JEREMIA 4:13 - ASII LAKDAP Bible (BSI)

¹³ Liironglaq, rewe ka phum pong wan tlaq ikha saü wantlo. Apaiq rekhat chang kumrang leng phong ka atro rathaiq ikha saü wantlo. Kiimaq apaiq kumrang kong thun ka liihawe kaütiim bitlaq nam miimin aphiq lin. Nashiq ha miqkai she! Nashiq ha michup thumkai she!

Hawa Naga Bible 2001

¹³ Lawc shuinz, ralx htenc kuex phuemx ikhoc kaz yaq. Tsuingshiq nolaungx renc htenc kuex raungguil tul ikhoc, tsuingshiq mvre htenc kuex lawx saz htauk nuex muinz vphaq lanc yuz yaq. Naungshiq sumx tiq shex! Naungshiq kuex vphoc rvhumc tix!

JEREMIA 4:13 Referencias Cruzadas

2 SAMUEL 1:23

“Saul nai Jonathan ka pinthum heahea, kiimaq lungwii tsihea; Atra niimin pumshi hanshi, amaa niimin pumshi hanshi. Tsangnai ka liihawe bitlaq ikha phiqhea, Hangsi kong thaq niimin honghea.

ISAIA 13:5

Tsangshiq ka ratsüko mung thun wa, hiqraikhü tiisup mung thun wa saü wantlo. Atsankhiqtsi ma Tatiwe ka kra mung ka hiq maq hutse tiithenbaiq miitu saü wantlo.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

ISAIA 5:28

Tsangshiq liqsin ka asi min sihea. Kiimaq tsangshiq liq ka ahiip homa tiijeshat. Tsangshiq kumrang kong thun hoksan kriimin jamachong khupo ikha tsinhea. Kiimaq tsangshiq kumrang leng jikom thun kriimin rahai wan tlaq ikha phiqhea kwintlo.

ISAIA 66:15

Tatiwe ka watu rai miki. Apaiq ka rathaiq raikhü na ngaraüta misaüho. Raüta apaiq rai tsan arkhiq sitlaqti thun kriima mo mitiiho.

JEREMIA 10:19

Jerusalemti akha hoqtrangtlo, “Nashiq ka tiibitaq tsatbaiqto! Nashiq raq mininlot rong i ahiq nguta tiimakai!

JEREMIA 4:12

Tatiwe aming maq rahai saü wantlaq kriika kriithaq na henghea miraq! Jamkhano ngukla arka Tatiwe apaiq raq dongdii asenginok khuthaq na khapho rahai she tiisaühotlo.

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 46:18

Ngi, Tati Ningkun Ajongwe ka hokham. Ngi ka atra Shiikeawe. Tabor Pum ka pumthun tarü thaq na acho pinthum, kiimaq Karmel pum ka khamjong chum na thaq chohea, ikiikha ümnaq khatkaitiwe ningkun ka henghea miraq.

JEREMIA 48:40

Tatiwe raq akiq akhamke kun she, maiq mung ashiti ka liihawe ikha ajolulu arakong wiinai ka tiipii raüta Mob mung ka miphiimki.

JEREMIA 49:22

Re raq Bojra chela ka liihawe raq pechong mun maq ajolulu raüta wu dophaq wan tlaq ikha mido phaq wan. Kra akhing na Edom mungti phenlabi ka jechakre nowüchhitsi na phela tlaq ikha ahai sitsi ma miphela.”

JEREMIA 6:23

Tsangshiq ka maiqmii liq pi raq chhaq kiimaq nepjasai kaütiim wiraq chhaq she. Tsangshiq ka maiq ngamsang phaqtinok kiimaq ralangse min mangchan ahünok. Tsangshiq ka kumrang thaq na chaoraq raq, khamjong chum trang wa ikha ramok rachhai saühotlo. Tsangshiq ka Jerusalem longkai tiijeshat saühotlo.”

