Luke 9:42 - ASII LAKDAP Bible (BSI)

⁴² No ka Jesuq pha nü na awarai liipan kiijii niili, abi winji raq apaiq ka tiimalaq hiq na liiq baiqto. Jesuq raq tha ka jobaiqto. Raüta, no thatsi kra tiihea kuqto. Raütiishe, awe jaq na kiinong kuqto.

Hawa Naga Bible 2001

⁴² Kvruex nox kuex shvlx wvnc yaq nuex htaungc kvraq tvrul kauk vtueq vyauk vyaz htenc kuex kungc wvnc tueq. Yuq muinz Yesu rueq htaungc muex ngoc miqwaz saz kox wawc dungc wvnc tvkoc nvr ruiux nox kuex tvhvlc vtueq vwaz muex lekuq tueq.

Muklom

⁴² Ethi sa tha takat chey pha tho, thangwa aa piq tha taphil ma ko eq haq náng thawol ta. Jesu aa anaan tsija thima raaqkhat kota, ethi jarosa tha taqhal eq etho piq wa thima thawel kota.

Luke 9:42 Referencias Cruzadas

1 HOKHVMX 17:23

Elija raq no ka hiqthong jam kiiniishe doho nongto. Raüta anyung miishe kuqto. Raüta anyung ma, “Liilaq, ümse ka atra sam wato she!” nguta nguto.

2 HOKHVMX 4:36

Raütiishe Elisha raq Gehaji ka heato. Raüta nono nyung ka heakikiq nguta chongto. Ümtiikiiwa anyung ka tapmong na wataq, apaiq raq anyung ma nguto, “Arjaq ara ümse.”

Mark 9:20

Kiijiishe, tsangshiq raq no ka Jesuq phana shea wanto. No khum wa tha raq, Jesuq ka chhi raüta, no ka mok wan saq li hiq na riwantlii akap atsea, anü maq atho wum dong wa liishe phehoto.

Luke 7:15

Krai mren she, ama we ka ngasaq she riito. Raüta abom asa waliishe heakito. Kiimaq Jesuq raq noriiwe ka anyung ma kiinong kuqto.

Luke 9:39

Tha raq no ka tiidong chhaq chhaq miili jok wantlo. Raüta, tiimok miichaq tiihaü baiqtlo. Anü maq atho shiiwum dong wala, tha raq apaiq ka kai tiichamchao tlo. Athaq min thaq mak phan maq tiichamchao tlo!

Luke 9:41

Kiijiishe, Jesuq raq treto, “O kamasham ahünok le. Maiqjiq angi nola nok le. Akhiiwiqwiq! Ngi ka namshiq rai ümtinkhan na saüli wa misi wan ha? Lata namshiq homa kra miho wan ha?” Kra ngu raütiishe, apaiq raq awe ka, “Ümse ka ana i phana shea wan laq,” nguta heato.

Luke 9:43

Mungmaiqse wiita raq, kra Shiikeawe ningkun jonghea jaqsham kra chhi raüta, pinthum awang riito. Mungmaiqse phong kriika, Jesuq raq phanrap phanrii amao chang jaqsham tlaq kra thun ka chhi raüta, awang athang rai liipan bala niili, Jesuq raq ajaqshisetiim ma,

John 6:19

Ajaqshisetiim ka lai maq meng biingi tin sha, trok tin she wa jiiq wanto. Kiijiishe tsangshiq raq Jesuq ka kham thaq maq tsangshiq lai tho nü na awa rai chhito. Kra chhi raütiishe tsangshiq ka pinthum kiinyiito.

Acts 9:41

Kiijiishe, Petar raq kra nyung ka ajaq maq kamsaq raüta, tiichapto. Raütiishe, Petar raq Jesuq jaqshisetiim thun ka wiita, manti-nyungre miitaq, rin niiwa, jam mong niishe hali tiijang hea nong raüta, Dorkas ka atra she, tsangshiq jaq na kiinong kuq thüto.

Revelation 12:12

O ramungtan thun lei, ümchaü sanha chochi rong liishe! Ramungtan na siti tarü chochi rong liishe. Shatmaq, ümchaü ka mangjong hiq nai sammoktra jü ma, phiiptsi chang she saü wato. Thawe ka namshiq phaniishe satkito. Atsankhiq wa wanii tu kaü piraü she satkito. Apaiq ma mangjong jamsha wan rahiq akhing ka athum wan she!”