JEREMIA 4:14 - ASII LAKDAP Bible (BSI)

¹⁴ Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

Hawa Naga Bible 2001

¹⁴ Yerusalem lex, mnoz palc wvnc rvhumc tvkoc mthuinz mungx wawc layx bac kuex hoal gay shuiuz. Mnoz kuex mtanc nuex httuiuc laz lac vbac kvmungx hvt rvtuiux?

JEREMIA 4:14 Referencias Cruzadas

Tvtsvmc 119:113

Ngi raq ümwokhong na tiipumtlii simakti ka tsaihai tiikang, shatmaq ngi raq üm thungtri lungwii tiikang.

Tvtsvmc 51:2

Ikhum wa abi thun ka hebaiqlaq kiimaq ngi ka ngarai mong wa tiisiirai helaq!

Tvtsvmc 66:18

Ngi raq ingarai thun ka apaü riiha jiika, Tatiwe raq ngi achu jaü ka tremak mirwa.

TAKSU LAK 1:22

“Angok angikong lei! Ümtincho na saüli wa mingok ngisiq han? Nyan phaqchi ka shipoq wan ruqli shea mishipoq han? “Ümtiikiimin, saptsin wan roman shea?

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

JEREMIA 13:27

Apaiq raq saisitlaq thun kra ümniiraq klowan laü thun ka apaiq raq chhito she. Apaiq raq ümniika thatsang maiqse sumla phra thun shomnoq kai ku akin thun na kiimaq wakjam ram thun kiina shomnoq wan kriika wiita achhi wanwi siisaq. Laüta ümniika maiqwe ashi raq achak sishat taü maq maiqchak rai sraki tlaq ikha sra wan laü. Kiimaq kumrang pongwe ka kumrang kaüshii kaü kra chhiraüta pherai tlaq ikha phephiiq wan laü. Jerusalemti lei, namshiq ka miqlan she! Namshiq ka ümtincho shetiq wa asii maiqsetiim ma mijahan?

JEREMIA 17:1

Tatiwe raq ngutlo, “Juda mungti lei, namshiq ngarai raüpot ka jin kolom maq waiqthüto. Arka namshiq tsan mong na longseng kii asiwiq maq wat raüta namshiq tsan mong na waiqthüto. Kiimaq namshiq raq shomnoq wantlan berong-wacha tapshok rong thun kiijaq wat raüta waiqthüto.

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 2:22

Ümkhum ka ümniiraq ahea pinthum sabon maq riihehaü min, Ngi raq ümkhum na ümshut atiinyat rai ka chhishat-li mirha.

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

EJEKIEL 18:31

Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?

JEKERIA 8:17

Ashi raq ashi shiithen baiq lamlu ka naq klo rongkiq she. Rung maq atiitum lanta, arot saqse naqkuq rongkiq she. Jamkhano ngukla, ngi raq arot tili, kha ajiq photi, kiimaq matniq tsa-niqti ka shukhiq shutiikang.”

Matthew 12:33

“Petsi ka tsihea phan pansea ma jiila, achong kiimin chonghea phan riichang. Achong ka abi phan jiika, atsi kiimin abi miraq. Petsi chong ka chonghea phan sha chongbi phan wa kriika, atsi kriimaq tiisap kitlo.

Luke 11:39

Kriikha miishe, Tatiwe raq apaiq ma akha chongkuqto, “Namshiq Phorisinok riika, namshiq kok alaq nai tak apin thun kriika, akii thun kriika siirai rai hea hetse tlan. Shatmaq, namtsan mong niika, ramok rachhai wa trangli sitlan. Kiimaq abi ati tiima tsantsii riili ama sitlan.

John 13:9

Kiijiishe, “Tatiwe, ikhla i hokphi lamlam li ka riimak! I jaq nai i khupo armin hekuq laq!” ngutiishe Simon Petar raq nguto.

Acts 8:22

Riita, ümchaü min ümtsan tsii ka klaitlo laq. Laüta, ara ajiq ngarai tsantsii kra tiisii miitu Tatiwe jaq wa achu jaü laq.

Romans 1:21

Tsangshiq raq Shiikeawe ka asi dea nguta asap. Shatmaq, tsangshiq raq Shiikeawe ma shreng manto, apaiq rii dongdii sitlaq, kra kuq wan mak maq sitlo. Kiimaq apaiq ma kechu tumke wan min ahü maq sitlo. Kra rü na khoti, tsangshiq tiima tsantsii ka, ajiq aphiq siisaq li, kiimaq tsangshiq khutsai ka shaqmii miili sitlo.

1 Corinthians 3:20

Kiimaq Asii bomtsi bashi na hali akha chongtlo, “Shiikeawe raq maiqse taksma tsantsii ka hiqtili thiihü nguta sapshat.”

James 4:8

Arkha maq, namshiq ka Shiikeawe wokhong na nyap wan tlo ronglaq. Raüla apaiq raq namshiq ka awokhong na mitiisi. Ai! ngarai maiqse kong lei! Namjaq ashe kra he wan tlo rong laq! Mongnam nok loi!