Luke 9:43 - ASII LAKDAP Bible (BSI)

⁴³ Mungmaiqse wiita raq, kra Shiikeawe ningkun jonghea jaqsham kra chhi raüta, pinthum awang riito. Mungmaiqse phong kriika, Jesuq raq phanrap phanrii amao chang jaqsham tlaq kra thun ka chhi raüta, awang athang rai liipan bala niili, Jesuq raq ajaqshisetiim ma,

Hawa Naga Bible 2001

⁴³ Miq htenc lotlaz kuex Tishox luimc vkawc hungc vlaungc ningkhvnc nuex wangc wuez tueq. Miq htenc kuex Yesu rueq shuimx wvnc tueq yauk shuimc htenc kvruex mac wangc wuez koq tueq, Yesu rueq vpiq sangac bix muex vkhoc jungx kuq tueq,

Muklom

⁴³ Shkewa tarong tha khi eq thaji miqtang tha patja ta. Jesu aa chamlang thaji somta tang tha khi eq miqtang tha rapney patja ta. Eshi tok o piq aa ujiphantey tang ma batta,

Luke 9:43 Referencias Cruzadas

Tvtsvmc 139:14

Ngi raq ümnaq tiitsam tiikang jamkhano ngukla ümniimii ma haisong ka ratlo; ümjaqsham ümchuwa ka awang chang nai amao chang siisaq. Arka ngi raq itsan mong maq kunli asapha.

JEKERIA 8:6

“Arka ümchaü arjaq abungse mungmaiqse phong wa atiichong kriiti raq tai miika amaochang. Shatmaq ngi miika jamin harai mak. Jeriiqriiq li.

Matthew 17:22

Ajaqshisetiim ka wiitarü Gelili hiq na riitam jai she, Jesuq raq tsangshiq ma chongto, “Maiq Se ngutlaq ka maiqjaq khon mong na kebaiq wan akhing she saü wato.

Mark 6:51

Raüta, apaiq ka tsangshiq rai lai na ngawa damto. Kiimaq rahai kiimin sangsaq she tsaqkito. Kra chhi raüta, ajaqshisetiim ka pinthum amao riito.

Luke 18:43

Krai mren, apaiq mak ka heakisaq li heakito. Kiimaq apaiq raq Shiikeawe ma kai kechutum tiitsam kam lam miishe, Jesuq jai ka phan wan damto. Mungmaiqse raq kra atsi heakai kra chhi raüta, tsangshiq tarü raq Shiikeawe ka tiitsamkamto.

Luke 4:36

Kra tha jobaiq jaqsham kra chhi raüta, nokmaiqse ka kai awang riito. Kiimaq tsangshiq liipan na, “Apaiq bomtsi arka aheng pinthum! Apaiq raq arang aheng nai ningkun ajong maq, thupbi thati winji kong thun kiimin tiidoq mra jobaiqtlo!” nguta riibomto.

Luke 5:26

Kra chhi raütiishe, tsangshiq tarü ka, kai awang riiwanto. Tsangshiq ka ahai lam maq, “Ümchaü ranaiq nashiq raq, ara awang chang jaqsham jonghea ashi chhi kai!” ngutiishe Shiikeawe ka tiitsamkamto.

Luke 5:9

Apaiq nai akongtitiim thun raq kra ngiq phong achan ana pahea laprat raüta, tsangshiq ka kai awang riito.

Luke 8:25

Kra raütiishe, apaiq raq ajaqshisetiim ka, “Namshiq kamtsantsii ka ümbano?” nguta sonto. Shatmaq, tsangshiq ka kra chhi raüta, kai awangrai li riito. Kiimaq akiinyii rai riito. Kiimaq tsangshiq liipan na, “Riita arwe arka juwa nya? Apaiq raq rathaiq rahai wa tlaq kra nai khamtso blun tlaq kra miimin aming kuq tlo!” nguta tsangshiq liipan na riibomto.

Luke 9:42

No ka Jesuq pha nü na awarai liipan kiijii niili, abi winji raq apaiq ka tiimalaq hiq na liiq baiqto. Jesuq raq tha ka jobaiqto. Raüta, no thatsi kra tiihea kuqto. Raütiishe, awe jaq na kiinong kuqto.

2 Peter 1:16

Naishiq kiimwebi raq namshiq ma nashiq Tati Jesuq Khristo ka apaiq ningkun ajong achhai anyii liliim wahea la maq misaüho nong nguta namshiq ma atsi dada maq chongkuqkai. Kra chongkuq kai irka, naishiq raq chiiheawea wea wa maiq bom chong tiishowo manphan tai laita atlii chongkuq hai riimak. Naishiq raq maiqmii mak maq, apaiq khushü ngao jonglu ka ümtinkhan wa sitlaq kra chhi wan kai.