:5

Tsangshiq raq rilung na jangshi min arot akiq bom poshi min chong mak. Tsangshiq dü na ashut aphit jam min ahü siirairai.

1 SAMUEL 1:11

Hanna raq sinkhamto. Raüta akha achu jaüto: “Ajong Pinthum Tatiwe lei, ngi ümdise ara liilaq! Ngi chamchao ara liilaq laüta ngi ka ümtsan mong na thülaq! Ngi naqlaqkiq! Ümniiraq ngi ma maiqwe se la kuqhaüla, ngi raq apaiq ka rilung pattup ümnii miitu mikiinong kuqha. Krai mren apaiq raq rilung pattup akhu sihü maq misi.”

1 SAMUEL 1:22

Shatmaq ara akhing na Hanna ka kimak dea. Apaiq raq tsangwe ma akha nguto, “No ka püpan shela ja raüla, ngi raq apaiq ka Tatiwe jam na sheaho lata mithükiha. Kiijaq apaiq ka rilung pattup misi.”