JEREMIA 9:19

Taironglaq Jajon chela na maaho trang kra, “Nashiq thenkai she! Nashiq ka miqchup jea ngaükai she! Nashiq raq na mung ka miimthü chang she; nashiq jam thun wiitashe runbaiqto.”

AJONJÜ 4:19

Nashiq ka liihawe raq ra wang win maq ajolulu, wuphiim tlaq ikha jotlo. Tsangshiq raq kin thun kiimaq phanho raüta, rumnyangkhi na tiihanghiiq maq kaqhoto.

EJEKIEL 26:10

Tsangshiq kumrang kong botkhulai ka phum pong wantlaq ikha mitiikhuk wan. Raüta ümniika mibok wan. Tsangshiq kumrangkong raq kumrang leng thun nai hupsam hochang lengthun ka athen kaiwi chela mong maq hittlaq kriiraq ümchela khetuk thun kra wiita mitiikhai.

EJEKIEL 38:9

Apaiq nai asengi phenlabi thun raq kiimaq apaiq rai maiq mung thun pahea raq apaiq rai pong raüta kra mung ka rathaiq henghea tiimok chhaq bok wantlaq ikha kra mung ka phumthup wantlaq ikha pang wantlii mikhat.”

DANIEL 11:40

“Riita Siria mung hokhamwe ma, apaiq ningthoi she saüwanto angu na, Ejip mung hokhamwe raq apaiq ka mikhat. Kiijiishe Siria mung hokhamwe raq asengi phenlabi ka ra ma hiq ma tsuq raütiishe, apaiq ningkun wiita shoq raüta, kumrang leng thun, kumrang thun, kiimaq mokkiitu pahea riichom raütiishe, Ejip mung hokhamwe ka mikhat. Kiimaq apaiq raq maiqmung thun pahea ka, raju jüchhang watlaq ikha mikhat wan.

DANIEL 7:4

Apha shaqshaq kaü ka, hangsikaü sham ikha. Shatmaq liiha kaü ikha arakong asi. Ngi raq liirat tiikang bala liipan niili, arakong thun ka chatbaiqto. Raüta ngamthaiq kaü ka ado raüta maiq ikha tiichapto. Raüta apaiq miika maiqse khutsai she thiikuqto.

Hosea 8:1

Tatiwe raq chongtlo, “Lerong tsürong laq. Re dong wanto! Liihawe raq wu phiimtlaq ikha, Re raq isenginok phiimtlo! Tsangshiq raq itongshong jaqkhaq raü chumbaiqto. Tsangshiq raq tongshong tri jinto.

Mikha 2:4

Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

NAHUM 1:3

Tatiwe ka mokhiq khiqmak phan, shatmaq apaiq ka ningkun jonghea rümti, Krai mren ashut aphit we ka, apaiq raq ümtiikii min tiijoq mak phan. Tatiwe ümbano khum tlaq, kiijaq rathaiq saü tlo. Ra na phum pong wan tlaq kra, apaiq jini chong wa, botkhulai akhuk!

HABAKUK 1:8

“Tsangshiq rekhat kumrang kong ka, chiqwaiq kong phiq ikha abi ali. Shenyap wan na asea shekong adong ikha. Tsangshiq rekhat kumrang kong ka, adoq haha maiq jowan. Tsangshiq rekhat kumrang kong ka, ratho ko wa watlo. Tsangshiq ka liihawe raq wuphiim tlaq ikha, phiqhea maq jo raüta do wan tlo.

JEKERIA 6:1

Kiimaq, ngi raq thongshi hali, itok ka ra nü na dolata liikang. Krai mren, kumrang leng blai, nairai pum nai heawea maq akai rai chhikang.

Matthew 24:30

Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

TRI CHONGKE 28:49

Tatiwe raq üm khuthaq na pong mungti rathup rapha mungti kra mishea wan. Kra mungti bom ka ümniiraq taimaü mirhaü. Tsangshiq ka wa raüta liihawe raq wu phiimtlaq ikhiishe ümniika miphiim wan.

Revelation 1:7

Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.